മിസാ ഭാരതിക്കുവേണ്ടി ലാലു കുടുംബം ഒന്നടങ്കം വോട്ട് തേടുന്നു. കഴിഞ്ഞദിവസം രാഹുൽഗാന്ധിയും മണ്ഡലത്തിലെത്തിയിരുന്നു. രാംകൃപാൽ യാദവിനു വേണ്ടി പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, യുപി മുഖ്യമന്ത്രി യോഗി ആദിത്യനാഥ്, മധ്യപ്രദേശ് മുഖ്യമന്ത്രി മോഹൻ യാദവ് എന്നിവർ പ്രചാരണത്തിനെത്തിയിരുന്നു.
2020ലെ നിയമസഭാ തെരഞ്ഞെടുപ്പിൽ പാടലീപുത്ര ലോക്സഭാ മണ്ഡലത്തിലെ ആർജെഡിയുടെ പ്രകടനം മിസാ ഭാരതിക്ക് ആത്മവിശ്വാസം പകരുന്നു. ലോക്സഭാ മണ്ഡലത്തിലെ ആറു നിയമസഭാ മണ്ഡലങ്ങളിലും മഹാഗഡ്ബന്ധനാണു വിജയിച്ചത്.
ആർജെഡിക്ക് മൂന്നും സിപിഐ(എംഎൽ)ലിബറേഷന് രണ്ടും കോൺഗ്രസിന് ഒന്നും സീറ്റ് കിട്ടി. അതേസമയം, ബിക്രം മണ്ഡലത്തിലെ കോൺഗ്രസ് എംഎൽഎ സിദ്ധാർഥ് സൗരവ് ഇടഞ്ഞുനിൽക്കുന്നതു മുതലെടുക്കാനാണു ബിജെപിയുടെ ശ്രമം.