ന്യൂ​ഡ​ൽ​ഹി: മ​ഹാ​രാ​ഷ്‌​ട്ര​യി​ലെ അ​മ​രാ​വ​തി​യി​ൽ കെ​മി​സ്റ്റി​നെ അ​തി​ക്രൂ​ര​മാ​യി കൊ​ല​പ്പെ​ടു​ത്തി​യ സം​ഭ​വം ഉ​ദ​യ്പു​രി​ൽ ക​ഴി​ഞ്ഞ​ദി​വ​സം ന​ട​ന്ന കൊ​ല​പാ​ത​ത്തി​നു സ​മാ​ന​മാ​ണെ​ന്ന നി​ഗ​മ​ന​ത്തെ​ത്തു​ട​ർ​ന്ന് ദേ​ശീ​യ അ​ന്വേ​ഷ​ണ ഏ​ജ​ൻ​സി​ക്കു (എ​ൻ​ഐ​എ) അ​ന്വേ​ഷ​ണം കൈ​മാ​റി. അ​മ​രാ​വ​തി സ്വ​ദേ​ശി ഉ​മേ​ഷ് പ്ര​ഹ്ലാദ് കോ​ലി(54)​യു​ടെ കൊ​ല​പാ​ത​ക​ത്തി​ലാ​ണ് ആ​ഭ്യ​ന്ത​ര​മ​ന്ത്രാ​ല​യ​ത്തി​ന്‍റെ ന​ട​പ​ടി.

ക​ഴി​ഞ്ഞ മാ​സം 21 നാ​ണ് ഇദ്ദേഹം കൊ​ല്ല​പ്പെ​ട്ട​ത്. മ​ഹാ​രാ​ഷ്‌​ട്ര പോ​ലീ​സ് അ​ഞ്ചു​പേ​രെ അ​റ​സ്റ്റ് ചെ​യ്തി​രു​ന്നു. മു​ഖ്യ​പ്ര​തി​യെ​ന്നു സം​ശ​യി​ക്കു​ന്ന ഇ​ർ​ഫാ​ൻ ഖാ​നാ​യി തെ​ര​ച്ചി​ൽ തു​ട​രു​ക​യാ​ണ്. ഒ​രു സ​ന്ന​ദ്ധ​സം​ഘ​ട​ന​യു​ടെ ന​ട​ത്തി​പ്പു​കാ​ര​നാ​ണ് ഇ​യാ​ൾ. പ്ര​വാ​ച​ക​നി​ന്ദ ന​ട​ത്തി​യ നൂ​പു​ർ ശ​ർ​മ​യെ അ​നു​കൂ​ലി​ച്ചു​ള്ള പോ​സ്റ്റ് ഉ​മേ​ഷ് കോ​ലി വാ​ട്സ്ആ​പ്പ് ഗ്രൂ​പ്പു​ക​ളി​ൽ പ്ര​ച​രി​പ്പി​ച്ച​താ​യി സം​ശ​യ​മു​ണ്ട്.

രാ​ത്രി പ​ത്തി​നു ക​ട അ​ട​ച്ച​ശേ​ഷം ഇ​രു​ച​ക്ര​വാ​ഹ​ന​ത്തി​ൽ വീ​ട്ടി​ലേ​ക്കു വ​രു​ന്ന​വ​ഴി​യാ​ണ് ഉ​മേ​ഷ് കോ​ലി കൊ​ല്ല​പ്പെ​ട്ട​ത്. ഇ​രു​ച​ക്ര​വാ​ഹ​ന​ത്തി​ലെ​ത്തി​യ ര​ണ്ടു​പേ​ർ ത​ട​ഞ്ഞു​നി​ർ​ത്തി ക​ഴു​ത്ത​റ​ത്തു കൊ​ല്ലു​ക​യാ​യി​രു​ന്നു. ഉ​മേ​ഷി​ന്‍റെ ഭാ​ര്യ​യും മ​ക​നും മ​റ്റൊ​രു വാ​ഹ​ന​ത്തി​ൽ പി​ന്നാ​ലെ​യു​ണ്ടാ​യി​രു​ന്നു.


അ​മ​രാ​വ​തി​യി​ലെ ബി​ജെ​പി നേ​തൃ​ത്വ​മാ​ണ് ഉ​മേ​ഷി​ന്‍റെ മ​ര​ണ​ത്തി​ൽ സം​ശ​യം പ്ര​ക​ടി​പ്പി​ച്ച് പ​രാ​തി ന​ൽ​കി​യ​ത്. കേ​ന്ദ്ര ആ​ഭ്യ​ന്ത​രമ​ന്ത്രി അ​മി​ത് ഷാ​യു​ടെ ഇ​ട​പെ​ട​ലി​നെ​ത്തു​ട​ർ​ന്ന് എ​ൻ​ഐ​എ അ​ന്വേ​ഷ​ണം പ്ര​ഖ്യാ​പി​ക്കു​ക​യാ​യി​രു​ന്നു.

നൂ​പു​ർ ശ​ർ​മ​യെ പി​ന്തു​ണ​ച്ച​തി​നാ​ണ് ഉ​മേ​ഷി​നെ കൊ​ന്ന​തെ​ന്നു പ്ര​തി​ക​ൾ സ​മ്മ​തി​ച്ചെ​ന്നും പോ​ലീ​സ് ഇ​ക്കാ​ര്യം മ​റ​ച്ചു​വ​യ്ക്കു​ക​യാ​ണെ​ന്നും പ്രാ​ദേ​ശി​ക ബി​ജെ​പി നേ​താ​വ് തു​ഷാ​ർ ഭാ​ര​തീ​യ ആ​രോ​പി​ച്ചു.

മ​ത​വി​ദ്വേ​ഷ​മു​ള്ള സ​മൂ​ഹ​മാ​ധ്യ​മ പോ​സ്റ്റി​ന്‍റെ പേ​രി​ൽ രാ​ജ​സ്ഥാ​നി​ലെ ഉ​ദ​യ്പു​രി​ൽ ക​ന​യ്യ ലാ​ൽ എ​ന്ന ത​യ്യ​ൽ​ക്കാ​ര​നെ ക​ഴി​ഞ്ഞ​ദി​വ​സം ര​ണ്ടു​പേ​ർ ക​ഴു​ത്ത​റ​ത്തു കൊ​ന്നിരുന്നു.