ഡൽഹിയിൽ 22 ഹോട്ട്സ്പോട്ടുകൾ സീൽ ചെയ്തു
Thursday, April 9, 2020 10:38 PM IST
ന്യൂ​ഡ​ൽ​ഹി: കോ​വി​ഡ് വ്യാ​പ​നം ത​ട​യു​ന്ന​തി​നാ​യി ഡ​ൽ​ഹി​യി​ൽ 22 ഹോ​ട്ട് സ്പോ​ട്ടു​ക​ൾ അ​ട​ച്ചു​പൂ​ട്ടി സീ​ൽ ചെ​യ്തു.

മ​ല​യാ​ളി​ക​ൾ ഏറെ താമസിക്കുന്ന മ​യൂ​ർ വി​ഹാ​റി​ൽ അ​ട​ക്കം ഒ​രു ഭ​വ​നസ​മു​ച്ച​യം പൂ​ർ​ണ​മാ​യി സീ​ൽ ചെ​യ്തി​ട്ടു​ണ്ട്. രാ​ജ്യ​വ്യാ​പ​ക ലോ​ക്ക് ഡൗ​ണ്‍ നീ​ട്ട​ണോ എ​ന്ന കാ​ര്യ​ത്തി​ൽ കേ​ന്ദ്രസ​ർ​ക്കാ​രും സം​സ്ഥാ​ന സ​ർ​ക്കാ​രു​ക​ളും ച​ർ​ച്ച തു​ട​രു​ന്ന​തി​നി​ടെ ഒ​ഡീ​ഷ് ഏ​പ്രി​ൽ 30 വ​രെ ലോ​ക്ക് ഡൗ​ണ്‍ നീ​ട്ടി.

കോ​വി​ഡ് പ്ര​തി​രോ​ധ​ത്തി​ന്‍റെ ഭാ​ഗ​മാ​യി ലോ​ക്ക് ഡൗ​ണ്‍ കാ​ലാ​വ​ധി നീ​ട്ടു​ന്ന ആ​ദ്യ സം​സ്ഥാ​ന​മാ​ണ് ഒ​ഡീ​ഷ. പ​ഞ്ചാ​ബും ലോ​ക്ക് ഡൗ​ണ്‍ നീ​ട്ടി​യെ​ന്ന് ക​ഴി​ഞ്ഞ ദി​വ​സം റി​പ്പോ​ർ​ട്ടു​ക​ൾ വ​ന്നെ​ങ്കി​ലും മു​ഖ്യ​മ​ന്ത്രി ക്യാ​പ്റ്റ​ൻ അ​മ​രീ​ന്ദ​ർ സിം​ഗി​ന്‍റെ ഓ​ഫീ​സ് ഇ​ക്കാ​ര്യം നി​ഷേ​ധി​ച്ചി​രു​ന്നു. ഒ​ഡീ​ഷ​യി​ൽ ലോ​ക്ക് ഡൗ​ണ്‍ ഏ​പ്രി​ൽ 30 വ​രെ നീ​ട്ടാ​ൻ സം​സ്ഥാ​ന കാ​ബി​ന​റ്റ് തീ​രു​മാ​നി​ച്ചു. രാ​ജ്യവ്യാ​പ​ക ലോ​ക്ക് ഡൗ​ണ്‍ കാ​ലാ​വ​ധി ൂ​ടി നീ​ട്ട​ണ​മെ​ന്ന് കേ​ന്ദ്ര സ​ർ​ക്കാ​രി​നോ​ട് ശി​പാ​ർ​ശ ചെ​യ്യു​ന്നു​വെ​ന്നും മു​ഖ്യ​മ​ന്ത്രി ന​വീ​ൻ പ​ട്നാ​യി​ക് പ​റ​ഞ്ഞു.

ഡ​ൽ​ഹി​യി​ൽ അ​ട​ച്ചപൂ​ട്ടി​യ സ്ഥ​ല​ങ്ങ​ളി​ലേ​ക്ക് ആ​ർ​ക്കും പ്ര​വേ​ശ​ന​മില്ലെന്നും ആ​രെ​യും ഇ​വി​ടെനി​ന്നു പു​റ​ത്തു പോ​കാ​ൻ അ​നു​വ​ദി​ക്കു​ക​യി​ല്ലെ​ന്നും ഡ​ൽ​ഹി ഉ​പ​മു​ഖ്യ​മ​ന്ത്രി മ​നീ​ഷ് സി​സോ​ദി​യ പ​റ​ഞ്ഞു. സീ​ൽ ചെ​യ്ത സ്ഥ​ല​ങ്ങ​ളി​ൽ അ​വ​ശ്യവ​സ്തു​ക്ക​ളു​ടെ ല​ഭ്യ​ത സ​ർ​ക്കാ​ർ ഉ​റ​പ്പുവ​രു​ത്തും.

മ​ധു​രപ​ല​ഹാ​ര​ങ്ങ​ൾ​ക്കു പേ​രു കേ​ട്ട ബം​ഗാ​ളി മാ​ർ​ക്ക​റ്റാ​ണ് ഡ​ൽ​ഹി​യി​ൽ അ​ട​ച്ചുപൂ​ട്ടി​യ​വ​യി​ൽ ഏ​റ്റ​വും പ്ര​ധാ​ന​പ്പെ​ട്ട സ്ഥ​ലം. പ്ര​ദേ​ശ​ത്ത് മൂ​ന്നു പേ​ർ​ക്കു കോ​വി​ഡ് സ്ഥി​രീ​ക​രി​ച്ച​തോ​ടെ​യാ​ണ് വീ​ടുവീ​ടാ​ന്ത​രം പ​രി​ശോ​ധ​ന ക​ർ​ശ​ന​മാ​ക്കി​യ​ത്.


അ​തി​നി​ട​യി​ലാ​ണ് ന​ഗ​ര​ത്തി​ലെ പ്ര​മു​ഖ മ​ധു​ര​പ​ല​ഹാ​ര​ക്ക​ട ആ​യം ബം​ഗാ​ളി മാ​ർ​ക്ക​റ്റി​ന്‍റെ മു​ക​ളി​ൽ മു​പ്പ​തോ​ളം തൊ​ഴി​ലാ​ളി​ക​ൾ ഒ​രു ത​ര​ത്തി​ലു​ള്ള ക​രു​ത​ലു​മി​ല്ലാ​തെ വൃ​ത്തി​ഹീ​ന​മാ​യ സാ​ഹ​ച​ര്യ​ത്തി​ൽ ക​ഴി​യു​ന്ന​തു ക​ണ്ടെ​ത്തി​യ​ത്. ബം​ഗാ​ളി മാ​ർ​ക്ക​റ്റി​ലെ 35 തൊ​ഴി​ലാ​ളി​ക​ളാ​ണ് കോ​വി​ഡ് കാ​ല​ത്ത് തീ​ർ​ത്തും അ​പ​ക​ട​ക​ര​മാ​യ സാ​ഹ​ച​ര്യ​ത്തി​ൽ ക​ഴി​ഞ്ഞി​രു​ന്ന​ത്. ഇ​വ​രി​ൽ ര​ണ്ടു പേ​രി​ൽ രോ​ഗ ല​ക്ഷ​ണ​ങ്ങ​ളും ക​ണ്ടെ​ത്തി. അ​തോ​ടെ​യാ​ണ് ബം​ഗാ​ളി മാ​ർ​ക്ക​റ്റ്, ബാ​ബ​ർ റോ​ഡ്, തോ​ഡാ​ർ​മ​ൽ റോ​ഡ്, ബാ​ബ​ർ ലെ​യ്ൻ, സ്കൂ​ൾ ലെ​യ്ൻ എ​ന്നീ പ്ര​ദേ​ശ​ങ്ങ​ൾ സീ​ൽ ചെ​യ്ത​ത്. സം​ഭ​വ​ത്തി​ൽ ബം​ഗാ​ളി പേ​സ്ട്രി ഷോ​പ്പ് ഉ​ട​മ​ക​ൾ​ക്കെ​തി​രേ കേ​സെ​ടു​ത്തി​ട്ടു​ണ്ട്. മാ​ർ​ച്ച് 25നു​ത​ന്നെ ക​ട അ​ട​ച്ചി​രു​ന്നു. പി​ന്നീ​ട് ലോ​ക്ക് ഡൗ​ണ്‍ പ്ര​ഖ്യാ​പി​ച്ച​തോ​ടെ മ​റ്റെ​ങ്ങോ​ട്ടും പോ​കാ​ൻ ക​ഴി​യാ​തെ തൊ​ഴി​ലാ​ളി​ക​ൾ ക​ട​ക​ളി​ൽത​ന്നെ കുടുങ്ങുക​യാ​യി​രു​ന്നെ​ന്നാ​ണ് ക​ട​യു​ട​മ​ക​ൾ പ​റ​യു​ന്ന​ത്. ക​ഴി​ഞ്ഞ ദി​വ​സ​ങ്ങ​ളി​ൽ കൂ​ടു​ത​ൽ കോ​വി​ഡ് കേ​സു​ക​ൾ റി​പ്പോ​ർ​ട്ട് ചെ​യ്ത​തോ​ടെ ഡ​ൽ​ഹി​യി​ൽ പൊ​തു സ്ഥ​ല​ങ്ങ​ളി​ൽ മാ​സ്ക് ധ​രി​ച്ചെ​ത്ത​ണ​മെ​ന്ന​ത് നി​ർ​ബ​ന്ധ​മാ​ക്കി​യി​രു​ന്നു.


സെ​ബി മാ​ത്യു

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.