എം.ജി. ജോർജ് മുത്തൂറ്റിന്‍റെ സംസ്കാരം നാളെ കോഴഞ്ചേരിയിൽ : Deepika.com National News |

Click here for detailed news of all items

എം.ജി. ജോർജ് മുത്തൂറ്റിന്‍റെ സംസ്കാരം നാളെ കോഴഞ്ചേരിയിൽ

Sunday, March 7, 2021 12:13 AM IST

ന്യൂഡൽഹി: അന്തരിച്ച മുത്തൂറ്റ് ഗ്രൂപ്പ് ചെയർമാനും ഓർത്തഡോക്സ് സഭാ മുൻ അൽമായ ട്രസ്റ്റിയുമായ എം.ജി. ജോർജ് മുത്തൂറ്റിന്‍റെ (72) സംസ്കാരം നാളെ ഉച്ചയ്ക്കു 12ന് കോഴഞ്ചേരി സെന്‍റ് മാത്യൂസ് ഓർത്തഡോക്സ് വലിയ പളളിയിൽ നടക്കും . ഇന്നു പുലർച്ചെയുള്ള വിമാനത്തിൽ ഡൽഹിയിൽ നിന്നു കൊച്ചിയിലെത്തിക്കുന്ന മൃതദേഹം പനന്പിള്ളി നഗറിലെ എസ്ബിടി അവന്യൂവിലെ മുത്തൂറ്റ് ഓറം റസിഡൻസിൽ രാവിലെ ഏഴര മുതൽ എട്ടര വരെ പൊതുദർശനത്തിനു വയ്ക്കും.

ഇന്നലെ വൈകുന്നേരം ഡൽഹിയിലെ ഹോസ്ഖാസ് സെന്‍റ് മേരീസ് ഓർത്തഡോക്സ് കത്തീഡ്രലിൽ മൃതദേഹം പൊതു ദർശനത്തിനു വച്ചിരുന്നു. ബിഹാറിലെ മന്ത്രിയും മുൻ കേന്ദ്രമന്ത്രിയുമായ മുക്തർ അബ്ബാസ് നഖ്‌വി, സുപ്രീം കോടതി മുൻ ജഡ്ജി കുര്യൻ ജോസഫ് തുടങ്ങിയവരും പള്ളിയിലെത്തി പുഷ്പചക്രം അർപ്പിച്ചു. ദീപികയ്ക്കു വേണ്ടി അസോസിയേറ്റ് എഡിറ്ററും ഡൽഹി ബ്യൂറോ ചീഫുമായ ജോർജ് കള്ളിവയലിൽ ഡൽഹിയിലെ കത്തീഡ്രലിലെത്തി അന്ത്യോപചാരം അർപ്പിച്ചു.

ഡൽഹി സെന്‍റ് ജോർജ്സ് ഹൈസ്കൂൾ ഡയറക്ടറുമായ സാറാ ജോർജാണ് ഭാര്യ. മക്കൾ: മൂത്തൂറ്റ് ഗ്രൂപ്പ് എക്സിക്യൂട്ടീവ് ഡയറക്ടർ ജോർജ് എം. ജോർജ്, ഗ്രൂപ്പ് ഡയറക്ടർ അലക്സാണ്ടർ ജോർജ്, പരേതനായ പോൾ മുത്തൂറ്റ് ജോർജ്. മരുമക്കൾ: തെരേസ, മെഹിക.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.