പ​ത്തു​മാ​സം പ്രാ​യ​മു​ള്ള കു​ഞ്ഞിന് കോവിഡ്
Saturday, March 28, 2020 12:07 AM IST
മം​​​ഗ​​​ളൂ​​​രു: ക​​​ർ​​​ണാ​​​ട​​​ക​​​യി​​​ൽ പ​​​ത്തു​​​മാ​​​സം പ്രാ​​​യ​​​മു​​​ള്ള കു​​​ഞ്ഞി​​​ന് കോ​​​വി​​​ഡ്-19 സ്ഥി​​​രീ​​​ക​​​രി​​​ച്ച​​​ത് ആ​​​ശ​​​ങ്ക പ​​​ര​​​ത്തു​​​ന്നു. ദ​​​ക്ഷി​​​ണ ക​​​ന്ന​​​ഡ ജി​​​ല്ല​​​യി​​​ൽ​​​പ്പെ​​​ട്ട ബ​​​ണ്ട്വാ​​​ൾ താ​​​ലൂ​​​ക്കി​​​ലെ സാ​​​ജി​​​പ​​​നാ​​​ഡു ഗ്രാ​​​മ​​​ത്തി​​​ലെ കു​​​ഞ്ഞി​​​നാ​​​ണു രോ​​​ഗം സ്ഥി​​​രീ​​​ക​​​രി​​​ച്ച​​​ത്. പ​​​നി​​​യും ശ്വാ​​​സ​​​ത​​​ട​​​വും അ​​​നു​​​ഭ​​​വ​​​പ്പെ​​​ട്ട​​​തി​​​നെ​​​ത്തു​​​ട​​​ർ​​​ന്ന് കു​​​ഞ്ഞി​​​നെ സ്വ​​​കാ​​​ര്യ ആ​​​ശു​​​പ​​​ത്രി​​​യി​​​ലെ​​​ത്തി​​​ച്ചി​​​രു​​​ന്നു. ര​​​ക്ത-​​​സ്ര​​​വ സാ​​മ്പി​​​ളു​​​ക​​​ൾ പ​​​രി​​​ശോ​​​ധി​​ച്ച​​പ്പോ​​ഴാ​​ണ് പോ​​​സി​​​റ്റീ​​​വാ​​​ണെ​​​ന്ന് തെ​​​ളി​​​ഞ്ഞ​​ത്.

കു​​​ട്ടി​​​യു​​​ടെ മാ​​​താ​​​പി​​​താ​​​ക്ക​​​ൾ​​​ക്കോ സ​​​ഹോ​​​ദ​​​ര​​​ങ്ങ​​​ൾ​​​ക്കോ കോ​​​വി​​​ഡ് ബാ​​​ധി​​​ച്ചി​​​ട്ടി​​​ല്ലെ​​​ന്നു മാ​​​ത്ര​​​മ​​​ല്ല, ഇ​​​വ​​​രാ​​​രും സ​​​മീ​​​പ​​​കാ​​​ല​​​ത്ത് വി​​​ദേ​​​ശ​​​രാ​​​ജ്യ​​​ങ്ങ​​​ളൊ​​​ന്നും സ​​​ന്ദ​​​ർ​​​ശി​​​ച്ചി​​​ട്ടു​​​മി​​​ല്ല. കു​​​ട്ടി​​​യു​​​ടെ കു​​​ടും​​​ബാം​​​ഗ​​​ങ്ങ​​​ൾ അ​​​ടു​​​ത്ത​​യി​​ടെ ഇ​​​വ​​​രു​​​ടെ കാ​​​സ​​​ർ​​​ഗോ​​​ട്ടു​​​ള്ള ബ​​​ന്ധു​​​വീ​​​ട്ടി​​​ൽ പോ​​​യി​​​രു​​​ന്നു. കു​​​ട്ടി​​​യെ ബ​​​ണ്ട്വാ​​​ളി​​​ലെ ആ​​​ശു​​​പ​​​ത്രി​​​യി​​​ൽ പ്ര​​​വേ​​​ശി​​​പ്പി​​​ച്ചി​​​രി​​​ക്കു​​​ക​​​യാ​​​ണ്. കു​​​ട്ടി ചി​​​കി​​ത്‌സ​​​യോ​​​ടു പ്ര​​​തി​​​ക​​​രി​​​ക്കു​​​ന്നു​​​ണ്ടെ​​​ന്ന് ജി​​​ല്ലാ മെ​​​ഡി​​​ക്ക​​​ൽ ഓ​​​ഫീ​​​സ​​​ർ പ​​​റ​​​ഞ്ഞു. കു​​​ട്ടി​​​യു​​​ടെ മാ​​​താ​​​പി​​​താ​​​ക്ക​​​ൾ ഉ​​ൾ​​പ്പെ​​ടെ ആ​​​റു കു​​​ടും​​​ബാം​​​ഗ​​​ങ്ങ​​​ളെ വീ​​​ട്ടി​​​ൽ സ്വ​​​യം നി​​​രീ​​​ക്ഷ​​​ണ​​​ത്തി​​​ലാ​​​ക്കി​. അ​​​ടു​​​ത്ത ഏ​​​താ​​​നും ബ​​​ന്ധു​​​ക്ക​​​ളോ​​​ടും വീ​​​ട്ടി​​​ൽ നി​​രീ​​ക്ഷ​​ണ​​ത്തി​​​ൽ ക​​​ഴി​​​യാ​​​ൻ നി​​​ർ​​​ദേ​​​ശി​​​ച്ചി​​​ട്ടു​​​ണ്ട്. സാ​​​ജി​​​പ​​​നാ​​​ഡു ഗ്രാ​​​മം ക്വാ​​​റ​​​ന്‍റൈ​​​ൻ ചെ​​​യ്തി​​​രി​​​ക്കു​​​ക​​​യാ​​​ണ്. ഗ്രാ​​​മ​​​ത്തി​​​ലേ​​​ക്കു​​​ള്ള സ​​​ന്ദ​​​ർ​​​ശ​​​ന​​​വും ഗ്രാ​​​മ​​​വാ​​​സി​​​ക​​​ൾ പു​​​റ​​​ത്തു​​​പോ​​​കു​​​ന്ന​​​തും ക​​​ർ​​​ശ​​​ന​​​മാ​​​യി നി​​​രോ​​​ധി​​​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.