ഗുജറാത്ത് കലാപക്കേസ്: മോദിക്ക് സുപ്രീംകോടതിയുടെ ക്ലീൻ ചിറ്റ്
ഗുജറാത്ത് കലാപക്കേസ്: മോദിക്ക്  സുപ്രീംകോടതിയുടെ ക്ലീൻ ചിറ്റ്
Saturday, June 25, 2022 1:12 AM IST
സെ​ബി മാ​ത്യു

ന്യൂ​ഡ​ൽ​ഹി: ഗു​ജ​റാ​ത്ത് ക​ലാ​പക്കേസി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്ക് ക്ലീ​ൻ ചി​റ്റ് ന​ൽ​കി​യ​തു ശ​രി​വ​ച്ച് സു​പ്രീം​കോ​ട​തി. മോ​ദി​യെ കു​റ്റ​വി​മു​ക്ത​നാ​ക്കി​യ​തി​നെ​തി​രേ ക​ലാ​പ​ത്തി​ൽ കൊ​ല്ല​പ്പെ​ട്ട കോ​ണ്‍ഗ്ര​സ് എം​പി എ​ഹ്സാ​ൻ ജാ​ഫ്രി​യു​ടെ പ​ത്നി സാ​ക്കി​യ ജാ​ഫ്രി ന​ൽ​കി​യ ഹ​ർ​ജി സു​പ്രീം​കോ​ട​തി ത​ള്ളി. ഗു​ജ​റാ​ത്ത് ക​ലാ​പ​ത്തി​ൽ അ​ന്നു സം​സ്ഥാ​ന മു​ഖ്യ​മ​ന്ത്രി​യാ​യി​രു​ന്ന ന​രേ​ന്ദ്ര മോ​ദി​ക്ക് ക്ലീ​ൻ ചി​റ്റ് ന​ൽ​കി​യ പ്ര​ത്യേ​ക അ​ന്വേ​ഷ​ണ​സം​ഘ​ത്തി​ന്‍റെ റി​പ്പോ​ർ​ട്ട് മ​ജി​സ്ട്രേ​റ്റ് കോ​ട​തി ശ​രി​വ​ച്ചി​രു​ന്നു.

പി​ന്നീ​ട് ഹൈ​ക്കോ​ട​തി​യും ഇ​ക്കാ​ര്യം ശ​രി​വ​ച്ച​തോ​ടെ​യാ​ണ് സാ​ക്കി​യ ജാ​ഫ്രി സു​പ്രീം​കോ​ട​തി​യെ സ​മീ​പി​ച്ച​ത്. ഗു​ജ​റാ​ത്ത് ക​ലാ​പ​ത്തി​നു പി​ന്നി​ൽ ഉ​ന്ന​തത​ല ഗൂ​ഢാ​ലോ​ച​ന ഉ​ണ്ടെ​ന്ന ആ​രോ​പ​ണം ശ​രി​വ​ച്ചാ​ൽ ഗോ​ധ്ര കൂ​ട്ട​ക്കൊ​ല​യും ഒ​രു വ​ലി​യ ക്രി​മി​ന​ൽ ഗൂ​ഢാ​ലോ​ച​ന​യു​ടെ ഫ​ല​മാ​ണെ​ന്നു പ​റ​യേ​ണ്ടി​വ​രും. അ​ത്ത​രം ആ​രോ​പ​ണ​ങ്ങ​ളും വീ​ക്ഷ​ണ​ങ്ങ​ളും തി​ക​ച്ചും അ​പ​ഹാ​സ്യ​മാ​ണെ​ന്നാ​ണ് 452 പേ​ജു​ള്ള വി​ധി​യി​ൽ സു​പ്രീം​കോ​ട​തി ഇ​ന്ന​ലെ വ്യ​ക്ത​മാ​ക്കി​യ​ത്.

കേ​സി​ൽ ന​രേ​ന്ദ്ര മോ​ദി ഉ​ൾ​പ്പെ​ടെ 63 പേ​രെ വി​ചാ​ര​ണ ചെ​യ്യാ​ൻ ത​ക്ക തെ​ളി​വു​ക​ളി​ല്ലാ​ത്ത​തി​നാ​ൽ അ​ന്വേ​ഷ​ണം അ​വ​സാ​നി​പ്പി​ക്കു​ന്നു എ​ന്നു ചൂ​ണ്ടി​ക്കാ​ട്ടി​യാ​ണ് പ്ര​ത്യേ​ക അ​ന്വേ​ഷ​ണ​സം​ഘം റി​പ്പോ​ർ​ട്ട് ന​ൽ​കി​യ​ത്.

എ​ന്നാ​ൽ, 2002ൽ ​ന​ട​ന്ന ഗു​ജ​റാ​ത്തി​ലെ വ​ർ​ഗീ​യ​ക​ലാ​പ​ത്തി​ൽ എ​ഹ്സാ​ൻ ജാ​ഫ്രി ഉ​ൾ​പ്പെടെ 68 പേ​ർ കൊ​ല്ല​പ്പെ​ട്ട ഗു​ൽ​ബ​ർ​ഗ കേ​സ് ശ​രി​യാ​യ രീ​തി​യി​ൽ അ​ന്വേ​ഷി​ച്ചി​ല്ല എ​ന്നാ​യി​രു​ന്നു സാ​ക്കി​യ ജാ​ഫ്രി​യു​ടെ ഹ​ർ​ജി​യി​ൽ ചൂ​ണ്ടി​ക്കാ​ട്ടി​യ​ത്. സം​ഭ​വം ന​ട​ക്കു​ന്പോ​ൾ പോ​ലീ​സ് ക​ണ്‍ട്രോ​ൾ റൂ​മി​ൽ സം​സ്ഥാ​ന​ത്തെ ഒ​രു മ​ന്ത്രി ഉ​ണ്ടാ​യി​രു​ന്നു എ​ന്ന കാ​ര്യം ഇ​വ​ർ അ​ന്വേ​ഷി​ച്ചി​ല്ലെ​ന്നും സാ​ക്കി​യ ആ​രോ​പി​ച്ചി​രു​ന്നു.


സം​സ്ഥാ​ന സ​ർ​ക്കാ​രി​നു കീ​ഴി​ലു​ള്ള ഏ​തെ​ങ്കി​ലും ഒ​രു അ​ന്വേ​ഷ​ണ​വി​ഭാ​ഗ​ത്തി​ലെ ചി​ല ഉ​ദ്യോ​ഗ​സ്ഥ​രു​ടെ അ​ലം​ഭാ​വം ചൂ​ണ്ടി​ക്കാ​ട്ടി സം​സ്ഥാ​ന സ​ർ​ക്കാ​ർ ത​ന്നെ ക്രി​മി​ന​ൽ ഗൂ​ഢാ​ലോ​ച​ന ന​ട​ത്തി എ​ന്നു പ​റ​യാ​നാ​കി​ല്ലെ​ന്ന് ജ​സ്റ്റീ​സു​മാ​രാ​യ എ.​എം. ഖാ​ൻ​വി​ൽ​ക്ക​ർ, ദി​നേ​ശ് മ​ഹേ​ശ്വ​രി, സി.​ടി. ര​വി​കു​മാ​ർ എ​ന്നി​വ​ർ ഉ​ൾ​പ്പെ​ട്ട ബെ​ഞ്ച് ചൂ​ണ്ടി​ക്കാ​ട്ടി.

പ്ര​ത്യേ​ക അ​ന്വേ​ഷ​ണ​സം​ഘ​ത്തി​ന്‍റെ റി​പ്പോ​ർ​ട്ട് ശ​രി​വ​ച്ച മ​ജി​സ്ട്രേ​റ്റ് കോ​ട​തി ന​ട​പ​ടി​യെ സു​പ്രീം​കോ​ട​തി വി​ധി​യി​ൽ പ്ര​ശം​സി​ച്ചു. ആ​രൊ​ക്കെ എ​ന്തൊ​ക്കെ എ​ങ്ങ​നെ​യൊ​ക്കെ എ​ന്നു​ള്ള വ്യ​ക്ത​വും കൃ​ത്യ​വു​മാ​യ തെ​ളി​വു​ക​ളി​ല്ലാ​തെ ഇ​ത്ത​രം കു​റ്റ​കൃ​ത്യ​ങ്ങ​ളി​ൽ ഗൂ​ഢാ​ലോ​ച​ന​ക​ൾ ന​ട​ന്നു എ​ന്ന് ആ​രോ​പ​ണം ഉ​ന്ന​യി​രി​ക്ക​രു​തെ​ന്നും സു​പ്രീം​കോ​ട​തി ചൂ​ണ്ടി​ക്കാ​ട്ടി. ടീ​സ്റ്റ സെ​റ്റ​ൽ​വാ​ദ് കേ​സി​ൽ ക​ക്ഷി ചേ​ർ​ന്ന​ത് സാ​ക്കി​യ ജാ​ഫ്രി​യു​ടെ വൈ​കാ​രി​ക വി​ഷ​മ​ത്തെ ചൂ​ഷ​ണം ചെ​യ്താ​ണെ​ന്നും വി​ധി​യി​ൽ പ​രാ​മ​ർ​ശ​മു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.