ചിന്തൻശിബിരം പരാജയമെന്നു പ്രശാന്ത് കിഷോർ : Deepika.com National News |

Click here for detailed news of all items

ചിന്തൻശിബിരം പരാജയമെന്നു പ്രശാന്ത് കിഷോർ

Saturday, May 21, 2022 1:02 AM IST

ന്യൂഡൽഹി: നഷ്ടപ്രതാപം വീണ്ടെടുക്കാനായി കോൺഗ്രസ് അടുത്തിടെ സംഘടിപ്പിച്ച ചിന്തൻശിബിരത്തെക്കുറിച്ചു പ്രതികരണവുമായി തെരഞ്ഞെടുപ്പു തന്ത്രജ്ഞൻ പ്രശാന്ത് കിഷോർ. അടുത്തവർഷമാദ്യം നടക്കുന്ന ഗുജറാത്ത്, ഹിമാചൽ നിയമസഭാ തെരഞ്ഞെടുപ്പുകളിൽ കോൺഗ്രസ് പരാജയപ്പെടും എന്നതുൾപ്പെടെ പരാമർശങ്ങളോടെയാണു പ്രതികരണം.

“ഉദയ്പുർ ചിന്തൻ ശിബിരത്തെക്കുറിച്ചു പലരും അഭിപ്രായമാരാഞ്ഞിരുന്നു. എന്‍റെ കാഴ്ചപ്പാടിൽ ഗുജറാത്തിലും ഹിമാചൽ പ്രദേശിലും നേരിടേണ്ടിവരുന്ന പരാജയംവരെ നിലവിലുള്ള സ്ഥിതി നീട്ടിക്കൊണ്ടുപോകുന്നതിനു നേതൃത്വത്തിനു സമയം ലഭിക്കുമെന്നല്ലാതെ അർഥവത്തായ എന്തെങ്കിലും നേടുന്നതിൽ ചിന്തൻ ശിബിരം പരാജയപ്പെട്ടു” എന്നായിരുന്നു പ്രശാന്ത് കിഷോറിന്‍റെ ട്വീറ്റ്.

2014 നുശേഷം തുടർച്ചയായി അഭിമുഖീകരിക്കുന്ന തെരഞ്ഞെടുപ്പു പരാജയത്തിൽനിന്നു കരകയറുന്നതിനാണ് അടുത്തിടെ രാജസ്ഥാനിലെ ഉദയ്പുരിൽ മൂന്നുദിവസം നീണ്ട ചിന്തൻശിബിരം കോൺഗ്രസ് നേതൃത്വം നടത്തിയത്. ഇതിനും ആഴ്ചകൾക്കു മുന്പേ പ്രശാന്ത് കിഷോറുമായി കോൺഗ്രസ് പലവട്ടം ചർച്ചകൾ നടത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.