National News
റിപ്പബ്ലിക് കണ്ട പരേഡും പരാക്രമവും
Thursday, January 28, 2021 12:22 AM IST
ന്യൂ​ഡ​ൽ​ഹി: അ​സാ​ധാ​ര​ണ​മാ​യൊ​രു റി​പ്പ​ബ്ലി​ക് ദി​നം. ക​ലാ​പ​ങ്ങ​ളും അ​ക്ര​മ​ങ്ങ​ളും പ്ര​തി​ഷേ​ധ​ങ്ങ​ളും പ​ല​തു​ ക​ണ്ട ദേ​ശീ​യ ത​ല​സ്ഥാ​ന​ത്തി​ന് പ​ക്ഷേ, തി​ക​ച്ചും പു​തു​മ​യേ​റി​യ​താ​യി ചൊ​വ്വാ​ഴ്ച​യി​ലെ റി​പ്പ​ബ്ലി​ക് ദി​നം. കോ​വി​ഡ് നി​യ​ന്ത്ര​ണ​ങ്ങ​ൾ​ക്കി​ട​യി​ൽ വി​ദേ​ശ അ​തി​ഥി പോ​ലു​മി​ല്ലാ​തെ രാ​ജ്പ​ഥി​ൽ ന​ട​ന്ന വെ​ട്ടി​ച്ചു​രു​ക്കി​യ പ​രേ​ഡ് പോ​ലും അ​പ്ര​സ​ക്ത​മാ​യി.

ഡ​ൽ​ഹി ന​ഗ​ര​ഹൃ​ദ​യ​ത്തി​ലേ​ക്കു ക​ട​ന്നു​ക​യ​റി​യ ക​ർ​ഷ​ക​രു​ടെ ട്രാ​ക്ട​ർ പ​രേ​ഡും ചെ​ങ്കോ​ട്ട​യി​ൽ ക​ർ​ഷ​ക​രും സി​ക്കു​കാ​രും ഉ​യ​ർ​ത്തി​യ പ​താ​ക​യും വെ​റും പ്ര​തീ​കാ​ത്മ​കമാ​യി​രു​ന്നി​ല്ല. നൂ​റു കോ​ടി​യി​ലേ​റെ സാ​ധാ​ര​ണ പൗ​ര​ന്മാ​രു​ടെ പ്ര​തി​ഷേ​ധം കൂ​ടി​യാ​ണു കൈ​വി​ട്ടു പോ​യ ക​ർ​ഷ​ക പ്ര​തി​ഷേ​ധ​ത്തി​ലൂ​ടെ രാ​ജ്യം ക​ണ്ട​ത്. ന​വം​ബ​ർ 26 മു​ത​ൽ തി​ക​ച്ചും സ​മാ​ധാ​ന​പ​ര​മാ​യി ഡ​ൽ​ഹി​യി​ലെ അ​തി​ർ​ത്തി​ക​ളി​ൽ നടന്നുവരുന്ന ക​ർ​ഷ​ക​രു​ടെ പ്ര​തി​ഷേ​ധ​മാ​ണു ചി​ല അ​ക്ര​മി​ക​ളും സ​ർ​ക്കാ​രും ചേ​ർ​ന്നു റി​പ്പ​ബ്ലി​ക് ദി​ന​ത്തി​ൽ വ​ഷ​ളാ​ക്കി​യ​ത്.

നി​ർ​ഭ​യ സം​ഭ​വ​ത്തി​ൽ പ്ര​തി​ഷേ​ധി​ച്ച് 2012 ഡി​സം​ബ​റി​ൽ ഡ​ൽ​ഹി ക​ണ്ട പ്ര​തി​ഷേ​ധ​ങ്ങ​ൾ പോ​ലും ചി​ല പ്ര​ധാ​ന കേ​ന്ദ്ര​ങ്ങ​ളി​ൽ ഒ​തു​ങ്ങി​യെ​ങ്കി​ൽ ഇ​ത്ത​വ​ണ അ​തി​ലേ​റെ വ്യാ​പ​ക​മാ​യി​രു​ന്നു. വ​ലി​യ പ്ര​ക്ഷോ​ഭ​ത്തി​നി​ട​യി​ലും ഡ​ൽ​ഹി​യി​ൽ ഇ​ന്‍റ​ർ​നെ​റ്റ് സൗ​ക​ര്യം റ​ദ്ദ് ചെ​യ്യാ​റി​ല്ല. പ​ക്ഷേ ക​ർ​ഷ​ക പ്ര​ക്ഷോ​ഭം ന​ഗ​ര​ത്തി​നു​ള്ളി​ലേ​ക്കു ക​യ​റി​യ​തോ​ടെ സ്ഥി​തി​യാ​കെ മാ​റി.

കാ​ൽ ​ല​ക്ഷം ക​ട​ന്നു വ​ന്നു

കാ​ൽ ല​ക്ഷ​ത്തി​ലേ​റെ ക​ർ​ഷ​ക​ർ ന​ഗ​ര​ത്തി​ലെ​ത്തി​യെ​ന്നാ​ണു പോ​ലീ​സി​ന്‍റെ ക​ണ​ക്ക്. സ​മ​ര​ക്കാ​ർ ക​ട​ന്നു​ക​യ​റി​യ അ​ഞ്ചു പ്ര​ധാ​ന മേ​ഖ​ല​ക​ളി​ലെ ഇ​ന്‍റ​ർ​നെ​റ്റ് സേ​വ​ന​ങ്ങ​ൾ ഏ​താ​നും മ​ണി​ക്കൂ​ർ നേ​ര​ത്തേ​ക്ക് നി​ർ​ത്തി. ഡ​ൽ​ഹി ന​ഗ​ര​ത്തി​ലെ 50 മെ​ട്രോ റെ​യി​ൽ സ്റ്റേ​ഷ​നു​ക​ൾ അ​ട​ച്ചി​ട്ടു. വൈ​കു​ന്നേ​ര​ത്തോ​ടെ സ്ഥി​തി നേ​രി​ടാ​ൻ സൈ​നി​ക, അ​ർ​ധ​സൈ​നി​ക വി​ഭാ​ഗ​ങ്ങ​ളും തെ​രു​വി​ലി​റ​ങ്ങി. റി​പ്പ​ബ്ലി​ക് ദി​ന പ​രേ​ഡ് പൂ​ർ​ത്തി​യാ​യ​തി​നു പി​ന്നാ​ലെ ത​ല​സ്ഥാ​ന​ത്തു​ണ്ടാ​യ അ​ത്യ​സാ​ധാ​ര​ണ സാ​ഹ​ച​ര്യം വ്യ​ക്ത​മാ​ക്കു​ന്ന​താ​യി​രു​ന്നു ഈ ​ന​ട​പ​ടി​ക​ൾ.

ഏ​താ​നും ചി​ല​രു​ടെ പ്ര​കോ​പ​ന​ങ്ങ​ളു​ടെ പേ​രി​ൽ രാ​ജ്യ​മ​നഃ​സാ​ക്ഷി​യെ പി​ടി​ച്ചു​കു​ലു​ക്കി​യ ക​ർ​ഷ​ക സ​മ​രം ത​ക​ർ​ന്നി​ല്ല. ചെ​ങ്കോ​ട്ട​യി​ലും ഡ​ൽ​ഹി ന​ഗ​ര​ത്തി​ലെ ഐ​ടി​ഒ​യി​ലും ഉ​ൾ​പ്പെ​ടെ ന​ഗ​ര​ത്തി​ലെ പ​ല​യി​ട​ത്തും ക​ർ​ഷ​ക​രു​ടെ മ​റ​വി​ൽ ന​ട​ന്ന ചി​ല അ​തി​ക്ര​മ​ങ്ങ​ളെ ശാ​ന്ത​മാ​ക്കാ​ൻ ക​ർ​ഷ​ക​നേ​താ​ക്ക​ൾ ത​ന്നെ​യാ​ണു മു​ന്നി​ട്ടി​റ​ങ്ങി​യ​ത്.

വൈ​കു​ന്നേ​ര​ത്തോ​ടെ അ​തി​ർ​ത്തി​ക​ളി​ലെ ക്യാ​ന്പു​ക​ളി​ലേ​ക്കു മ​ട​ങ്ങി സ​മാ​ധാ​ന​പ​ര​മാ​യ സ​മ​രം തു​ട​രാ​നും പ്ര​തി​ഷേ​ധ​ക്കാ​ർ​ക്കു ക​ഴി​ഞ്ഞു.പ്ര​തി​ഷേ​ധി​ച്ച ക​ർ​ഷ​ക നേ​താ​ക്ക​ളു​ടെ​യും പോ​ലീ​സ് മേ​ധാ​വി​ക​ളു​ടെ​യും ധാരണകളെ ക​ട​ത്തി​വെ​ട്ടു​ന്ന​താ​യി​രു​ന്നു ട്രാ​ക്ട​ർ പ​രേ​ഡി​നോ​ട് അ​നു​ബ​ന്ധി​ച്ചു​ണ്ടാ​യ സം​ഭ​വ​ങ്ങ​ൾ.

സം​യു​ക്ത ക​ർ​ഷ​ക സ​മി​തി​യും ഡ​ൽ​ഹി പോ​ലീ​സും പ്ലാ​ൻ ചെ​യ്ത​തു പോ​ലെ​യാ​യി​രു​ന്നി​ല്ല കാ​ര്യ​ങ്ങ​ളു​ടെ പോ​ക്ക്. സ​ർ​വ​ത്ര അ​രാ​ജ​ക​ത്വം. ക്ര​മ​സ​മാ​ധാ​ന​പാ​ല​നം ഇ​ല്ലാ​ത്ത രാ​ജ്യ​ങ്ങ​ളി​ലേ​തി​നു സ​മാ​ന​മാ​യ നി​ല. ജീ​വ​നും കൊ​ണ്ടോ​ടു​ന്ന പോ​ലീ​സി​നെ​യും പ​ല​യി​ട​ത്തും നേ​രി​ട്ടു കാ​ണാ​നാ​യി.

കൈവി​ട്ട പ്ര​തി​ഷേ​ധം

ത​ല​ങ്ങും വി​ല​ങ്ങും ബ​സു​ക​ളും ലോ​റി​ക​ളും ട്രാ​ക്ട​റു​ക​ളും നി​യ​ന്ത്ര​ണം ഇ​ല്ലാ​ത്ത ആ​യി​ര​ക്ക​ണ​ക്കി​നു ക​ർ​ഷ​ക​രും ഒ​ന്നും ചെ​യ്യാ​തെ നോ​ക്കി നി​ൽ​ക്കു​ന്ന നൂ​റു ക​ണ​ക്കി​നു പോ​ലീ​സു​കാ​രെ​യു​മാ​ണു ക​ണ്ട​ത്. മൂ​ന്നും നാ​ലും നി​ര ഇ​രു​ന്പു ബാ​രി​ക്കേ​ഡു​ക​ളും വ​ലി​യ കോ​ണ്‍ക്രീ​റ്റ് സ്ലാ​ബു​ക​ൾ നി​ര​ത്തി​യു​ള്ള മ​തി​ലു​ക​ളും പ​ല​യി​ട​ത്തും സ്ഥാ​പി​ച്ചി​രു​ന്നു.

രോ​ഷാ​കു​ല​രാ​യ ക​ർ​ഷ​ക​ർ ട്രാ​ക്ട​റു​ക​ളു​ടെ സ​ഹാ​യ​ത്തോ​ടെ പോ​ലീ​സി​ന്‍റെ മ​തി​ലു​ക​ളെ​ല്ലാം ത​ക​ർ​ത്തും നീ​ക്കി​യും മു​ന്നേ​റി. ഇ​ട​യ്ക്കു​ണ്ടാ​യ ലാ​ത്തി​ചാ​ർ​ജും ആ​രെ​യും പി​ന്തി​രി​പ്പി​ച്ചി​ല്ല. ത​ല്ലാ​ൻ ചെ​ന്ന പോ​ലീ​സു​കാ​രെ ക​ർ​ഷ​ക​ർ വ​ടി​കൊ​ണ്ടു തി​രി​ച്ചു ത​ല്ലാ​ൻ തു​ട​ങ്ങി​യ​തോ​ടെ കേ​ന്ദ്ര​ത്തി​ന്‍റെ അ​ർ​ധ​സൈ​നി​ക​ർ അ​ട​ക്ക​മു​ള്ള പോ​ലീ​സ് സം​ഘം ജീ​വ​നും കൊ​ണ്ടോ​ടു​ന്ന​തും കാ​ണാ​മാ​യി​രു​ന്നു. ന​ഗ​ര​പ്ര​ദേ​ശ​ങ്ങ​ളി​ൽ ചി​ല​യി​ട​ത്തും പോ​ലീ​സു​കാ​രും മ​റ്റി​ട​ങ്ങ​ളി​ൽ ക​ർ​ഷ​ക​രും വ​ലി​യ മ​തി​ലു​ക​ൾ ചാ​ടി​ക്ക​ട​ന്നാ​യി​രു​ന്നു ഓ​ട്ടം.

വെ​ടി​വ​യ്പി​ന് ഉ​ത്ത​ര​വി​ല്ലാ​തി​രു​ന്ന​തി​നാ​ൽ കൈ​യും കെ​ട്ടി നോ​ക്കി നി​ൽ​ക്കാ​നേ പോ​ലീ​സു​കാ​ർ​ക്കു മാ​ർ​ഗവു​ണ്ടാ​യി​രു​ന്നു​ള്ളൂ. സ്വാ​ഭാ​വി​ക​മാ​യും ക​ർ​ഷ​ക പ്ര​തി​ഷേ​ധം അ​ക്ര​മാ​സ​ക്ത​മാ​ക്കി കു​ള​മാ​ക്കാ​ൻ ത​യാ​റെ​ടു​ത്തി​രു​ന്ന ഒ​രു വി​ഭാ​ഗം പ്ര​ശ്നം വ​ഷ​ളാ​ക്കി. ചെ​ങ്കോ​ട്ട​യി​ലേ​ക്കു മാ​ർ​ച്ച് ചെ​യ്യാ​നും സ്വാ​ത​ന്ത്ര്യ ദി​ന​ത്തി​ൽ പ്ര​ധാ​ന​മ​ന്ത്രി ദേ​ശീ​യ പ​താ​ക ഉ​യ​ർ​ത്തു​ന്ന സ്ഥ​ല​ത്തു സ്വ​ന്തം പ​താ​ക​ക​ൾ സ്ഥാ​പി​ക്കാ​നും അ​വ​ർ​ക്കു ക​ഴി​ഞ്ഞു. ചെ​ങ്കോ​ട്ട​യു​ടെ മു​ന്നി​ലു​ള്ള പ്ര​ധാ​ന ദേ​ശീ​യ പ​താ​ക പ​ക്ഷേ ആ​രും നീ​ക്കു​ക​യോ ക​ള​ങ്ക​പ്പെ​ടു​ത്തു​ക​യോ ചെ​യ്തി​ല്ല.

ദേ​ശീ​യ പ​താ​ക​യ്ക്കു താ​ഴെ​യും കാ​ലി​യാ​യി കി​ട​ന്നി​രു​ന്ന ഒ​രു പോ​സ്റ്റി​ലും ചെ​ങ്കോ​ട്ട​യു​ടെ വ​ശ​ത്തു​ള്ള ഒ​രു താ​ഴി​ക​ക്കു​ട​ത്തി​നു മു​ക​ളി​ലു​മാ​ണ് സി​ക്കു​കാ​രു​ടെ മ​ത​പ​ര​മാ​യ പ​താ​ക​യും ക​ർ​ഷ​കസ​മ​ര പ​താ​ക​യും ഉ​യ​ർ​ത്തി​യ​ത്. നൂ​റുക​ണ​ക്കി​ന് ദേ​ശ​സ്നേ​ഹി​ക​ളാ​യ ക​ർ​ഷ​ക​ർ ദേ​ശീ​യ പ​താ​ക​ക​ൾ കൈ​യി​ലേ​ന്തി​യാ​യി​രു​ന്നു സ​മ​ര​ത്തി​നെ​ത്തി​യ​തു ത​ന്നെ. റി​പ്പ​ബ്ലി​ക് ദി​ന പ​രേ​ഡ് ന​ട​ന്ന രാ​ജ​വീ​ഥി​ക​ളി​ലേ​ക്ക് ഒ​രു സ​മ​ര​ക്കാ​ര​ൻ പോ​ലു​മെ​ത്തി​യ​തു​മി​ല്ല.


അ​ക്ര​മം ആ​സൂ​ത്രി​തം

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും ആ​ഭ്യ​ന്ത​ര​മ​ന്ത്രി അ​മി​ത് ഷാ​യു​ടെ​യും മൂ​ക്കി​നു കീ​ഴെ ന​ട​ന്ന അ​ക്ര​മ​ങ്ങ​ളും ചെ​ങ്കോ​ട്ട​യി​ലെ വി​വാ​ദ കൊ​ടി പൊ​ക്ക​ലും ത​ട​യാ​ൻ പോ​ലീ​സ് കാ​ര്യ​മാ​യി ശ്ര​മി​ച്ചി​ല്ലെ​ന്ന​തു നി​സാ​ര​മ​ല്ല. ഡ​ൽ​ഹി പോ​ലീ​സി​ന്‍റെ പൂ​ർ​ണ ചു​മ​ത​ല കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​നാ​ണ്.

ആ​ഭ്യ​ന്ത​ര മ​ന്ത്രി​യു​ടെ മു​ന്നി​ൽ ത​ന്നെ ദേ​ശീ​യ ത​ല​സ്ഥാ​ന​ത്തെ ക്ര​മ​സ​മാ​ധാ​ന പാ​ല​നം പാ​ടെ ത​ക​ർ​ന്നു. ഇ​ന്‍റ​ലി​ജ​ൻ​സ് മു​ത​ൽ അ​ക്ര​മ​ങ്ങ​ളും അ​തി​രു​വി​ട്ട പ്ര​തി​ഷേ​ധ​ങ്ങ​ളും ത​ട​യാ​ൻ കേ​ന്ദ്ര​സ​ർ​ക്കാ​രി​നാ​യി​ല്ല. എ​ന്തി​നേ​റെ, രാ​ജ്യ​ത്തി​ന്‍റെ അ​ഭി​മാ​ന​മാ​യ ചെ​ങ്കോ​ട്ട​യി​ൽ മ​റ്റു പ​താ​ക​ക​ൾ ഉ​യ​ർ​ത്തു​ന്ന​തു ത​ട​യാ​നുമായില്ല. സ​മാ​ധാ​ന​പ​ര​മാ​യി ട്രാ​ക്ട​ർ പ​രേ​ഡ് ന​ട​ത്താ​മെ​ന്ന വ്യ​വ​സ്ഥ​ക​ൾ ലം​ഘി​ക്ക​പ്പെ​ടി​ല്ലേ​യെ​ന്നു സു​പ്രീം​കോ​ട​തി ചീ​ഫ് ജ​സ്റ്റീ​സ് മു​ത​ൽ സാ​ധാ​ര​ണ​ക്കാ​ർ വ​രെ​യു​ള്ള​വ​ർ സം​ശ​യി​ച്ചു. പ​തി​നാ​യി​ര​ക്ക​ണ​ക്കി​നു പേ​ർ ട്രാ​ക്ട​റു​ക​ളും വ​ടി​ക​ളും വാ​ളു​ക​ളു​മാ​യി പ​ങ്കെ​ടു​ക്കു​ന്ന പ്ര​തി​ഷേ​ധ റാ​ലി​യി​ൽ നേ​ര​ത്തെ ന​ൽ​കി​യ ഉ​റ​പ്പു​ക​ൾ പാ​ലി​ക്കാ​ൻ ആ​ർ​ക്കും ക​ഴി​ഞ്ഞേ​ക്കി​ല്ല.

രാ​ജ്യ​ത​ല​സ്ഥാ​നം കാ​ക്കേ​ണ്ട കേ​ന്ദ്ര​സ​ർ​ക്കാ​രും അ​വ​രു​ടെ പോ​ലീ​സും മാ​ത്രം പി​ന്നെ​ന്തേ അ​ക്കാ​ര്യം മ​ന​സി​ലാ​ക്കി​യി​ല്ല എ​ന്ന ചോ​ദ്യ​ത്തി​നു ശ​രി​യാ​യ ഉ​ത്ത​രം കി​ട്ടാ​നി​ട​യി​ല്ല. ബാ​ബ​റി മ​സ്ജി​ദ് ത​ക​ർ​ക്കി​ല്ലെ​ന്ന് ഉ​റ​പ്പു കൊ​ടു​ത്ത ശേ​ഷം ക​ർ​സേ​വ​ക​രെ ഇ​റ​ക്കി ഉ​ന്ന​ത നേ​താ​ക്ക​ളു​ടെ നേ​രി​ട്ടു​ള്ള നി​രീ​ക്ഷ​ണ​ത്തി​ൽ ത​ക​ർ​ത്ത കാ​ര്യം അ​റി​യാ​ത്ത​വ​ര​ല്ല മോ​ദി​യും ഷാ​യും.

പ​ക്ഷേ, ആ​ഭ്യ​ന്ത​ര മ​ന്ത്രാ​ല​യ​ത്തി​ലെ​യും ഡ​ൽ​ഹി പോ​ലീ​സി​ലെ​യും ഉ​ന്ന​ത​ർ മാ​ത്രം പ്ര​ത്യേ​ക സാ​ഹ​ച​ര്യം നേ​രി​ടാ​ൻ വേ​ണ്ട​ത്ര മു​ന്നൊ​രു​ക്ക​ങ്ങ​ൾ വേ​ണ്ടെ​ന്നു വ​ച്ചു. അ​ക്ര​മം അ​ഴി​ച്ചു​വി​ട്ട​വ​രി​ൽ ചി​ല​രെ​ങ്കി​ലും ബി​ജെ​പി അ​നു​കൂ​ലി​ക​ളാ​ണെ​ന്നു സ​മ​ര​സ​മി​തി നേ​താ​ക്ക​ളും പ്ര​തി​പ​ക്ഷ രാഷ്‌ട്രീയനേ​താ​ക്ക​ളും ആ​രോ​പി​ക്കു​ന്ന​തി​ന്‍റെ സാം​ഗ​ത്യം ഇ​താ​ണ്. സം​യു​ക്ത ക​ർ​ഷ​ക സ​മ​ര സ​മി​തി (കി​സാ​ൻ മോ​ർ​ച്ച) നേ​താ​ക്ക​ളെ ഞെ​ട്ടി​ച്ച സം​ഭ​വ​ങ്ങ​ളാ​ണ് ഉ​ണ്ടാ​യ​തെ​ന്ന് അ​വ​ർ വ്യ​ക്ത​മാ​ക്കി. സ​മ​ര സ​മി​തി​ക്കു പു​റ​ത്തു​നി​ന്നു​ള്ള ചി​ല​രു​ടെ നേ​തൃ​ത്വ​ത്തി​ലാ​യി​രു​ന്നു അ​ക്ര​മ​ങ്ങ​ളെ​ന്ന് അ​വ​ർ പ​ര​സ്യ​മാ​യി പ​റ​യു​ക​യും ചെ​യ്തു. ആ​സൂ​ത്രി​ത​മാ​യി​രു​ന്നു അ​ക്ര​മ​ങ്ങ​ളെ​ന്ന സം​ശ​യ​നി​വാ​ര​ണ​ത്തി​ന് സ​മ​ഗ്ര​മാ​യ സ്വ​ത​ന്ത്ര അ​ന്വേ​ഷ​ണം അ​നി​വാ​ര്യ​മാ​കും.

ക​ർ​ഷ​ക​രെ ക​ണ​ക്കി​ലെ​ടു​ക്ക​ണം

ക​ർ​ഷ​ക​രു​മാ​യി ആ​ലോ​ചി​ക്കാ​തെ ഏ​ക​പ​ക്ഷീ​യ​മാ​യി കേ​ന്ദ്രം പാ​സാ​ക്കി​യ മൂ​ന്നു വി​വാ​ദ കാ​ർ​ഷി​ക ബി​ല്ലു​ക​ളു​ടെ പേ​രി​ലാ​ണ് ഈ ​സം​ഭ​വ​ങ്ങ​ളെ​ല്ലാം എ​ന്ന​താ​ണു പ്ര​സ​ക്തം. എ​ന്തി​ന്, പാ​ർ​ല​മെ​ന്‍റി​ൽ പോ​ലും ബി​ല്ലു​ക​ളെ​ക്കു​റി​ച്ചു ച​ർ​ച്ച​യു​ണ്ടാ​യി​ല്ല. രാ​ജ്യ​സ​ഭ​യി​ൽ പ്ര​തി​പ​ക്ഷ​ത്തി​ന്‍റെ അ​വ​കാ​ശ​മാ​യ വോ​ട്ടെ​ടു​പ്പു പോ​ലും ന​ട​ത്താ​തെ ച​ട്ട​വി​രു​ദ്ധ​മാ​യാ​ണു വി​വാ​ദ ബി​ല്ലു​ക​ൾ പാ​സാ​ക്കി​യ​ത്.
അ​തി​നാ​ൽത​ന്നെ കൊ​ടും​ത​ണു​പ്പി​ലും പ​തി​നാ​യി​ര​ക്ക​ണ​ക്കി​നു ക​ർ​ഷ​ക​രെ തെ​രു​വി​ലി​റ​ക്കി യാ​ത​നാ​സ​മ​രം ന​ട​ത്തി​ക്കു​ന്ന​തി​ന്‍റെ ഉ​ത്ത​ര​വാ​ദി​ത്വ​ത്തി​ൽനി​ന്നു കേ​ന്ദ്ര​സ​ർ​ക്കാ​രി​ന് ഒ​ളി​ച്ചോ​ടാ​നാ​കി​ല്ല. ഡ​ൽ​ഹി​യു​ടെ അ​തി​ർ​ത്തി​ക​ളി​ൽ ര​ണ്ടു മാ​സ​ക്കാ​ല​മാ​യി തി​ക​ച്ചും സ​മാ​ധാ​ന​പ​ര​മാ​യി ന​ട​ത്തിവ​രു​ന്ന സ​മ​ര​ത്തെ ആ​ക്ഷേ​പി​ച്ചു ക​ർ​ഷ​ക​രു​ടെ വീ​ര്യം കെ​ടു​ത്താ​മെ​ന്ന അ​തി​മോ​ഹ​വും തെ​റ്റാ​കും.
രാ​ജ്യ​ത്തെ കോ​ടി​ക്ക​ണ​ക്കി​നു ക​ർ​ഷ​ക​രു​ടെ​യും സാ​ധാ​ര​ണ​ക്കാ​രു​ടെ​യും പി​ന്തു​ണ ഡ​ൽ​ഹി​യി​ൽ സ​മ​രം ചെ​യ്യു​ന്ന ക​ർ​ഷ​ക​ർ​ക്കൊ​പ്പ​മു​ണ്ട്. അം​ബാ​നി​യും അ​ദാ​നി​യും അ​ട​ക്ക​മു​ള്ള കോ​ർ​പ​റേ​റ്റു​ക​ളു​ടെ താ​ത്പ​ര്യ സം​ര​ക്ഷ​ണ​ത്തി​നാ​യി വി​വാ​ദ കാ​ർ​ഷി​ക നി​യ​മ​ങ്ങ​ളും തൊ​ഴി​ൽ നി​യ​മ ഭേ​ദ​ഗ​തി​യു​മെ​ല്ലാം അ​ടി​ച്ചേ​ൽ​പി​ക്കാ​നു​ള്ള സ​ർ​ക്കാ​രി​ന്‍റെ ശ്ര​മം വ്യാ​മോ​ഹ​മാ​കും. “ജ​യ് ജ​വാ​ൻ, ജ​യ് കി​സാ​ൻ’’ എ​ന്ന മു​ദ്രാ​വാ​ക്യ​ത്തി​ന്‍റെ ശ​ക്തി മോ​ദി​യും അ​റി​യും.

ക​ർ​ഷ​ക​രോ​ടു​ള്ള വെ​ല്ലു​വി​ളി അ​വ​സാ​നി​പ്പി​ച്ചു വി​വാ​ദ​മാ​യ മൂ​ന്നു കാ​ർ​ഷി​ക ബി​ല്ലു​ക​ളും ഉ​ട​ൻ പി​ൻ​വ​ലി​ക്ക​ട്ടെ. ക​ർ​ഷ​ക​രു​ടെ കൂ​ടി താ​ത്പ​ര്യ​ങ്ങ​ൾ സം​ര​ക്ഷി​ക്കു​ന്ന പു​തി​യ ബി​ല്ലു​ക​ൾ കൊ​ണ്ടു​വ​രാ​ൻ സ​ർ​ക്കാ​രി​നു ക​ഴി​യും. പാ​ർ​ല​മെ​ന്‍റി​ൽ വി​ശ​ദ​മാ​യ ച​ർ​ച്ച ചെ​യ്തു പാ​സാ​ക്കു​ന്ന ക​ർ​ഷ​ക താ​ത്പ​ര്യ​വും രാ​ജ്യ​താ​ത്പ​ര്യ​വും സം​ര​ക്ഷി​ക്കു​ന്ന നി​യ​മ​നി​ർ​മാ​ണ​ങ്ങ​ളെ ജ​ന​ങ്ങ​ൾ ര​ണ്ടു കൈ​യും നീ​ട്ടി സ്വാ​ഗ​തം ചെ​യ്യും. പി​ടി​വാ​ശി ഉ​പേ​ക്ഷി​ച്ചു ക​ർ​ഷ​ക​രെ സം​ര​ക്ഷി​ക്കാ​ൻ കേ​ന്ദ്രം ഇ​നി​യെ​ങ്കി​ലും മ​ടി​ക്ക​രു​ത്.

ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.




Copyright @ 2021 , Rashtra Deepika Ltd.