അധികാരം പ്രധാനമന്ത്രിയുടെ ഓഫീസിലേക്കു ചുരുങ്ങി: സോണിയ
Saturday, May 23, 2020 12:11 AM IST
ന്യൂ​ഡ​ൽ​ഹി: അ​ധി​കാ​ര​മെ​ല്ലാം പ്ര​ധാ​ന​മ​ന്ത്രി​യു​ടെ ഓ​ഫീ​സി​ലേ​ക്കു മാ​ത്ര​മാ​യി ചു​രു​ങ്ങി​യി​രി​ക്കു​കയാണെന്നു കോൺഗ്രസ് അധ്യക്ഷ സോണിയ ഗാന്ധി. പ്ര​തി​പ​ക്ഷ നേ​താ​ക്ക​ളു​ടെ യോ​ഗ​ത്തി​ൽ സംസാരി ക്കുകയാ യിരുന്നു അവർ. സാ​ന്പ​ത്തി​ക രം​ഗം അ​തി​ദാ​രു​ണ​മാ​യ ത​ക​ർ​ച്ച​യി​ലാ​ണ്. സാ​ന്പ​ത്തി​ക വി​ദ​ഗ്ധ​ർ എ​ല്ലാംത​ന്നെ ഉ​ട​ന​ടി ഉ​ത്തേ​ജ​ക ന​ട​പ​ടി​കൾ വേ​ണ​മെ​ന്ന് ആ​വ​ശ്യ​പ്പെ​ടു​ന്നു​ണ്ട്. എ​ന്നാ​ൽ, പ്ര​ധാ​ന​മ​ന്ത്രി​യു​ടെ 20 ല​ക്ഷം കോ​ടി രൂ​പ​യു​ടെ പാ​ക്കേ​ജ് പ്ര​ഖ്യാ​പ​ന​വും തു​ട​ർ​ന്നു​ള്ള ദി​വ​സ​ങ്ങ​ളി​ൽ ധ​ന​മ​ന്ത്രി ന​ട​ത്തി​യ വി​ശ​ദീ​ക​ര​ണ​ങ്ങ​ളും ക്രൂ​ര ഫ​ലി​ത​ങ്ങ​ളാ​യി​രു​ന്നു​വെ​ന്നും സോ​ണി​യ ചൂ​ണ്ടി​ക്കാ​ട്ടി.

കോ​വി​ഡി​നെ​തി​രാ​യ കേ​ന്ദ്ര സ​ർ​ക്കാ​രി​ന്‍റെ പ്ര​തി​രോ​ധ പ്ര​വ​ർ​ത്ത​ന​ങ്ങ​ളെ​യും സോ​ണി​യ വി​മ​ർ​ശി​ച്ചു. വാ​ക്സി​ൻ ക​ണ്ടെ ത്തു​ന്ന​തുവ​രെ കൊ​റോ​ണ വൈ​റ​സ് ഇ​വി​ടെ നി​ല​നി​ൽ​ക്കു​മെ​ന്നതാ​ണ് ഇ​പ്പോ​ഴത്തെ നില. ലോ​ക്ക് ഡൗ​ണ്‍ കാ​ര്യ​ങ്ങ​ളി​ൽ സ​ർ​ക്കാ​രി​ന് ത​ന്നെ ഒരു നിശ്ചയവുമില്ലെന്നും സോ​ണി​യ ആരോപിച്ചു.

കു​ടി​യേ​റ്റ തൊ​ഴി​ലാ​ളി​ക​ളു​ടെ കാ​ര്യ​ത്തി​ലും സ​ർ​ക്കാ​ർ അ​ങ്ങേ​യ​റ്റം അ​വ​ഗ​ണ​ന​യാ​ണ് കാ​ണി​ക്കു​ന്ന​ത്. സ​മൂ​ഹ​ത്തി​ന്‍റെ താ​ഴേ​ക്കി​ട​യി​ലു​ള്ള 13 കോ​ടി കു​ടും​ബ​ങ്ങ​ളെ​യാ​ണ് സ​ർ​ക്കാ​ർ നി​ർ​ദ​യം അ​വ​ഗ​ണി​ച്ചു ക​ള​ഞ്ഞ​ത്.


ചെ​റു​കി​ട ക​ർ​ഷ​ക​ർ, ഭൂ​ര​ഹി​ത​രാ​യ ക​ർ​ഷ​ക തൊ​ഴി​ലാ​ളി​ക​ൾ, ക​ട​യു​ട​മ​ക​ൾ, സ്വ​യം തൊ​ഴി​ലി​ൽ ഏ​ർ​പ്പെ​ടു​ത്തി​യി​രു​ന്ന​വ​ർ ഒ​ക്കെ ത​ന്നെ​യും അ​വ​ഗ​ണി​ക്ക​പ്പെ​ട്ടു. ഇ​വ​രു​ടെ ക​ഷ്ട​ത​ക​ൾ അ​ക​റ്റു​ന്ന​തി​നാ​യി സ​ർ​ക്കാ​രി​ന്‍റെ കൈ​വ​ശം ഒ​രു പ​രി​ഹാ​ര​വും ഇ​ല്ലെ​ന്നു മാ​ത്ര​മ​ല്ല, മ​റി​ച്ച് പാ​വ​പ്പെ​ട്ട​വ​രോ​ട് ഒ​രു ത​ര​ത്തി​ലു​ള്ള സ​ഹാ​നു​ഭൂ​തി​യും പ്ര​ക​ടി​പ്പി​ക്കു​ന്നി​ല്ലെ​ന്ന​തും ഹൃ​ദ​യ​ഭേ​ദ​ക​മാ​ണെ​ന്നും സോ​ണി​യ പ​റ​ഞ്ഞു.

സോ​ണി​യ വി​ളി​ച്ചു ചേ​ർ​ത്ത പ്ര​തി​പ​ക്ഷ ക​ക്ഷി​ക​ളു​ടെ സൂം ​കോ​ണ്‍ഫ​റ​ൻ​സി​ൽ പ​ശ്ചി​മ ബം​ഗാ​ൾ മു​ഖ്യ​മ​ന്ത്രി മ​മ​ത ബാ​ന​ർ​ജി, മ​ഹാ​രാ​ഷ്‌​ട്ര മു​ഖ്യ​മ​ന്ത്രി ഉ​ദ്ധ​വ് താ​ക്ക​റേ, മു​ൻ പ്ര​ധാ​ന​മ​ന്ത്രി എ​ച്ച്. ഡി. ​ദേ​വ​ഗൗ​ഡ എ​ന്നി​വ​ർ പ​ങ്കെ​ടു​ത്തു. ബി​എ​സ്പി, സ​മാ​ജ് വാ​ദി പാ​ർ​ട്ടി, ആം ​ആ​ദ്മി പാ​ർ​ട്ടി എ​ന്നി​വ​ യോ​ഗ​ത്തി​ൽ പ​ങ്കെ​ടു​ത്തി​ല്ല.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.