National News
ഇന്ത്യ വൻശക്തി; സുഹൃദ് രാജ്യം: പുടിൻ
ഇന്ത്യ വൻശക്തി; സുഹൃദ് രാജ്യം: പുടിൻ
Tuesday, December 7, 2021 12:47 AM IST
ന്യൂ​ഡ​ൽ​ഹി: ഇ​ന്ത്യ വ​ൻ​ശ​ക്തി​യാ​ണെ​ന്നും ദീ​ർ​ഘ​കാ​ല സു​ഹൃ​ദ് രാ​ജ്യ​മെ​ന്നും റ​ഷ്യ​ൻ പ്ര​സി​ഡ​ന്‍റ് വ്ളാ​ദി​മി​ർ പു​ടി​ൻ. ഇ​രു​രാ​ജ്യ​വും ത​മ്മി​ലു​ള്ള ബ​ന്ധം വെ​ല്ലു​വി​ളി​ക​ൾ​ക്കി​ട​യി​ലും ശ​ക്ത​മാ​യി വ​ള​രു​ക​യാ​ണെ​ന്നു പു​ടി​നും, എ​ക്കാ​ലത്തേക്കാ​ളും ശ​ക്ത​മാ​യെ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും പ​റ​ഞ്ഞു.

പ്ര​സി​ഡ​ന്‍റ് പു​ടി​ന്‍റെ ഇ​ന്ത്യാ സ​ന്ദ​ർ​ശ​നം ച​രി​ത്ര​പ​ര​മാ​യ വ​ഴി​ത്തി​രി​വാ​കു​മെ​ന്നു മോ​ദി പ​റ​ഞ്ഞു. മൂ​ന്നു പ​തി​റ്റാ​ണ്ടി​ലേ​റെ​യു​ള്ള ഇ​ന്ത്യ- റ​ഷ്യ ത​ന്ത്ര​പ​ര​മാ​യ പ​ങ്കാ​ളി​ത്ത​ത്തി​ന് പ്ര​സി​ഡ​ന്‍റ് പു​ടി​നെ അ​ഭി​ന​ന്ദി​ക്കു​ന്നു​വെ​ന്നും ഡ​ൽ​ഹി​യി​ലെ ഹൈ​ദ​രാ​ബാ​ദ് ഹൗ​സി​ൽ ഇ​ന്ന​ലെ ന​ട​ത്തി​യ ച​ർ​ച്ച​യി​ൽ പ്ര​ധാ​ന​മ​ന്ത്രി കൂ​ട്ടി​ച്ചേ​ർ​ത്തു. പു​ടി​ന്‍റെ സ​ന്ദ​ർ​ശ​നം ഇ​ന്ത്യ​യോ​ടു​ള്ള അ​ടു​പ്പ​മാ​ണു വ്യ​ക്ത​മാ​ക്കു​ന്ന​ത്.

കോ​വി​ഡ് -19 ഉ​യ​ർ​ത്തു​ന്ന വെ​ല്ലു​വി​ളി​ക​ൾ​ക്കി​ട​യി​ലും ഇ​ന്ത്യ-​റ​ഷ്യ ബ​ന്ധ​ത്തി​ന്‍റെ വ​ള​ർ​ച്ച​യു​ടെ വേ​ഗ​ത്തി​ൽ മാ​റ്റ​മി​ല്ല. പ്ര​ത്യേ​കാ​വ​കാ​ശ​മു​ള്ള ത​ന്ത്ര​പ​ര​മാ​യ പ​ങ്കാ​ളി​ത്തം കൂ​ടു​ത​ൽ ശ​ക്ത​മാ​യി തു​ട​രു​ക​യാ​ണെ​ന്നും മോ​ദി ചൂ​ണ്ടി​ക്കാ​ട്ടി.

ഇ​ന്ത്യ- റ​ഷ്യ 21-ാമ​ത് ഉ​ച്ച​കോ​ടി​ക്കാ​യി ഇ​ന്ന​ലെ വൈ​കു​ന്നേ​രം ഡ​ൽ​ഹി​യി​ലെ​ത്തി​യ പു​ടി​ന് പ്ര​ധാ​ന​മ​ന്ത്രി മോ​ദി ഹൈ​ദ​രാ​ബാ​ദ് ഹൗ​സി​ൽ ഉൗ​ഷ്മ​ള വ​ര​വേ​ൽ​പാ​ണു ന​ൽ​കി​യ​ത്. കോ​വി​ഡി​നു ശേ​ഷ​മു​ള്ള പു​ടി​ന്‍റെ ര​ണ്ടാ​മ​ത്തെ വി​ദേ​ശ​ സ​ന്ദ​ർ​ശ​ന​മാ​ണി​ത്. പു​ടി​ന്‍റെ ഇ​ന്ത്യ സ​ന്ദ​ർ​ശ​നം ആ​ഗോ​ള​ത​ല​ത്തി​ൽ വ​ലി​യ പ്രാ​ധാ​ന്യ​മു​ള്ള​താ​യി.

റ​ഷ്യ​യു​ടെ പ്ര​തി​രോ​ധ, വി​ദേ​ശ​കാ​ര്യമ​ന്ത്രി​മാ​ർ പു​ടി​നു മു​ന്പാ​യി ഡ​ൽ​ഹി​യി​ലെ​ത്തി ത​ന്ത്ര​പ്ര​ധാ​ന ക​രാ​റു​ക​ളി​ലൊ​പ്പു​വ​ച്ചു. ആ​റു മ​ണി​ക്കൂ​ർ മാ​ത്രം നീ​ണ്ട സ​ന്ദ​ർ​ശ​നം പൂ​ർ​ത്തി​യാ​ക്കി ഇ​ന്നു പു​ല​ർ​ച്ചെ പു​ടി​ൻ മ​ട​ങ്ങി. ര​ണ്ടു വ​ർ​ഷ​ത്തി​നു ശേ​ഷ​മാ​ണു പു​ടി​നും മോ​ദി​യും നേ​രി​ൽ കാ​ണു​ന്ന​ത്. 2019ൽ ​ബ്ര​സീ​ലി​ൽ ന​ട​ന്ന ബ്രി​ക്്സ് (ബ്ര​സീ​ൽ, റ​ഷ്യ, ഇ​ന്ത്യ, ചൈ​ന, ദ​ക്ഷി​ണാ​ഫ്രി​ക്ക) ഉ​ച്ച​കോ​ടി​ക്കി​ടെ ഇ​രു​നേ​താ​ക്ക​ളും കൂ​ടി​ക്കാ​ഴ്ച ന​ട​ത്തി​യി​രു​ന്നു.


അ​ഫ്ഗാ​നി​സ്ഥാ​നി​ലെ താ​ലി​ബാ​ൻ ഭ​ര​ണം, സു​ര​ക്ഷാ സാ​ഹ​ച​ര്യം, തീ​വ്ര​വാ​ദ- ഭീ​ക​രാ​ക്ര​മ​ണ ഭീ​ഷ​ണി​ക​ൾ, തീ​വ്ര​വാ​ദ ധ​ന​സ​ഹാ​യ​ങ്ങ​ൾ, ആ​യു​ധ-​മ​യ​ക്കു​മ​രു​ന്ന് വ്യാ​പാ​രം തു​ട​ങ്ങി​യ​വ മോ​ദി​യും പു​ടി​നും ച​ർ​ച്ച ചെ​യ്തു. ഇ​രു​രാ​ജ്യ​ങ്ങ​ളും ആ​ശ​ങ്ക​ക​ൾ പ​ങ്കി​ടു​ക​യും സ​ഹ​ക​ര​ണം ശ​ക്തി​പ്പെ​ടു​ത്താ​ൻ തീ​രു​മാ​നി​ക്കു​ക​യും ചെ​യ്ത​താ​യി ഉ​ന്ന​ത​കേ​ന്ദ്ര​ങ്ങ​ൾ അ​റി​യി​ച്ചു.

“തീ​വ്ര​വാ​ദ​വു​മാ​യി ബ​ന്ധ​പ്പെ​ട്ട എ​ല്ലാക്കാ​ര്യ​ങ്ങ​ളെ​ക്കു​റി​ച്ചും സ്വാ​ഭാ​വി​ക​മാ​യും ഞ​ങ്ങ​ൾ ആ​ശ​ങ്കാ​കു​ല​രാ​ണ്. തീ​വ്ര​വാ​ദ​ത്തി​നെ​തി​രാ​യ പോ​രാ​ട്ടം മ​യ​ക്കു​മ​രു​ന്നു ക​ട​ത്തി​നും സം​ഘ​ടി​ത കു​റ്റ​കൃ​ത്യ​ങ്ങ​ൾ​ക്കും എ​തി​രാ​യ പോ​രാ​ട്ടംകൂ​ടി​യാ​ണ്. അ​ഫ്ഗാ​നി​സ്ഥാ​നി​ലെ സം​ഭ​വ​വി​കാ​സ​ങ്ങ​ളി​ൽ ഞ​ങ്ങ​ൾ​ക്ക് ആ​ശ​ങ്ക​യു​ണ്ട്’’- റ​ഷ്യ​ൻ പ്ര​സി​ഡ​ന്‍റ് പ​റ​ഞ്ഞു.

നി​ല​വി​ൽ ഏ​ക​ദേ​ശം 38 ബി​ല്യ​ണ്‍ ആ​ണു പ​ര​സ്പ​ര നി​ക്ഷേ​പം. ഇ​തി​ൽ റ​ഷ്യ​യു​ടെ ഭാ​ഗ​ത്തു​നി​ന്നു കു​റ​ച്ചു കൂ​ടു​ത​ൽ നി​ക്ഷേ​പ​മു​ണ്ട്. സൈ​നി​ക, സാ​ങ്കേ​തി​ക മേ​ഖ​ല​ക​ളി​ൽ മ​റ്റേ​തൊ​രു രാ​ജ്യ​ത്തേ​ക്കാ​ളും ഇ​ന്ത്യ​യു​മാ​യി സ​ഹ​ക​രി​ക്കു​ന്നു. ഉ​യ​ർ​ന്ന സാ​ങ്കേ​തി​ക​വി​ദ്യ​ക​ൾ വി​ക​സി​പ്പി​ക്കു​ക​യും ഇ​ന്ത്യ​യി​ൽ ഉ​ത്പാ​ദി​പ്പി​ക്കു​ക​യും ചെ​യ്യു​ന്നു​ണ്ടെ​ന്നും പു​ടി​ൻ പ​റ​ഞ്ഞു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.