നിർഭയ: തിരുത്തൽ ഹർജിയും ദയാഹർജിയുമായി വീണ്ടും പ്രതികൾ
Thursday, January 30, 2020 12:11 AM IST
ന്യൂ​ഡ​ൽ​ഹി: ദ​യാ​ഹ​ർ​ജി വേ​ഗ​ത്തി​ൽ തീ​ർ​പ്പാ​ക്കി​യ രാഷ്‌ട്രപ​തി​യു​ടെ ന​ട​പ​ടി​ക്കെ​തി​രേ നി​ർ​ഭ​യ കേ​സി​ലെ പ്ര​തി മു​കേ​ഷ് സിം​ഗ് ന​ൽ​കി​യ ഹ​ർ​ജി സു​പ്രീം കോ​ട​തി ത​ള്ളി. രാഷ്‌ട്രപ​തി​യു​ടെ തീ​രു​മാ​ന​ത്തി​ൽ കോ​ട​തി​ക്ക് ഇ​ട​പെ​ടാ​നാ​വി​ല്ലെ​ന്നു ചൂ​ണ്ടി​ക്കാ​ട്ടി​യാ​ണ് ജ​സ്റ്റീ​സ് ആ​ർ. ഭാ​നു​മ​തി അ​ധ്യ​ക്ഷ​യാ​യ മൂ​ന്നം​ഗ ബെ​ഞ്ച് പ്ര​തി​യു​ടെ ഹ​ർ​ജി ത​ള്ളി​യ​ത്.

ഇ​തി​നു പി​ന്നാ​ലെ കേ​സി​ലെ മ​റ്റൊ​രു പ്ര​തി അ​ക്ഷ​യ് സിം​ഗ് വ​ധ​ശി​ക്ഷ ശ​രി​വ​ച്ച വി​ധി​ക്കെ​തി​രേ തി​രു​ത്ത​ൽ ഹ​ർ​ജി ഫ​യ​ൽ ചെ​യ്തു. ഹ​ർ​ജി ഇ​ന്നു കോ​ട​തി പ​രി​ഗ​ണി​ക്കും. അ​തേ​സ​മ​യം, വ​ധ​ശി​ക്ഷ റ​ദ്ദാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് പ്ര​തി​യാ​യ വി​ന​യ് ശ​ർ​മ​യും ദ​യാ​ഹ​ർ​ജി​യു​മാ​യി രാഷ്‌ട്രപ​തി​​യെ സ​മീ​പി​ച്ചു.

നി​ർ​ഭ​യ കേ​സി​ൽ നാ​ലു പ്ര​തി​ക​ളെ​യും വ​ധ​ശി​ക്ഷ​യ്ക്കു വി​ധേ​യ​രാ​ക്കു​ന്ന​തി​നാ​യി ഫെ​ബ്രു​വ​രി ഒ​ന്നി​നു മ​ര​ണ വാ​റ​ണ്ട് പു​റ​പ്പെ​ടു​വി​ച്ചി​രു​ന്നു. ഇ​തി​നു പി​ന്നാ​ലെ​യാ​ണ് മു​കേ​ഷ് സിം​ഗ് വീ​ണ്ടും സു​പ്രീം കോ​ട​തി​യി​ൽ ഹ​ർ​ജി ന​ൽ​കി​യ​ത്. താ​ൻ ന​ൽ​കി​യ ദ​യാ​ഹ​ർ​ജി​ക്കൊ​പ്പം എ​ല്ലാ രേ​ഖ​ക​ളും രാഷ്‌ട്രപ​തി​ക്കു സ​മ​ർ​പ്പി​ക്ക​പ്പെ​ട്ടി​ല്ലെ​ന്നും തി​ഹാ​ർ ജ​യി​ല​ധി​കൃ​ത​ർ ന​ൽ​കി​യ രേ​ഖ​ക​ൾ മാ​ത്രം പ​രി​ശോ​ധി​ച്ച് തി​ടു​ക്ക​ത്തി​ൽ ദ​യാ​ഹ​ർ​ജി ത​ള്ളു​ക​യാ​യി​രു​ന്നെ​ന്നു​മാ​യി​രു​ന്നു മു​കേ​ഷ് സിം​ഗി​ന്‍റെ വാ​ദം.

ച​ട്ട​ങ്ങ​ൾ ലം​ഘി​ച്ച് ത​ന്നെ ഏ​കാ​ന്ത ത​ട​വി​ൽ പാ​ർ​പ്പി​ച്ചി​രി​ക്കു​ക​യാ​ണെ​ന്നും ജ​യി​ലി​നു​ള്ളി​ൽ ലൈം​ഗി​ക പീ​ഡ​നം നേ​രി​ടു​ക​യാ​ണെ​ന്നും മു​കേ​ഷി​ന്‍റെ അ​ഭി​ഭാ​ഷ​ക വാ​ദി​ച്ചെ​ങ്കി​ലും ഇ​വ​യൊ​ന്നും ദ​യാ​ഹ​ർ​ജി അ​നു​വ​ദി​ക്കാ​നു​ള്ള കാ​ര​ണ​മ​ല്ലെ​ന്നു സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത ചൂ​ണ്ടി​ക്കാ​ട്ടി​യി​രു​ന്നു. എ​ല്ലാ രേ​ഖ​ക​ളും രാഷ്‌ട്രപ​തി​ പ​രി​ഗ​ണി​ച്ച​താ​ണെ​ന്നും കേ​സി​ലെ രേ​ഖ​ക​ൾ മാ​ത്ര​മ​ല്ല, കോ​ട​തി വി​ധി​ക​ളും കേ​ന്ദ്ര ആ​ഭ്യ​ന്ത​ര മ​ന്ത്രാ​ല​യം രാഷ്‌ട്രപ​തി​ക്ക് കൈ​മാ​റി​യി​രു​ന്ന​താ​ണെ​ന്നും ഹ​ർ​ജി ത​ള്ളി​ക്കൊ​ണ്ട് മൂ​ന്നം​ഗ ബെ​ഞ്ച് വ്യ​ക്ത​മാ​ക്കി.


അ​തേ​സ​മ​യം, വ​ധ​ശി​ക്ഷ ശ​രി​വ​ച്ചു കൊ​ണ്ടു​ള്ള സു​പ്രീം കോ​ട​തി ഉ​ത്ത​ര​വി​ലാ​ണ് പ്ര​തി​യാ​യ അ​ക്ഷ​യ് സിം​ഗ് തി​രു​ത്ത​ൽ ഹ​ർ​ജി സ​മ​ർ​പ്പി​ച്ചി​രി​ക്കു​ന്ന​ത്. ഹ​ർ​ജി ഇ​ന്ന് ഉ​ച്ച​യ്ക്ക് ജ​സ്റ്റീ​സ് എ​ൻ.​വി. ര​മ​ണ അ​ധ്യ​ക്ഷ​നാ​യ അ​ഞ്ചം​ഗ ബെ​ഞ്ച് പ​രി​ഗ​ണി​ക്കും. നേ​ര​ത്തെ ജ​നു​വ​രി 22നു ​മ​ര​ണ​വാ​റ​ണ്ട് പു​റ​പ്പെ​ടു​വി​ച്ചി​രു​ന്നെ​ങ്കി​ലും മു​കേ​ഷ് സിം​ഗ് ദ​യാ​ഹ​ർ​ജി ന​ൽ​കി​യ​തി​ന്‍റെ അ​ടി​സ്ഥാ​ന​ത്തി​ൽ ഫെ​ബ്രു​വ​രി ഒ​ന്നി​നു ശി​ക്ഷ ന​ട​പ്പി​ലാ​ക്കു​ന്ന​തി​നാ​യി മാ​റ്റി നി​ശ്ച​യി​ക്കു​ക​യാ​യി​രു​ന്നു.

പ്ര​തി​ക​ളി​ലാ​രെ​ങ്കി​ലും തി​രു​ത്ത​ൽ ഹ​ർ​ജി​യോ ദ​യാ​ഹ​ർ​ജി​യോ ന​ൽ​കി​യാ​ൽ മ​ര​ണ​വാ​റ​ണ്ട് റ​ദ്ദാ​ക്ക​പ്പെ​ടു​ക​യും ദ​യാ​ഹ​ർ​ജി ത​ള്ളി​യാ​ൽ 14 ദി​വ​സ​ത്തെ നി​യ​മ​പ​ര​മാ​യ ന​ട​പ​ടി​ക​ൾ​ക്ക് അ​വ​സ​ര​ങ്ങ​ൾ ന​ൽ​കു​ക​യും വേ​ണ​മെ​ന്നാ​ണ് ച​ട്ടം. വി​ന​യ് ശ​ർ​മ ദ​യാ​ഹ​ർ​ജി ന​ൽ​കി​യ​തി​ന്‍റെ പ​ശ്ചാ​ത്ത​ല​ത്തി​ൽ വ​ധ​ശി​ക്ഷ ന​ട​പ്പി​ലാ​ക്കു​ന്ന​ത് ഇ​തി​ന്‍റെ ന​ട​പ​ടി​ക​ൾ​ക്ക് അ​നു​സൃ​ത​മാ​യി​ട്ടാ​വും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.