അരുണാചലിൽ പേമ ഖണ്ഡു അധികാരമേറ്റു
Friday, June 14, 2024 3:19 AM IST
ഇറ്റാനഗർ: അരുണാചൽപ്രദേശ് മുഖ്യമന്ത്രിയായി പേമ ഖണ്ഡു സത്യപ്രതിജ്ഞ ചെയ്ത് അധികാരമേറ്റു. തുടർച്ചയായി മൂന്നാം തവണയാണ് ഖണ്ഡു മുഖ്യമന്ത്രിയാകുന്നത്. 11 മന്ത്രിമാരും ഇന്നലെ സത്യപ്രതിജ്ഞ ചെയ്തു.
മുൻ മുഖ്യമന്ത്രി കലിഖോ പുലിന്റെ ഭാര്യ ദസാംഗ്ലു പുൽ ആണ് മന്ത്രിസഭയിലെ ഏക വനിത. 60 അംഗ നിയമസഭയിൽ ബിജെപിക്ക് 46 അംഗങ്ങളുണ്ട്. മുക്തോ മണ്ഡലത്തിൽനിന്ന് എതിരില്ലാതെയാണ് ഖണ്ഡു തെരഞ്ഞെടുക്കപ്പെട്ടത്.
കേന്ദ്ര ആഭ്യന്തര മന്ത്രി അമിത് ഷാ, ബിജെപി അധ്യക്ഷൻ ജെ.പി. നഡ്ഡ തുടങ്ങിയവർ സത്യപ്രതിജ്ഞാ ചടങ്ങിൽ പങ്കെടുത്തു.