National News
ലോക്ക് ഡൗൺ രണ്ടാഴ്ചകൂടി നീട്ടിയേക്കും
ലോക്ക് ഡൗൺ രണ്ടാഴ്ചകൂടി നീട്ടിയേക്കും
Friday, May 29, 2020 1:19 AM IST
ന്യൂ​ഡ​ൽ​ഹി: കോ​വി​ഡ് പ്ര​തി​രോ​ധ​ത്തി​നാ​യി പ്ര​ഖ്യാ​പി​ച്ച ലോ​ക്ക് ഡൗ​ൺ ര​ണ്ടാ​ഴ്ചകൂ​ടി നീ​ട്ടാ​ൻ സാ​ധ്യ​ത.മേയ് 31നാണ് നാലാംഘട്ട ലോക്ക് ഡൗൺ തീരുന്നത്.

അന്നു തന്‍റെ ​പ്ര​തി​മാ​സ റേ​ഡി​യോ പ​രി​പാ​ടി​യാ​യ മ​ൻ കി ​ബാ​ത്തി​ലൂ​ടെ പ്ര​ധാ​ന​മ​ന്ത്രി നരേന്ദ്ര മോദി ലോ​ക്ക് ഡൗ​ണി​ന്‍റെ അ​ഞ്ചാം​ഘ​ട്ടം പ്ര​ഖ്യാ​പി​ക്കു​മെ​ന്നാ​ണു വി​വ​രം. ആ ഘ​ട്ട​ത്തി​ൽ നി​യ​ന്ത്ര​ണ​ങ്ങ​ളും ഇ​ള​വു​ക​ളും തീ​രു​മാ​നി​ക്കു​ന്ന കാ​ര്യ​ത്തി​ൽ സം​സ്ഥാ​ന​ങ്ങ​ൾ​ക്കു സ്വാ​ത​ന്ത്ര്യം ന​ൽ​കാ​നും സാ​ധ്യ​ത​യു​ണ്ട്.

ആ​രാ​ധ​നാ​ല​യ​ങ്ങ​ൾ തു​റ​ന്നു പ്ര​വ​ർ​ത്തി​ക്കാ​ൻ അ​നു​മ​തി ന​ൽ​കു​മെ​ന്നാ​ണ് കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യ​ത്തി​ൽനി​ന്നു​ള്ള സൂ​ച​ന.

ഇ​ക്കാ​ര്യ​ത്തി​ൽ സാ​ഹ​ച​ര്യമനു​സ​രി​ച്ച് തീ​രു​മാ​നമെ​ടു​ക്കാ​നു​ള്ള അധികാരം സം സ്ഥാനങ്ങൾക്കു നല്കും. ആ​രാ​ധ​നാ​ല​യ​ങ്ങ​ളി​ൽ ഉ​ത്സ​വ​ങ്ങ​ളോ മ​റ്റു വ​ലി​യ ആ​ഘോ​ഷ​ങ്ങ​ളോ അ​നു​വ​ദി​ക്കി​ല്ല.

ആ​രാ​ധ​നാ​ല​യ​ങ്ങ​ൾ​ക്കു​ള്ളി​ൽ മാ​സ്ക്കും സാ​മൂ​ഹി​ക അ​ക​ലം പാ​ലി​ക്ക​ലും നി​ർ​ബ​ന്ധ​മാ​ണ്. വി​വാ​ഹ​ങ്ങ​ൾ​ക്കും മ​ര​ണാ​ന​ന്ത​ര ച​ട​ങ്ങു​ക​ൾ​ക്കും നി​ല​വി​ലു​ള്ള നി​യ​ന്ത്ര​ണ​ങ്ങ​ൾ തു​ട​രും.

ജിം​നേ​ഷ്യ​ങ്ങ​ളം തു​റ​ന്നു പ്ര​വ​ർ​ത്തി​ക്കാ​ൻ അ​നു​മ​തി ന​ൽ​കി​യേ​ക്കും. ഹോ​ട്ട​ലു​ക​ളും മ​റ്റും തു​റ​ന്നു പ്ര​വ​ർ​ത്തി​ക്കാ​ൻ അ​നു​മ​തി ആ​വ​ശ്യ​പ്പെ​ട്ട് ക​ർ​ണാ​ട​ക, ഗോ​വ സ​ർ​ക്കാ​രു​ക​ൾ കേ​ന്ദ്ര​ത്തെ സ​മീ​പി​ച്ചി​ട്ടു​ണ്ട്. എ​ന്നാ​ൽ, സ്കൂ​ളു​ക​ളും കോ​ള​ജു​ക​ളും സി​നി​മ തി​യ​റ്റ​റു​ക​ളും ഷോ​പ്പിം​ഗ് മാ​ളു​ക​ളും അ​ട​ഞ്ഞുത​ന്നെ കി​ട​ക്കും.

കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ ​സം​സ്ഥാ​ന മു​ഖ്യ​മ​ന്ത്രി​മാ​രു​മാ​യി ലോ​ക്ക് ഡൗ​ണി​നെ​പ്പ​റ്റി ഇ​ന്ന​ലെ സം​സാ​രി​ച്ചു.

നാ​ലാം​ഘ​ട്ട ലോ​ക്ക് ഡൗ​ൺ അ​വ​സാ​നി​ക്കാ​നി​രി​ക്കെ കേ​ന്ദ്ര കാ​ബി​ന​റ്റ് സെ​ക്ര​ട്ട​റി രാ​ജീ​വ് ഗൗ​ബ, വ​ലി​യ​തോ​തി​ൽ കോ​വി​ഡ് വ്യാ​പി​ച്ച 13 ന​ഗ​ര​ങ്ങ​ളി​ലെ ക​മ്മീ​ഷ​ണ​ർ​മാ​രു​മാ​യി വീ​ഡി​യോ കോ​ണ്‍​ഫ​റ​ൻ​സിം​ഗ് ന​ട​ത്തി. ഈ 13 ​ന​ഗ​ര​ങ്ങ​ളി​ലാ​ണ് രാ​ജ്യ​ത്തെ 70 ശ​ത​മാ​നം കോ​വി​ഡ് ബാ​ധി​ത​രും.

ഡ​ൽ​ഹി, മും​ബൈ, ബം​ഗ​ളൂ​രു, പൂ​ന, താ​നെ, ഇ​ൻ​ഡോ​ർ, ചെ​ന്നൈ, ജ​യ്പുർ, സൂ​റ​റ്റ്, കോ​ൽ​ക്ക​ത്ത ന​ഗ​ര​ങ്ങ​ളി​ൽ കൂ​ടു​ത​ൽ നി​യ​ന്ത്ര​ണ​ങ്ങ​ളോ​ടെ ശ്ര​ദ്ധ പ​തി​പ്പി​ച്ചാ​യി​രി​ക്കും അ​ടു​ത്ത​ ഘ​ട്ടം ലോ​ക്ക് ഡൗ​ണ്‍.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.