എംപിമാരുടെ സസ്പെൻഷൻ ജ​നാ​ധി​പ​ത്യവി​രു​ദ്ധ​മെ​ന്നു പ്ര​തി​പ​ക്ഷം
എംപിമാരുടെ സസ്പെൻഷൻ  ജ​നാ​ധി​പ​ത്യവി​രു​ദ്ധ​മെ​ന്നു പ്ര​തി​പ​ക്ഷം
Tuesday, November 30, 2021 1:41 AM IST
ന്യൂ​​ഡ​​ൽ​​ഹി: രാജ്യ​​സ​​ഭാ ച​​ട്ട​​ങ്ങ​​ളു​​ടെ ലം​​ഘ​​ന​​വും ജ​​നാ​​ധി​​പ​​ത്യ വി​​രു​​ദ്ധ​​വും ഭ​​ര​​ണ​​ഘ​​ട​​നാ ലം​​ഘ​​ന​​വു​​മാ​​ണ് 12 പ്ര​​തി​​പ​​ക്ഷ എം​​പി​​മാ​​രെ സ​​സ്പെ​​ൻ​​ഡ് ചെ​​യ്ത ന​​ട​​പ​​ടി​​യെ​​ന്നു പ്ര​​തി​​പ​​ക്ഷ പാ​​ർ​​ട്ടി​​ക​​ൾ സം​​യു​​ക്ത പ്ര​​സ്താ​​വ​​ന​​യി​​ൽ കു​​റ്റ​​പ്പെ​​ടു​​ത്തി.

പ്ര​​തി​​പ​​ക്ഷ നേ​​താ​​വി​​ന്‍റെ ചേം​​ബ​​റി​​ൽ പ്ര​​തി​​പ​​ക്ഷ നേ​​താ​​ക്ക​​ൾ ഇ​​ന്നു രാ​​വി​​ലെ സ​​മ്മേ​​ളി​​ച്ചു ഭാ​​വി​​പ​​രി​​പാ​​ടി​​ക​​ൾ നി​​ശ്ച​​യി​​ക്കു​​മെ​​ന്നു മ​​ല്ലി​​കാ​​ർ​​ജു​​ൻ ഖാ​​ർ​​ഗെ പ്ര​​സ്താ​​വ​​ന​​യി​​ൽ അ​​റി​​യി​​ച്ചു.

രാ​​ജ്യ​​സ​​ഭ​​യി​​ലും ലോ​​ക്സ​​ഭ​​യി​​ലും പു​​റ​​ത്തും സ​​സ്പെ​​ൻ​​ഷ​​നെ​​തി​​രേ വ​​ൻ​​പ്ര​​തി​​ഷേ​​ധം ഉ​​യ​​ർ​​ത്താ​​നാ​​ണു പ്ര​​തി​​പ​​ക്ഷ നീ​​ക്കം. ഇ​​തോ​​ടെ ശൈ​​ത്യ​​കാ​​ല സ​​മ്മേ​​ള​​നം പ്ര​​തീ​​ക്ഷി​​ച്ച​​തി​​ലേ​​റെ പ്ര​​ക്ഷു​​ബ്ധ​​മാ​​കു​​മെ​​ന്നു തീ​​ർ​​ച്ച​​യാ​​യി.

ന​​ട​​പ​​ടി തീ​​ർ​​ത്തും ജ​​നാ​​ധി​​പ​​ത്യ വി​​രു​​ദ്ധ​​മാ​​ണെ​​ന്ന് എ​​ള​​മ​​രം ക​​രീ​​മും ബി​​നോ​​യ് വി​​ശ്വ​​വും പ​​റ​​ഞ്ഞു. ഒ​​രു സ​​മ്മേ​​ള​​നകാ​​ല​​ത്തെ സം​​ഭ​​വ​​ങ്ങ​​ളു​​ടെ പേ​​രി​​ൽ അ​​ടു​​ത്ത സ​​മ്മേ​​ള​​ന​​കാ​​ലം മു​​ഴു​​വ​​ൻ സ​​സ്പെ​​ൻ​​ഡ് ചെ​​യ്യു​​ന്ന​​തു ച​​ട്ട​​വി​​രു​​ദ്ധ​​വും കേ​​ട്ടു​​കേ​​ൾ​​വി​​യി​​ല്ലാ​​ത്ത​​തു​​മാ​​ണെ​​ന്നും ഇ​​രു​​വ​​രും ചൂ​​ണ്ടി​​ക്കാ​​ട്ടി.

ഭ​​ര​​ണ​​ഘ​​ട​​നാ, ജ​​നാ​​ധി​​പ​​ത്യ ത​​ത്വ​​ങ്ങ​​ൾ ബ​​ലി​​ക​​ഴി​​ച്ചു പ്ര​​ധാ​​ന​​മ​​ന്ത്രി​​ക്കു തോ​​ന്നി​​യ​​തു ചെ​​യ്യു​​ക​​യാ​​ണെ​​ന്ന് ഇ​​ത​​ര പ്ര​​തി​​പ​​ക്ഷ എം​​പി​​മാ​​ർ പ​​റ​​ഞ്ഞു. പു​​രു​​ഷ മാ​​ർ​​ഷ​​ലു​​ക​​ൾ വ​​നി​​താ എം​​പി​​മാ​​രെ കൈ​​യേ​​റ്റം ചെ​​യ്യു​​ന്ന​​തു സി​​സി​​ടി​​വി ദൃ​​ശ്യ​​ങ്ങ​​ളി​​ൽ വ്യ​​ക്ത​​മാ​​ണ്. വി​​ശ​​ദീ​​ക​​ര​​ണം പോ​​ലും കേ​​ൾ​​ക്കാ​​തെ​​യാ​​ണു തി​​ക​​ച്ചും ഏ​​ക​​പ​​ക്ഷീ​​യ ന​​ട​​പ​​ടി. ഇതു പാ​​ർ​​ല​​മെ​​ന്‍റ​​റി മ​​ര്യാ​​ദ​​യു​​ടെ ലം​​ഘ​​നമാ ണെന്നും സ​​സ്പെ​​ൻ​​ഡ് ചെ​​യ്യ​​പ്പെ​​ട്ട പ്രി​​യ​​ങ്ക ച​​തു​​ർ​​വേ​​ദി പ​​റ​​ഞ്ഞു.

സ​​സ്പെ​​ൻ​​ഷ​​നി​​ലേ​​ക്കു ന​​യി​​ച്ച സം​​ഭ​​വം

പാർ​​ല​​മെ​​ന്‍റി​​ന്‍റെ വ​​ർ​​ഷ​​കാ​​ല സ​​മ്മേ​​ള​​നം സ​​മാ​​പി​​ക്കു​​ന്ന​​തി​​ന്‍റെ ത​​ലേ​​ദി​​വ​​സ​​മാ​​യ ക​​ഴി​​ഞ്ഞ ഓ​​ഗ​​സ്റ്റ് 12ന് ​​രാ​​ജ്യ​​സ​​ഭ​​യി​​ലു​​ണ്ടാ​​യ വ​​ലി​​യ സം​​ഘ​​ർ​​ഷ​​മാ​​ണ് 12 പ്ര​​തി​​പ​​ക്ഷ എം​​പി​​മാ​​രു​​ടെ സ​​സ്പെ​​ൻ​​ഷ​​നി​​ൽ ക​​ലാ​​ശി​​ച്ച​​ത്.

വ​​നി​​താ എം​​പി​​മാ​​രെ മാ​​ർ​​ഷ​​ലു​​ക​​ൾ ആ​​ക്ര​​മി​​ച്ചെ​​ന്നു പ്ര​​തി​​പ​​ക്ഷ​​വും പ്ര​​തി​​പ​​ക്ഷ എം​​പി​​മാ​​ർ മാ​​ർ​​ഷ​​ലി​​നെ ആ​​ക്ര​​മി​​ക്കു​​ക​​യും രാ​​ജ്യ​​സ​​ഭ​​യി​​ൽ അ​​ക്ര​​മം ന​​ട​​ത്തു​​ക​​യും ചെ​​യ്തു​​വെ​​ന്നു സ​​ർ​​ക്കാ​​രും അ​​ന്ന് ആ​​രോ​​പി​​ച്ചി​​രു​​ന്നു.

ഇ​​ൻ​​ഷ്വ​​റൻ​​സ് ഭേ​​ദ​​ഗ​​തി ബി​​ൽ അ​​വ​​ത​​ര​​ണ​​ത്തി​​നു മു​​ന്പാ​​യി വ​​ള​​ര​​യ​​ധി​​കം സു​​ര​​ക്ഷാ ജീ​​വ​​ന​​ക്കാ​​രെ​​യും മാ​​ർ​​ഷ​​ലു​​ക​​ളെ​​യും രാ​​ജ്യ​​സ​​ഭ​​യി​​ൽ വി​​ന്യ​​സി​​ച്ചി​​രു​​ന്നു. എ​​ന്നാ​​ൽ മാ​​ർ​​ഷ​​ലു​​ക​​ളെ എം​​പി​​മാ​​രാ​​ണ് ആ​​ക്ര​​മി​​ച്ച​​തെ​​ന്നു സ​​ഭാ​​നേ​​താ​​വുകൂ​​ടി​​യാ​​യ മ​​ന്ത്രി പി​​യൂ​​ഷ് ഗോ​​യ​​ൽ പ​​റ​​ഞ്ഞു. വ​​നി​​താ എം​​പി​​മാ​​രു​​ടെ ആ​​രോ​​പ​​ണം പ​​ച്ച​​ക്ക​​ള്ള​​വും വ്യാ​​ജ​​വു​​മാ​​ണെ​​ന്നു സി​​സി​​ടി​​വി ദൃ​​ശ്യ​​ങ്ങ​​ളി​​ൽ വ്യ​​ക്ത​​മാ​​ണെ​​ന്നു പാ​​ർ​​ല​​മെ​​ന്‍റ​​റി​​കാ​​ര്യ മ​​ന്ത്രി പ്ര​​ഹ്ലാ​​ദ് ജോ​​ഷി​​യും പ​​റ​​ഞ്ഞു.


ലക്ഷ​​ക്ക​​ണ​​ക്കി​​നാ​​ളു​​ക​​ളെ ബാ​​ധി​​ക്കു​​ന്ന സു​​പ്ര​​ധാ​​ന ഇ​​ൻ​​ഷ്വ​റ​​ൻ​​സ് ഭേ​​ദ​​ഗ​​തി നി​​യ​​മ​​നി​​ർ​​മാ​​ണം ച​​ർ​​ച്ച​​യും വോ​​ട്ടെ​​ടു​​പ്പും കൂ​​ടാ​​തെ പാ​​സാ​​ക്കു​​ന്ന​​തി​​നെ പ്ര​​തി​​പ​​ക്ഷം ഒ​​ന്ന​​ട​​ങ്കം എ​​തി​​ർ​​ത്തു. ഇ​​തു വ​​ക​​വ​​യ്ക്കാ​​തെ സ​​ർ​​ക്കാ​​ർ ബി​​ൽ അ​​വ​​ത​​രി​​പ്പി​​ച്ചു. പ്ര​​തി​​പ​​ക്ഷ ബ​​ഹ​​ള​​ത്തി​​നി​​ടെ ബി​​ൽ പാ​​സാ​​ക്കി​​യ​​താ​​യി പ്ര​​ഖ്യാ​​പി​​ച്ചു സ​​ഭ പി​​രി​​യു​​ക​​യാ​​യി​​രു​​ന്നു. ഇ​​ന്ന​​ലെ റ​​ദ്ദാ​​ക്കി​​യ മൂ​​ന്നു കാ​​ർ​​ഷി​​ക ബി​​ല്ലു​​ക​​ൾ ക​​ഴി​​ഞ്ഞ സ​​മ്മേ​​ള​​ന​​ത്തി​​ൽ പാ​​സാ​​ക്കി​​യ​​തും ഇ​​തേ പോ​​ലെ ച​​ർ​​ച്ച​​യും വോ​​ട്ടെ​​ടു​​പ്പും ഇ​​ല്ലാ​​തെ​​യാ​​യി​​രു​​ന്നു.

ഇ​​ൻ​​ഷ്വ​റ​​ൻ​​സ് ഭേ​​ദ​​ഗ​​തി​​യെ എ​​തി​​ർ​​ത്ത് എ​​ള​​മ​​രം ക​​രീം, ബി​​നോ​​യ് വി​​ശ്വം അ​​ട​​ക്ക​​മു​​ള്ള എം​​പി​​മാ​​ർ ന​​ടു​​ത്ത​​ള​​ത്തി​​ലേ​​ക്കു പാ​​ഞ്ഞെത്തിയ​​തോ​​ടെ സു​​ര​​ക്ഷാ വി​​ഭാ​​ഗ​​ക്കാ​​രാ​​യ മാ​​ർ​​ഷ​​ലു​​ക​​ൾ ത​​ട​​ഞ്ഞു. എ​ള​​മ​​രം ക​​രീം അ​​ട​​ക്കം ഏ​​താ​​നും എം​​പി​​മാ​​ർ സെ​​ക്ര​​ട്ട​​റി ജ​​ന​​റ​​ലി​​ന്‍റെ​​യും ജീ​​വ​​ന​​ക്കാ​​രു​​ടെ​​യും മേ​​ശ​​യ്ക്കു മു​​ക​​ളി​​ൽ ക​​യ​​റി പ്ര​​തി​​ഷേ​​ധി​​ച്ചു.

ബ​​ഹ​​ള​​ത്തി​​നി​​ടെ വ​​നി​​താ മാ​​ർ​​ഷ​​ലു​​ക​​ളും വ​​നി​​താ എം​​പി​​മാ​​രും ത​​മ്മി​​ൽ ഉ​​ന്തും ത​​ള്ളും ഉ​​ണ്ടാ​​യി. ഇ​​തി​​നി​​ടെ വ​​നി​​താ മാ​​ർ​​ഷ​​ലി​​നു പ​​രി​​ക്കേ​​ൽ​​ക്കു​​ക​​യും രാ​​ജ്യ​​സ​​ഭാ ചേം​​ബ​​റി​​ന്‍റെ ക​​ത​​കി​​നു കേ​​ടു​​പാ​​ടു സം​​ഭ​​വി​​ക്കു​​ക​​യും ചെ​​യ്തു​​വെ​​ന്നാ​​ണു സ​​ർ​​ക്കാ​​ർ ഭാ​​ഷ്യം.

എം​​പി​​മാ​രേ​​ക്കാ​​ൾ കൂ​​ടു​​ത​​ൽ മാ​​ർ​​ഷ​​ൽ​​മാ​​രെ നി​​യോ​​ഗി​​ച്ച​​തു പാ​​ർ​​ല​​മെ​​ന്‍റി​​നോ​​ടു​​ള്ള അ​​വ​​ഹേ​​ള​​ന​​മാ​​ണെ​​ന്നു പ്ര​​തി​​പ​​ക്ഷ നേ​​താ​​വ് മ​​ല്ലി​​കാ​​ർ​​ജു​​ൻ ഖാ​​ർ​​ഗെ ചൂ​​ണ്ടി​​ക്കാ​​ട്ടി​​യെ​​ങ്കി​​ലും അ​​വ​​രെ പി​​ൻ​​വ​​ലി​​ക്കാ​​ൻ സ​​ഭാ​​ത​​ല​​വ​​ൻ ത​​യാ​​റാ​​യി​​ല്ല. എം​​പി​​മാ​​രെ മാ​​ർ​​ഷ​​ലു​​ക​​ൾ കൈ​​യേ​​റ്റം ചെ​​യ്തെ​​ന്നും പാ​​ർ​​ല​​മെ​​ന്‍റി​​ൽ പോ​​ലും വ​​നി​​ത​​ക​​ൾ​​ക്കു സു​​ര​​ക്ഷ​​യി​​ല്ലെ​​ന്നും ഖാ​​ർ​​ഗെ അ​​ന്ന് ആ​​രോ​​പി​​ച്ചു.

55 വ​​ർ​​ഷം നീ​​ണ്ട പാ​​ർ​​ല​​മെ​​ന്‍റ​​റി അ​​നു​​ഭ​​വ​​ത്തി​​നി​​ടെ എം​​പി​​മാ​​രെ മാ​​ർ​​ഷ​​ലു​​ക​​ൾ കൈ​​യേ​​റ്റം ചെ​​യ്യു​​ന്ന​​തു ക​​ണ്ടി​​ട്ടി​​ല്ലെ​​ന്നു ശ​​ര​​ത് പ​​വാ​​റും പ​​റ​​ഞ്ഞു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.