കർഷക സമരം: പത്താംവട്ട ചർച്ചയിലും തീരുമാനമില്ല
Thursday, January 21, 2021 12:56 AM IST
ന്യൂ​ഡ​ൽ​ഹി: ക​ർ​ഷ​ക സ​മ​രം 57-ാം ദി​വ​സ​ത്തി​ലേ​ക്കു ക​ട​ക്കു​ന്പോ​ൾ ഒ​ന്നു മു​ത​ൽ ര​ണ്ടു വ​ർ​ഷ​ത്തേ​ക്ക് വ​രെ കാ​ർ​ഷി​ക നി​യ​മ​ങ്ങ​ൾ ന​ട​പ്പാ​ക്കാ​തി​രി​ക്കാം എ​ന്ന നി​ർ​ദേ​ശ​വു​മാ​യി കേ​ന്ദ്രസ​ർ​ക്കാ​ർ.

കാ​ർ​ഷി​കരം​ഗ​ത്തെ വി​ഷ​യ​ങ്ങ​ൾ സ​മ​ഗ്ര​മാ​യി പ​ഠി​ക്കാ​ൻ ഒ​രു വി​ദ​ഗ്ധ സ​മി​തി​യെ സ​ർ​ക്കാ​ർ നി​യോ​ഗി​ക്കും. ക​ർ​ഷ​ക പ്ര​തി​നി​ധി​ക​ളെ​യും ഇ​തി​ൽ ഉ​ൾ​പ്പെ​ടു​ത്തും. സ​മി​തി റി​പ്പോ​ർ​ട്ട് ന​ൽ​കു​ന്ന​തു​വ​രെ ഒ​രു വ​ർ​ഷ​മോ ഒ​ന്ന​ര വ​ർ​ഷ​മോ നി​യ​മ​ങ്ങ​ൾ ന​ട​പ്പാ​ക്കി​ല്ല. സ​മി​തി​യു​ടെ നി​ർ​ദേ​ശ​ങ്ങ​ൾ ന​ട​പ്പാ​ക്കു​ക​യും ചെ​യ്യും. അ​തി​ന് പു​റ​മേ ഇ​ക്കാ​ര്യ​ങ്ങ​ൾ വ്യ​ക്ത​മാ​ക്കി സു​പ്രീം​കോ​ട​തി​യി​ൽ സ​ത്യ​വാ​ങ്മൂ​ലം ന​ൽ​കാ​മെ​ന്നു​മാ​ണ് ഇ​ന്ന​ലെ കേ​ന്ദ്ര കൃ​ഷി​മ​ന്ത്രി ന​രേ​ന്ദ്ര സിം​ഗ് തോ​മ​ർ ക​ർ​ഷ​ക സം​ഘ​ട​ന പ്ര​തി​നി​ധി​ക​ൾ​ക്ക് ഉ​റ​പ്പ് ന​ൽ​കി​യ​ത്.

കാ​ർ​ഷി​ക നി​യ​മ​ങ്ങ​ൾ പി​ൻ​വ​ലി​ക്ക​ണം എ​ന്ന ആ​വ​ശ്യ​ത്തി​ൽ ഉ​റ​ച്ചു നി​ൽ​ക്കു​ന്പോ​ഴും സ​ർ​ക്കാ​ർ ഇ​ന്ന​ലെ മു​ന്നോ​ട്ടു വ​ച്ച നി​ർ​ദേ​ശ​ങ്ങ​ളി​ൽ ഇ​ന്നു വി​വി​ധ ക​ർ​ഷ​ക സം​ഘ​ട​ന​ക​ൾ ഡ​ൽ​ഹി​യി​ൽ യോ​ഗം ചേ​ർ​ന്നു തീ​രു​മാ​നം എ​ടു​ക്കു​മെ​ന്ന് അ​റി​യി​ച്ചു. ഇ​ന്ന​ലെ കേ​ന്ദ്ര സ​ർ​ക്കാ​രും ക​ർ​ഷ​ക​രും ത​മ്മി​ൽ ന​ട​ന്ന പ​ത്താം​ഘ​ട്ട ച​ർ​ച്ച മൂ​ന്ന് ഘ​ട്ട​ങ്ങ​ളി​ലാ​യി അ​ഞ്ചു മ​ണി​ക്കൂ​റോ​ള​മാ​ണ് നീ​ണ്ട​ത്. അ​തേ​സ​മ​യം, കാ​ർ​ഷി​ക നി​യ​മ​ങ്ങ​ൾ പി​ൻ​വ​ലി​ക്കാ​തെ പി​ന്നോ​ട്ടി​ല്ലെ​ന്ന് ക​ർ​ഷ​ക​ർ ആ​വ​ർ​ത്തി​ച്ചു വ്യ​ക്ത​മാ​ക്കി.


26നു ​പ്ര​ഖ്യാ​പി​ച്ച ട്രാ​ക്ട​ർ റാ​ലി​യു​മാ​യി മു​ന്നോ​ട്ടു പോ​കും. ഡ​ൽ​ഹി ഔ​ട്ട​ർ റിം​ഗ് റോ​ഡി​ൽ നി​ന്ന് ട്രാ​ക്ട​ർ റാ​ലി കു​ണ്ഡ്‌ലു-​മ​നേ​സ​ർ ദേ​ശീ​യ പാ​ത​യി​ലേ​ക്ക് മാ​റ്റ​ണ​മെ​ന്ന പോ​ലീ​സി​ന്‍റെ നി​ർ​ദേ​ശ​വും ക​ർ​ഷ​ക​ർ ത​ള്ളി. ഒ​ന്ന​ര വ​ർ​ഷ​ത്തേ​ക്ക് നി​യ​മ​ങ്ങ​ൾ ന​ട​പ്പാ​ക്കാ​തി​രി​ക്കാം എ​ന്നാ​ണ് സ​ർ​ക്കാ​ർ പ​റ​ഞ്ഞ​ത്.

എ​ന്നാ​ൽ നി​യ​മ​ങ്ങ​ൾ സ​സ്പെ​ൻ​ഡ് ചെ​യ്യു​ന്ന വി​ഷ​യ​ത്തി​ൽ ച​ർ​ച്ച ഇ​ല്ലെ​ന്നും പി​ൻ​വ​ലി​ച്ചേ മ​തി​യാ​കൂ എ​ന്ന് ആ​വ​ശ്യ​പ്പെ​ട്ടുവെന്നുമാണ് ച​ർ​ച്ച ക​ഴി​ഞ്ഞു പു​റ​ത്തു വ​ന്ന ഒ​രു ക​ർ​ഷ​ക നേ​താ​വ് പ്ര​തി​ക​രി​ച്ച​ത്.

ഇ​ന്ന​ലെ ന​ട​ന്ന ച​ർ​ച്ച​യി​ലും തീ​രു​മാ​നം ഇ​ല്ലാ​തെ നീ​ണ്ടു പോ​യ​പ്പോ​ൾ “ഇ​ത് പ​ഴ​യ സ്ഥ​ലം ത​ന്നെ, പ​ഴ​യ മ​ന്ത്രി​മാ​രും, അ​തി​ന​ർ​ഥം ഇ​നി​യും വീ​ണ്ടും ച​ർ​ച്ച​ക​ൾ ന​ട​ക്കു​മെ​ന്നു ത​ന്നെ’’- എ​ന്നെ​ഴു​തി​യ വ​ലി​യ പോ​സ്റ്റ​റു​ക​ൾ ക​ർ​ഷ​ക​ർ മേ​ശ​പ്പു​റ​ത്തു വ​ച്ചു. കാ​ർ​ഷി​ക നി​യ​മ​ങ്ങ​ൾ​ക്കെ​തി​രേ പ്ര​തി​ഷേ​ധി​ക്കു​ന്ന ക​ർ​ഷ​ക​രെ ല​ക്ഷ്യം വ​ച്ചാ​ണ് സ​ർ​ക്കാ​ർ എ​ൻ​ഐ​എ​യെ ഉ​പ​യോ​ഗി​ക്കു​ന്ന​തെ​ന്ന് ക​ർ​ഷ​ക​ർ ആ​രോ​പി​ച്ചു.

സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.