പുതിയ കോണ്‍ഗ്രസ് അധ്യക്ഷൻ ജൂണിൽ
Saturday, January 23, 2021 1:37 AM IST
ന്യൂ​ഡ​ൽ​ഹി: കോ​ണ്‍ഗ്ര​സി​നു തെ​ര​ഞ്ഞെ​ടു​ക്ക​പ്പെ​ട്ട പു​തി​യ പ്ര​സി​ഡ​ന്‍റ് ജൂ​ണി​ൽ ചു​മ​ത​ല​യേ​ൽ​ക്കും. സം​ഘ​ട​നാ തെ​ര​ഞ്ഞെ​ടു​പ്പ് മേ​യി​ൽ ന​ട​ത്തു​മെ​ന്നും എ​ന്നാ​ൽ, പ്ര​സി​ഡ​ന്‍റു തെ​ര​ഞ്ഞെ​ടു​പ്പി​നോ​ടൊ​പ്പം പ്ര​വ​ർ​ത്ത​ക സ​മി​തി​യി​ലേ​ക്കു​ള്ള തെ​ര​ഞ്ഞെ​ടു​പ്പ് ഉ​ണ്ടാ​കി​ല്ലെ​ന്നും വ​ർ​ക്കിം​ഗ് ക​മ്മി​റ്റി യോ​ഗ​ത്തി​നു​ശേ​ഷം എ​ഐ​സി​സി ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ൽ അ​റി​യി​ച്ചു.

2021 ജൂ​ണി​ൽ കോ​ണ്‍ഗ്ര​സി​നു തെ​ര​ഞ്ഞെ​ടു​ക്ക​പ്പെ​ട്ട അ​ധ്യ​ക്ഷ​ൻ ഉ​ണ്ടാ​കും. കോ​ണ്‍ഗ്ര​സ് പ്ര​സി​ഡ​ന്‍റു തെ​ര​ഞ്ഞെ​ടു​പ്പും വ​ർ​ക്കിം​ഗ് ക​മ്മി​റ്റി​യി​ലേ​ക്കു​ള്ള തെ​ര​ഞ്ഞെ​ടു​പ്പും ഒ​രു​മി​ച്ചു ന​ട​ത്ത​ണോ അ​തു​ക​ഴി​ഞ്ഞു മ​തി​യോ എ​ന്ന കാ​ര്യ​ത്തി​ൽ പി​ന്നീ​ടു തീ​രു​മാ​ന​മെ‌​ടു​ക്കും. ര​ണ്ടും ഒ​രു​മി​ച്ചു ന​ട​ത്തു​ന്ന​ത​ല്ല കീ​ഴ്‌വഴ​ക്കം. കോ​ണ്‍ഗ്ര​സ് പ്ര​സി​ഡ​ന്‍റു തെ​ര​ഞ്ഞെ​ടു​പ്പു ക​ഴി​ഞ്ഞു പ്ര​വ​ർ​ത്ത​ക സ​മി​തി​യി​ലേ​ക്കു തെ​ര​ഞ്ഞെ​ടു​പ്പ് എ​ന്ന​താ​ണു രീ​തി. ഇ​ക്കാ​ര്യ​ത്തി​ൽ പാ​ർ​ട്ടി ഭ​ര​ണ​ഘ​ട​ന പ​രി​ശോ​ധി​ക്കും- വേ​ണു​ഗോ​പാ​ൽ വി​ശ​ദീ​ക​രി​ച്ചു.

കേ​ര​ളം അ​ട​ക്കം അ​ഞ്ചു സം​സ്ഥാ​ന​ങ്ങ​ളി​ലെ നി​യ​മ​സ​ഭാ തെ​ര​ഞ്ഞെ​ടു​പ്പി​നെ ബാ​ധി​ക്കാ​തി​രി​ക്കാ​നാ​ണു സം​ഘ​ട​നാ തെ​ര​ഞ്ഞെ​ടു​പ്പു ഷെ​ഡ്യൂ​ൾ മാ​റ്റു​ന്ന​തെ​ന്നു വേ​ണു​ഗോ​പാ​ലും ര​ണ്‍ദീ​പ് സു​ർ​ജേ​വാ​ല​യും പ​ത്ര​സ​മ്മേ​ള​ന​ത്തി​ൽ പ​റ​ഞ്ഞു. പ്ര​സി​ഡ​ന്‍റു തെ​ര​ഞ്ഞെ​ടു​പ്പു മേ​യി​ൽ ന​ട​ത്താ​നാ​യി​രു​ന്നു തെ​ര​ഞ്ഞെ​ടു​പ്പ് അ​ഥോ​റി​റ്റി​യു​ടെ പ​ഴ​യ ഷെ​ഡ്യൂ​ൾ.

സോ​ണി​യ ഗാ​ന്ധി​യു​ടെ അ​ധ്യ​ക്ഷ​ത​യി​ൽ ന​ട​ന്ന യോ​ഗ​ത്തി​ൽ മ​ൻ​മോ​ഹ​ൻ സിം​ഗ്, രാ​ഹു​ൽ ഗാ​ന്ധി, എ.​കെ. ആ​ന്‍റ​ണി, ഉ​മ്മ​ൻ ചാ​ണ്ടി തു​ട​ങ്ങി​യ​വ​രും സം​ഘ​ട​നാ തെ​ര​ഞ്ഞെ​ടു​പ്പും മു​ഴു​സ​മ​യ നേ​താ​വും ആ​വ​ശ്യ​പ്പെ​ട്ടു ക​ത്തെ​ഴു​തി​യ ഗു​ലാം ന​ബി ആ​സാ​ദ് അ​ട​ക്ക​മു​ള്ള​വ​രും പ​ങ്കെ​ടു​ത്തു. വീ​ഡി​യോ​കോ​ണ്‍ഫ​റ​ൻ​സി​ലൂ​ടെ ഇ​ന്ന​ലെ ഉ​ച്ച​വ​രെ ന​ട​ന്ന വ​ർ​ക്കിം​ഗ് ക​മ്മി​റ്റി​യി​ൽ ഒ​രു ത​ർ​ക്ക​വു​മു​ണ്ടാ​യി​ല്ലെ​ന്നും ഏ​ക​ക​ണ്ഠ​മാ​യാ​ണു തീ​രു​മാ​നി​ച്ച​തെ​ന്നും അ​ദ്ദേ​ഹം അ​വ​കാ​ശ​പ്പെ​ട്ടു.

എ​ന്നാ​ൽ സം​ഘ​ട​നാ തെ​ര​ഞ്ഞെ​ടു​പ്പ് ഉ​ട​ൻ ന​ട​ത്ത​ണ​മെ​ന്ന് ഗു​ലാം ന​ബി, പി. ​ചി​ദം​ബ​രം, ആ​ന​ന്ദ് ശ​ർ​മ, മു​കു​ൾ വാ​സ്നി​ക് തു​ട​ങ്ങി​യ​വ​ർ ആ​വ​ശ്യ​പ്പെ​ട്ടു. കോ​ണ്‍ഗ്ര​സി​ന്‍റെ അ​ടി​ത്ത​റ പ​ല​യി​ട​ത്തും ഇ​ള​കി​യെ​ന്നും ഇ​പ്പോ​ഴ​ത്തെ ശൈ​ലി മാ​റ​ണ​മെ​ന്നും ഇ​വ​ർ പ​റ​ഞ്ഞു. എ​ന്നാ​ൽ അ​ഞ്ചു സം​സ്ഥാ​ന​ങ്ങ​ളി​ലെ നി​യ​മ​സ​ഭാ തെ​ര​ഞ്ഞെ​ടു​പ്പി​നു​ശേ​ഷം മ​തി തെ​ര​ഞ്ഞെ​ടു​പ്പെ​ന്ന് ആ​ന്‍റ​ണി, ഉ​മ്മ​ൻ ചാ​ണ്ടി, അ​ശോ​ക് ഗെ​ഹ്‌​ലോ​ട്ട്, താ​രീ​ഖ് അ​ൻ​വ​ർ തു​ട​ങ്ങി​യ​വ​ർ ചൂ​ണ്ടി​ക്കാ​ട്ടി. ഗു​ലാം ന​ബി, ആ​ന​ന്ദ് ശ​ർ​മ എ​ന്നി​വ​ർ​ക്കെ​തി​രേ അ​ശോ​ക് ഗെ​ഹ്‌​ലോ​ട്ട് വി​മ​ർ​ശ​നം ഉ​ന്ന​യി​ക്കാ​ൻ മ​ടി​ച്ചി​ല്ല.



നി​ല​പാ​ട് മാ​റ്റാതെ രാ​ഹു​ൽ

ന്യൂ​ഡ​ൽ​ഹി: രാ​ഹു​ൽ ഗാ​ന്ധി വീ​ണ്ടും കോ​ണ്‍​ഗ്ര​സ് അ​ധ്യ​ക്ഷ സ്ഥാ​നം ഏ​റ്റെ​ടു​ക്ക​ണ​മെ​ന്ന​താ​ണു നി​ല​വി​ലെ പ്ര​വ​ർ​ത്ത​ക സ​മി​തി​യു​ടെ​യും മി​ക്ക സം​സ്ഥാ​ന പി​സി​സി​ക​ളു​ടെ​യും ആ​വ​ശ്യം. എ​ന്നാ​ൽ താ​നോ പ്രി​യ​ങ്ക വ​ദ്ര​യോ അ​ധ്യ​ക്ഷ സ്ഥാ​നം ഏ​റ്റെ​ടു​ക്കി​ല്ലെ​ന്ന പ​ഴ​യ നി​ല​പാ​ടി​ൽ രാ​ഹു​ൽ മാ​റ്റം വ​രു​ത്തി​യി​ട്ടി​ല്ല.

രാ​ഹു​ലോ, പ്രി​യ​ങ്ക​യോ അ​ധ്യ​ക്ഷ സ്ഥാ​ന​ത്തു​വ​ന്നാ​ൽ എ​തി​ർ​ക്കി​ല്ലെ​ന്നും എ​ന്നാ​ൽ ഡ​മ്മി സ്ഥാ​നാ​ർ​ഥി​യെ നി​ർ​ത്തി​യാ​ൽ എ​തി​ർ​ക്കു​മെ​ന്നും ക​ത്തെ​ഴു​തി​യ 23 തി​രു​ത്ത​ൽ​വാ​ദി​ക​ളു​ടെ സം​ഘം പ​റ​യു​ന്നു.


തെ​ര​ഞ്ഞെ​ടു​ക്ക​പ്പെ​ട്ട​വ​ർ 12

ന്യൂ​ഡ​ൽ​ഹി: കോ​ണ്‍ഗ്ര​സ് പ്ര​വ​ർ​ത്ത​ക സ​മി​തി​യി​ൽ ആ​കെ 23 അം​ഗ​ങ്ങ​ൾ എ​ന്ന​താ​ണു പാ​ർ​ട്ടി ഭ​ര​ണ​ഘ​ട​ന. ഇ​തി​ൽ 12 പേ​രെ തെ​ര​ഞ്ഞെ​ടു​ക്കും. ശേ​ഷി​ച്ച 11 പേ​രെ പ്ര​സി​ഡ​ന്‍റ് നാ​മ​നി​ർ​ദേ​ശം ചെ​യ്യു​ക​യാ​ണു പ​തി​വ്. ഇ​തി​നു പു​റ​മെ അ​ധ്യ​ക്ഷ​ന് ഇ​ഷ്ട​മു​ള്ള​വ​രെ സ്ഥി​രം ക്ഷ​ണി​താ​ക്ക​ളാ​യും പ്ര​ത്യേ​ക ക്ഷ​ണി​താ​ക്ക​ളാ​യും ഉ​ൾ​പ്പെ​ടു​ത്തും.

മ​ൻ​മോ​ഹ​ൻ സിം​ഗ്, രാ​ഹു​ൽ ഗാ​ന്ധി, എ.​കെ. ആ​ന്‍റ​ണി, ഉ​മ്മ​ൻ ചാ​ണ്ടി, കെ.​സി. വേ​ണു​ഗോ​പാ​ൽ, താ​രീ​ഖ് അ​ൻ​വ​ർ, ഗു​ലാം ന​ബി ആ​സാ​ദ്, മ​ല്ലി​കാ​ർ​ജു​ൻ ഖാ​ർ​ഗെ, പ്രി​യ​ങ്ക ഗാ​ന്ധി വ​ദ്ര, അം​ബി​കാ സോ​ണി, പി. ​ചി​ദം​ബ​രം, മു​കു​ൾ വാ​സ്നി​ക്, ര​ണ്‍ദീ​പ് സിം​ഗ് സു​ർ​ജേ​വാ​ല, ജി​തേ​ന്ദ്ര സിം​ഗ്, ഹ​രീ​ഷ് റാ​വ​ത്ത്, ഗെ​യ്ക്ക​ൻ​ഗാം, ര​ഘു​വീ​ർ സിം​ഗ് മീ​ണ എ​ന്നീ 19 പേ​രാ​ണ് നി​ല​വി​ലെ വ​ർ​ക്കിം​ഗ് ക​മ്മി​റ്റി​യി​ലെ ഔ​ദ്യോ​ഗി​ക അം​ഗ​ങ്ങ​ൾ.

സാ​ധാ​ര​ണ​ഗ​തി​യി​ൽ അ​ഞ്ചു വ​ർ​ഷ​മാ​ണു പ്ര​സി​ഡ​ന്‍റി​ന്‍റെ കാ​ലാ​വ​ധി. എ​ന്നാ​ൽ 2017 ഡി​സം​ബ​റി​ലാ​ണ് ഏ​റ്റ​വു​മ​വ​സാ​നം രാ​ഹു​ലി​നെ തെ​ര​ഞ്ഞെ​ടു​ത്ത​തെ​ന്നും അ​ദ്ദേ​ഹ​ത്തി​ന്‍റെ കാ​ലാ​വ​ധി 2022ലാ​ണ് അ​വ​സാ​നി​ക്കു​ന്ന​തെ​ന്നും വാ​ദ​മു​ണ്ട്.

ജോ​ർ​ജ് ക​ള്ളി​വ​യ​ലി​ൽ

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.