National News
ജ​മ്മു കാ​ഷ്മീ​ർ: സ​ർ​വ​ക​ക്ഷിയോ​ഗം ഡ​ൽ​ഹി​യി​ൽ ഇ​ന്ന്
ജ​മ്മു കാ​ഷ്മീ​ർ: സ​ർ​വ​ക​ക്ഷിയോ​ഗം ഡ​ൽ​ഹി​യി​ൽ ഇ​ന്ന്
Thursday, June 24, 2021 1:37 AM IST
ന്യൂ​ഡ​ൽ​ഹി: ജ​മ്മു കാ​ഷ്മീ​രി​ലെ വി​ഷ​യ​ങ്ങ​ൾ ച​ർ​ച്ച ചെ​യ്യാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്നു ഡ​ൽ​ഹി​യി​ൽ വി​ളി​ച്ച സ​ർ​വ​ക​ക്ഷി യോ​ഗ​ത്തി​നു മു​ന്നോ​ടി​യാ​യി പാ​ക്കി​സ്ഥാ​ൻ അ​തി​ർ​ത്തി​ക​ളി​ലും ജ​മ്മു കാ​ഷ്മീ​രി​ലും അ​തീ​വ ജാ​ഗ്ര​ത. ജ​മ്മു കാ​ഷ്മീ​രി​ലെ ഇ​ന്‍റ​ർ​നെ​റ്റ് സ​ർ​വീ​സ് ഇ​ന്നു റ​ദ്ദാ​ക്കാ​നും കേ​ന്ദ്രം തീ​രു​മാ​നി​ച്ചു. കാ​ഷ്മീ​രി​ൽ മൂ​ന്നി​ട​ത്തു ഭീ​ക​ര​രു​മാ​യു​ള്ള ഏ​റ്റുമു​ട്ട​ലി​ൽ ഒ​രു പോ​ലീ​സ് ഇ​ൻ​സ്പെ​ക്ട​ർ വീ​ര​മൃ​ത്യു​ വ​രി​ച്ചു. പ്ര​ത്യാ​ക്ര​മ​ണ​ത്തി​ൽ അ​ഞ്ചു ഭീ​ക​ര​രും കൊ​ല്ല​പ്പെ​ട്ടു.

സ​ർ​വ​ക​ക്ഷി യോ​ഗ​ത്തി​ൽ ജ​മ്മു കാ​ഷ്മീ​രി​നു പൂ​ർ​ണ സം​സ്ഥാ​ന പ​ദ​വി പു​നഃ​സ്ഥാ​പി​ക്ക​ണ​മെ​ന്ന് ആ​വ​ശ്യ​പ്പെ​ടാ​ൻ കോ​ണ്‍​ഗ്ര​സ് തീ​രു​മാ​നി​ച്ചു. മു​തി​ർ​ന്ന നേ​താ​വ് ഗു​ലാം ന​ബി ആ​സാ​ദും ജ​മ്മു കാ​ഷ്മീ​ർ പി​സി​സി പ്ര​സി​ഡ​ന്‍റ് ജി.​എ. മി​റും കോ​ണ്‍​ഗ്ര​സി​നെ പ്ര​തി​നി​ധീ​ക​രി​ച്ചു പ​ങ്കെ​ടു​ക്കും. സോ​ണി​യാ ഗാ​ന്ധി​യു​ടെ അ​ധ്യ​ക്ഷ​ത​യി​ൽ ഗു​ലാം ന​ബി​യും മി​റും അ​ട​ക്ക​മു​ള്ള​വ​ർ പ​ങ്കെ​ടു​ത്ത പാ​ർ​ട്ടി​യു​ടെ ഉ​ന്ന​ത​ത​ല യോ​ഗ​ത്തി​ലാ​ണു യോ​ഗ​ത്തി​ൽ പ​ങ്കെ​ടു​ക്കാ​ൻ കോ​ണ്‍​ഗ്ര​സ് തീ​രു​മാ​നി​ച്ച​ത്.

ഡോ. ​ഫ​റൂ​ഖ് അ​ബ്ദു​ള്ള​യു​ടെ അ​ധ്യ​ക്ഷ​ത​യി​ൽ ശ്രീ​ന​ഗ​റി​ൽ ചേ​ർ​ന്ന വി​വി​ധ പാ​ർ​ട്ടി​ക​ളു​ടെ ഗു​പ്കാ​ർ സ​ഖ്യം (പീ​പ്പി​ൾ​സ് അ​ല​യ​ൻ​സ് ഫോ​ർ ഗു​പ്കാ​ർ ഡി​ക്ല​റേ​ഷ​ൻ) സ​ർ​വ​ക​ക്ഷി യോ​ഗ​ത്തി​ൽ പ​ങ്കെ​ടു​ക്കാ​ൻ ക​ഴി​ഞ്ഞ ദി​വ​സം തീ​രു​മാ​നി​ച്ചി​രു​ന്നു. നാ​ഷ​ണ​ൽ കോ​ണ്‍​ഫ​റ​ൻ​സ് നേ​താ​വ് ഫ​റൂ​ഖ് അ​ബ്ദു​ള്ള, പി​ഡി​പി നേ​താ​വ് മെ​ഹ​ബൂ​ബ മു​ഫ്തി, സി​പി​എം നേ​താ​വ് മു​ഹ​മ്മ​ദ് ത​രി​ഗാ​മി, ജ​മ്മു കാ​ഷ്മീ​ർ അ​പ്നി പാ​ർ​ട്ടി​യു​ടെ അ​ൽ​താ​ഫ് ബു​ഖാ​രി, പാ​ന്തേ​ഴ്സ് പാ​ർ​ട്ടി​യു​ടെ ഭീം ​സിം​ഗ്, പീ​പ്പി​ൾ​സ് കോ​ണ്‍​ഫ​റ​ൻ​സി​ന്‍റെ സ​ജ്ജാ​ദ് ഘ​നി ലോ​ണ്‍ തു​ട​ങ്ങി​യവ​ർ ഇ​ന്ന​ത്തെ ഡ​ൽ​ഹി യോ​ഗ​ത്തി​ൽ പ​ങ്കെ​ടു​ക്കും.


പ്ര​ധാ​ന​മ​ന്ത്രി​ക്കു പു​റ​മേ ആ​ഭ്യ​ന്ത​രമ​ന്ത്രി അ​മി​ത് ഷാ, ​ദേ​ശീ​യസു​ര​ക്ഷാ ഉ​പ​ദേ​ഷ്ടാ​വ് അ​ജി​ത് ഡോ​വ​ൽ, ജ​മ്മു കാ​ഷ്മീ​ർ ല​ഫ്. ഗ​വ​ർ​ണ​ർ മ​നോ​ജ് സി​ൻ​ഹ, ഉ​ന്ന​ത ഉ​ദ്യോ​ഗ​സ്ഥ​ർ തു​ട​ങ്ങി​യ​വ​ർ ഇ​ന്ന​ത്തെ സു​പ്ര​ധാ​ന യോ​ഗ​ത്തി​ൽ പ​ങ്കെ​ടു​ക്കും. മു​ൻ മു​ഖ്യ​മ​ന്ത്രി ഒ​മ​ർ അ​ബ്ദു​ള്ള, കോ​ണ്‍​ഗ്ര​സ് നേ​താ​ക്ക​ൾ, ബി​ജെ​പി നേ​താ​ക്ക​ളാ​യ ര​വീ​ന്ദ​ർ റെ​യ്ന, നി​ർ​മ​ൽ സിം​ഗ്, ക​വീ​ന്ദ​ർ ഗു​പ്ത തു​ട​ങ്ങി 14 നേ​താ​ക്ക​ൾ​ക്ക് നേ​ര​ത്തെ കേ​ന്ദ്ര ആ​ഭ്യ​ന്ത​ര സെ​ക്ര​ട്ട​റി അ​ജ​യ് ഭ​ല്ല ക്ഷ​ണ​ക്ക​ത്ത് അ​യ​ച്ചി​രു​ന്നു.

ജ​മ്മു കാ​ഷ്മീ​രി​ൽ നി​യ​മ​സ​ഭാ തെ​ര​ഞ്ഞെ​ടു​പ്പു ന​ട​ത്തു​ന്ന​തി​നു മു​ന്നോ​ടി​യാ​യു​ള്ള മ​ണ്ഡ​ലം പു​നഃ​സം​ഘ​ട​ന അ​ട​ക്ക​മു​ള്ള കാ​ര്യ​ങ്ങ​ൾ സ​ർ​വ​ക​ക്ഷി യോ​ഗ​ത്തി​ൽ ച​ർ​ച്ച ചെ​യ്യു​മെ​ന്നാ​ണു പ്ര​തീ​ക്ഷ. എ​ന്നാ​ൽ, കേ​ന്ദ്ര​ത്തി​ന്‍റെ 2019ലെ ​വി​വാ​ദ തീ​രു​മാ​ന​ങ്ങ​ൾ പി​ൻ​വ​ലി​ച്ച് ജ​മ്മു കാ​ഷ്മീ​രി​ന് പൂ​ർ​ണ സം​സ്ഥാ​ന പ​ദ​വി ആ​വ​ശ്യ​പ്പെ​ടാ​നാ​ണ് പ്ര​തി​പ​ക്ഷ പാ​ർ​ട്ടി​ക​ളു​ടെ ധാ​ര​ണ. യോ​ഗ​ത്തി​ന്‍റെ ച​ർ​ച്ചാ വി​ഷ​യ​ങ്ങ​ൾ സ​ർ​ക്കാ​ർ ഔ​ദ്യോ​ഗി​ക​മാ​യി പു​റ​ത്തു​വി​ട്ടി​ട്ടി​ല്ല.

2019 ഓ​ഗ​സ്റ്റ് അ​ഞ്ചി​ന് ജ​മ്മു കാ​ഷ്മീ​ർ വി​ഭ​ജി​ച്ച് ര​ണ്ട് കേ​ന്ദ്ര​ഭ​ര​ണ പ്ര​ദേ​ശ​ങ്ങ​ളാ​ക്കിയതി​നും സം​സ്ഥാ​ന​ത്തി​ന് പ്ര​ത്യേ​ക പ​ദ​വി ന​ൽ​കി​യി​രു​ന്ന ഭ​ര​ണ​ഘ​ട​ന​യി​ലെ അ​നു​ച്ഛേ​ദം 370 റ​ദ്ദാ​ക്കി​യ​തി​നും ശേ​ഷം കേ​ന്ദ്ര​വും രാ​ഷ്‌​ട്രീ​യ പാ​ർ​ട്ടി നേ​തൃ​ത്വ​ങ്ങ​ളു​മാ​യി ന​ട​ക്കു​ന്ന ആ​ദ്യ​ത്തെ ഉ​ന്ന​ത​ത​ല യോ​ഗ​മാ​ണ് ഇ​ന്ന​ത്തേ​ത്.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.