National News
കാർഷിക നിയമങ്ങൾ റദ്ദാക്കാൻ മന്ത്രിസഭ; താങ്ങുവിലയിൽ മൗനം
കാർഷിക നിയമങ്ങൾ റദ്ദാക്കാൻ മന്ത്രിസഭ; താങ്ങുവിലയിൽ മൗനം
Thursday, November 25, 2021 12:29 AM IST
ന്യൂ​ഡ​ൽ​ഹി: കാ​ർ​ഷി​കോ​ത്പ​ന്ന​ങ്ങ​ൾ​ക്കു ചു​രു​ങ്ങി​യ താ​ങ്ങു​വി​ല ഉ​റ​പ്പു​ന​ൽ​കാ​ൻ നി​യ​മം വേ​ണ​മെ​ന്ന സ​മ​രം ചെ​യ്ത ക​ർ​ഷ​ക​രു​ടെ ആ​വ​ശ്യ​ത്തോ​ടു പ്ര​തി​ക​രി​ക്കാ​തെ കേ​ന്ദ്ര​മ​ന്ത്രി​സ​ഭ.

എ​ന്നാ​ൽ, പ്ര​ധാ​ന​മ​ന്ത്രി ന​രേ​ന്ദ്ര മോ​ദി പ്ര​ഖ്യാ​പി​ച്ച​ത​നു​സ​രി​ച്ചു വി​വാ​ദ​മാ​യ മൂ​ന്നു കാ​ർ​ഷി​ക നി​യ​മ​ങ്ങ​ളും റ​ദ്ദാ​ക്കാ​നു​ള്ള ഔ​പ​ചാ​രി​ക​ത​ക​ൾ ഇ​ന്ന​ലെ ചേ​ർ​ന്ന മ​ന്ത്രി​സ​ഭാ​യോ​ഗം പൂ​ർ​ത്തി​യാ​ക്കി. പ്ര​ധാ​ന​മ​ന്ത്രി ഗ​രീ​ബ് ക​ല്യാ​ണ്‍ അ​ന്ന യോ​ജ​ന പ​ദ്ധ​തി 2022 മാ​ർ​ച്ച് വ​രെ നീ​ട്ടു​ന്ന​തി​നും മ​ന്ത്രി​സ​ഭ അം​ഗീ​കാ​രം ന​ൽ​കി.

മൂ​ന്നു കാ​ർ​ഷി​ക നി​യ​മ​ങ്ങ​ൾ റ​ദ്ദാ​ക്കു​ന്ന​തി​നാ​ണു തി​ങ്ക​ളാ​ഴ്ച തു​ട​ങ്ങു​ന്ന പാ​ർ​ല​മെ​ന്‍റി​ന്‍റെ ശൈ​ത്യ​കാ​ല സ​മ്മേ​ള​ന​ത്തി​ൽ മു​ൻ​ഗ​ണ​ന​യെ​ന്നു മ​ന്ത്രി​സ​ഭാ​യോ​ഗ തീ​രു​മാ​ന​ങ്ങ​ൾ വി​ശ​ദീ​ക​രി​ച്ച വാ​ർ​ത്താ​വി​ത​ര​ണ മ​ന്ത്രി അ​നു​രാ​ഗ് ഠാ​ക്കൂ​ർ പ​റ​ഞ്ഞു.

പ്ര​തി​ഷേ​ധി​ക്കു​ന്ന ക​ർ​ഷ​ക​രു​ടെ പ്ര​ധാ​ന ആ​വ​ശ്യ​മാ​യ താ​ങ്ങു​വി​ല​യ്ക്കാ​യി പ്ര​ത്യേ​ക നി​യ​മം സ​ർ​ക്കാ​ർ കൊ​ണ്ടു​വ​രു​മോ എ​ന്ന ചോ​ദ്യ​ത്തി​നു മ​ന്ത്രി ഉ​ത്ത​രം ന​ൽ​കി​യി​ല്ല. താ​ങ്ങു​വി​ല​യ്ക്കാ​യി കേ​ന്ദ്രം പു​തി​യ സ​മി​തി​യെ നി​യോ​ഗി​ക്കു​മെ​ന്ന പ്ര​ധാ​ന​മ​ന്ത്രി​യു​ടെ പ്ര​ഖ്യാ​പ​ന​ത്തെ​ക്കു​റി​ച്ചും ഠാ​ക്കൂ​ർ മൗ​നം പാ​ലി​ച്ചു. ന​ട​പ​ടി​ക്ര​മ​ങ്ങ​ള​നു​സ​രി​ച്ചു ന​ട​ക്കാ​നു​ള്ള​തൊ​ക്കെ ന​ട​ക്കു​മെ​ന്നു മ​ന്ത്രി കൂ​ട്ടി​ച്ചേ​ർ​ത്തു.


ഫാ​ർ​മേ​ഴ്സ് പ്രൊ​ഡ്യൂ​സ് ട്രേ​ഡ് ആ​ന്‍ഡ് കൊ​മേ​ഴ്സ് (പ്ര​മോ​ഷ​നും ഫസി​ലി​റ്റേ​ഷ​ൻ) നി​യ​മം- 2020, വി​ല ഉ​റ​പ്പും കാ​ർ​ഷി​ക സേ​വ​ന​ങ്ങ​ളും ഉ​റ​പ്പാ​ക്കാ​നെ​ന്ന പേ​രി​ലു​ള്ള ക​ർ​ഷ​ക ശ​ക്തീ​ക​ര​ണ സം​ര​ക്ഷ​ണ നി​യ​മം 2020, അ​വ​ശ്യ​സാ​ധ​ന ഭേ​ദ​ഗ​തി നി​യ​മം 2020 എ​ന്നി​വ റ​ദ്ദാ​ക്കാ​നു​ള്ള ബി​ല്ലി​നു മ​ന്ത്രി​സ​ഭ അം​ഗീ​കാ​രം ന​ൽ​കി​യെ​ന്നു മ​ന്ത്രി ഠാ​ക്കൂ​ർ വി​ശ​ദീ​ക​രി​ച്ചു.

ഒ​രു വ​ർ​ഷം നീ​ണ്ട ക​ർ​ഷ​കസ​മ​ര​ത്തി​നു കാ​ര​ണ​മാ​യ മൂ​ന്നു നി​യ​മ​ങ്ങ​ളും പി​ൻ​വ​ലി​ക്കു​മെ​ന്ന മോ​ദി​യു​ടെ പ്ര​ഖ്യാ​പ​ന​ത്തി​നു ശേ​ഷ​മു​ള്ള ആ​ദ്യ മ​ന്ത്രി​സ​ഭാ യോ​ഗ​മാ​യി​രു​ന്നു ഇ​ന്ന​ലെ. പ്ര​ധാ​ന​മ​ന്ത്രി മോ​ദി അ​ധ്യ​ക്ഷ​ത വ​ഹി​ച്ച യോ​ഗ​ത്തി​ൽ മു​തി​ർ​ന്ന മ​ന്ത്രി​മാ​രെ​ല്ലാം പ​ങ്കെ​ടു​ത്തു.

പ്ര​ധാ​ന​മ​ന്ത്രി ഗ​രീ​ബ് ക​ല്യാ​ണ്‍ അ​ന്നയോ​ജ​ അ​നു​സ​രി​ച്ച് അ​ടു​ത്ത മാ​ർ​ച്ച് വ​രെ രാ​ജ്യ​ത്തെ 80 കോ​ടി​യി​ല​ധി​കം ആ​ളു​ക​ൾ​ക്ക് ഗോ​ത​ന്പോ അ​രി​യോ അ​ട​ക്ക​മു​ള്ള ഭ​ക്ഷ്യ​ധാ​ന്യ​ങ്ങ​ൾ എ​ല്ലാ മാ​സ​വും സൗ​ജ​ന്യ​മാ​യി ല​ഭി​ക്കാ​ൻ അ​ർ​ഹ​ത​യു​ണ്ട്.

പ​ദ്ധ​തി​ക്കാ​യി 53,344 കോ​ടി രൂ​പ നാ​ലു മാ​സ​ത്തേ​ക്കു ചെ​ല​വുവ​രും. 2020 മാ​ർ​ച്ചി​ൽ പ​ദ്ധ​തി ആ​രം​ഭി​ച്ച​തു മു​ത​ൽ കോ​ടി​ക്ക​ണ​ക്കി​ന് ആ​ളു​ക​ൾ​ക്കു പ്ര​യോ​ജ​നം ല​ഭി​ച്ചു​വെ​ന്നു ഠാ​ക്കൂ​ർ പ​റ​ഞ്ഞു.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.