റി​പ്പ​ബ്ലി​ക് ദി​ന​ത്തി​ൽ രാജ്യതലസ്ഥാനത്ത് കർഷകരുടെ അതിരുവിട്ട പ്രതിഷേധ പ്രകടനങ്ങൾ
Thursday, January 28, 2021 12:22 AM IST
ന്യൂ​ഡ​ൽ​ഹി: റി​പ്പ​ബ്ലി​ക് ദി​ന​ത്തി​ൽ ത​ല​സ്ഥാ​ന​ത്തെ​യും രാ​ജ്യ​ത്തെ​യും ഞെ​ട്ടി​ച്ചു കൊ​ണ്ടാ​ണ് ചെ​ങ്കോ​ട്ട​യി​ലേ​ക്കു പ്ര​തി​ഷേ​ധ​ക്കാ​ർ ഇ​ര​ച്ചു ക​യ​റി​യ​ത്. ക​ർ​ഷ​കസം​ഘ​ട​ന​ക​ളു​ടെ സം​യു​ക്ത സ​മി​തി​യും ഡ​ൽ​ഹി പോ​ലീ​സും ത​മ്മി​ൽ ട്രാ​ക്ട​ർ റാ​ലി​യു​ടെ റൂ​ട്ട് സം​ബ​ന്ധി​ച്ച് മു​ൻ​ധാ​ര​ണ ഉ​ണ്ടാ​ക്കി​യി​രു​ന്നു. ഡ​ൽ​ഹി അ​തി​ർ​ത്തി​ക​ളി​ൽ നി​ന്നു ഡ​ൽ​ഹി ഔ​ട്ട​ർ റിം​ഗ് റോ​ഡ് ചു​റ്റി റാ​ലി ന​ട​ത്തു​മെ​ന്നാ​യി​രു​ന്ന ധാ​ര​ണ.

എ​ന്നാ​ൽ, റി​പ്പ​ബ്ലി​ക് ദി​ന​ത്തി​ൽ ഡ​ൽ​ഹി അ​തി​ർ​ത്തി​ക​ളി​ൽ നി​ന്ന് ഒ​രു വി​ഭാ​ഗം പ്ര​തി​ഷേ​ധ​ക്കാ​ർ ത​ല​സ്ഥാ​ന​ത്തി​ന്‍റെ ഹൃ​ദ​യ​ഭാ​ഗ​ത്തേ​ക്കു കു​തി​ക്കു​ക​യാ​ണു​ണ്ടാ​യ​ത്. ഡ​ൽ​ഹി പോ​ലീ​സി​ന്‍റെ ആ​സ്ഥാ​ന​മാ​യി​രു​ന്ന ഐ​ടി​ഒ​യി​ൽ പോ​ലീ​സും ക​ർ​ഷ​ക​രും ത​മ്മി​ൽ മ​ണി​ക്കൂ​റു​ക​ളോ​ളം ഏ​റ്റു മു​ട്ടി. ട്രാ​ക്ട​റു​ക​ൾ ത​ട​യു​ന്ന​തി​നാ​യി പോ​ലീ​സ് വ​ഴി​യി​ൽ നി​ര​ത്തി​യി​ട്ട ബ​സു​ക​ൾ ഇ​ടി​ച്ചു നീ​ക്കി​യാ​ണ് ക​ർ​ഷ​ക​ർ മു​ന്നോ​ട്ടു കു​തി​ച്ച​ത്. നൂ​റു ക​ണ​ക്കി​ന് ട്രാ​ക്ട​റു​ക​ൾ അ​തി​വേ​ഗ​ത്തി​ൽ ഇ​ര​ച്ചെ​ത്തി​യ​തോ​ടെ സം​ഭ​വം പോ​ലീ​സി​ന്‍റെ​ നി​യ​ന്ത്ര​ണ​ത്തി​നു പു​റ​ത്താ​യി.

ഉ​ച്ച​ക​ഴി​ഞ്ഞ് ചെ​ങ്കോ​ട്ട​യി​ൽ ക​ട​ന്നു ക​യ​റി​യ പ്ര​തി​ഷേ​ധ​ക്കാ​ർ ആ​യു​ധ ധാ​രി​ക​ളാ​യ നിം​ഹാം​ഗ് സി​ക്കു​കാ​ർ​ക്കൊ​പ്പം കോ​ട്ട​യു​ടെ മു​ക​ൾ​പ്പ​ര​പ്പി​ലെ ക​മാ​ന​ങ്ങ​ളി​ൽ വ​രെ ക​യ​റി​പ്പ​റ്റി. അ​തി​നി​ടെ​യാ​ണ് ഒ​രു യു​വാ​വ് ചെ​ങ്കോ​ട്ട​യി​ൽ ദേ​ശീ​യ പ​താ​ക സ്ഥാ​പി​ച്ചി​രി​ക്കു​ന്ന കൊ​ടി​മ​ര​ത്തി​ൽ വ​ലി​ഞ്ഞു ക​യ​റി സി​ക്ക് പ​താ​ക കെ​ട്ടി​യ​ത്. ന​ഗ​ര​ത്തി​ൽ സ​മ​ര​ത്തി​ന്‍റെ പേ​രി​ൽ പ്ര​തി​ഷേ​ധം പൊ​ട്ടി​പ്പു​റ​പ്പെ​ട്ട​പ്പോ​ൾ ത​ന്നെ ഡ​ൽ​ഹി അ​തി​ർ​ത്തി​യി​ൽ പ്ര​തി​ഷേ​ധ​ത്തി​നു നേ​തൃ​ത്വം ന​ൽ​കി​യി​രു​ന്ന പ്ര​ധാ​ന ക​ർ​ഷ​ക സം​ഘ​ട​ന​ക​ളും നേ​താ​ക്ക​ളും അ​ക്ര​മം ന​ട​ത്തു​ന്ന​വ​ർ ത​ങ്ങ​ളു​ടെ ഒ​പ്പ​മു​ള്ള​വ​ര​ല്ലെ​ന്നു വ്യ​ക്ത​മാ​ക്കി​യി​രു​ന്നു.


ഐ​ടി​ഒ​യി​ൽ മൂ​ന്നു മ​ണി​ക്കൂ​റോ​ളം ക​ർ​ഷ​ക​രും പോ​ലീ​സും ത​മ്മി​ൽ ഏ​റ്റു​മു​ട്ടി. അ​ക്ര​മം രൂ​ക്ഷ​മാ​യ​തോ​ടെ മെ​ട്രോ ഉ​ൾ​പ്പെടെ ഗ​താ​ഗ​തം പൂ​ർ​ണ​മാ​യും സ്തം​ഭി​ച്ചു. ഡ​ൽ​ഹി​യു​ടെ വി​വി​ധ ഭാ​ഗ​ങ്ങ​ളി​ലും ഹ​രി​യാ​ന​യി​ലും ഉ​ത്ത​ർ​പ്ര​ദേ​ശി​ൽ ചി​ല​യി​ട​ങ്ങ​ളി​ലും ഇ​ന്‍റ​ർ​നെ​റ്റ് റ​ദ്ദാ​ക്കി. സ​മ​രം അ​ക്ര​മാ​സ​ക്ത​മാ​യ​തോ​ടെ മു​ന്നൂ​റോ​ളം അ​ക്കൗ​ണ്ടു​ക​ളാ​ണ് ട്വി​റ്റ​ർ സ​സ്പെ​ന്‍ഡ് ചെ​യ്ത​ത്.
സം​ഘ​ർ​ഷ​ത്തി​നി​ടെ നി​ര​വ​ധി ക​ർ​ഷ​ക​ർ​ക്കും പോ​ലീ​സു​കാ​ർ​ക്കും പ​രി​ക്കേ​റ്റു. ഒ​രു ക​ർ​ഷ​ക​ർ മ​രി​ക്കു​ക​യും ചെ​യ്തു. പോ​ലീ​സി​ന്‍റെ വെ​ടി​യേ​റ്റാ​ണ് ഇ​യാ​ൾ മ​രി​ച്ച​തെ​ന്ന് ആ​രോ​പ​ണം ഉ​യ​ർ​ന്നെ​ങ്കി​ലും ട്രാ​ക്ട​ർ മ​റി​ഞ്ഞാ​ണ് മ​ര​ണം സം​ഭ​വി​ച്ച​തെ​ന്നു പോ​ലീ​സ് വി​ശ​ദീ​ക​രി​ച്ചു.

സം​ഘ​ർ​ഷ​ത്തി​ൽ 300 പോ​ലീ​സു​കാ​ർ​ക്ക് പ​രി​ക്കേ​റ്റെ​ന്നാ​ണ് ഡ​ൽ​ഹി പോ​ലീ​സ് അ​റി​യി​ച്ച​ത്. അ​ക്ര​മ​വു​മാ​യി ബ​ന്ധ​പ്പെ​ട്ട് 200 പേ​രെ അ​റ​സ്റ്റ് ചെ​യ്യു​ക​യും 22ലേ​റെ എ​ഫ്ഐ​ആ​റു​ക​ൾ ര​ജി​സ്റ്റ​ർ ചെ​യ്യു​ക​യും ചെ​യ്തു. ബ​ഹ​ള​ത്തി​നി​ടെ ആ​റു ബ​സു​ക​ളും അ​ഞ്ച് പോ​ലീ​സ് വാ​ഹ​ന​ങ്ങ​ളും ത​ക​ർ​ത്തു. കു​തി​ര​പ്പു​റ​ത്ത് വാ​ളും വ​ടി​യും മ​ഴു​വു​മാ​യി വ​ന്ന നി​ഹാം​ഗു​ക​ൾ ഉ​ൾ​പ്പെടെ​യു​ള്ള സം​ഘം ആ​ക്ര​മി​ക്കു​ക​യാ​യി​രു​ന്നുവെ​ന്നു ഡ​ൽ​ഹി പോ​ലീ​സ് അ​റി​യി​ച്ചു. അ​ക്ര​മ​ങ്ങ​ൾ​ക്ക് പി​ന്നാ​ലെ കേ​ന്ദ്ര ആ​ഭ്യ​ന്ത​ര മ​ന്ത്രി അ​മി​ത്ഷാ ഉ​ന്ന​ത​ത​ല യോ​ഗം വി​ളി​ച്ച് ഡ​ൽ​ഹി​യി​ൽ കൂ​ടു​ത​ൽ അ​ർ​ധ​സൈ​നി​ക​രെ വി​ന്യ​സി​ക്കാ​ൻ നി​ർ​ദേ​ശി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.