National News
ഉന്നാവോ സംഭവത്തിൽ യുപി മുഖ്യനെതിരേ രൂക്ഷവിമർശനവുമായി പ്രിയങ്ക
ഉന്നാവോ സംഭവത്തിൽ യുപി മുഖ്യനെതിരേ രൂക്ഷവിമർശനവുമായി പ്രിയങ്ക
Sunday, December 8, 2019 12:15 AM IST
ന്യൂ​ഡ​ൽ​ഹി: ഉ​ത്ത​ർ​പ്ര​ദേ​ശി​ലെ ഉ​ന്നാ​വി​ൽ കൂ​ട്ട മാ​ന​ഭം​ഗ​ത്തി​നി​ര​യാ​യ കു​ട്ടി​യെ തീ ​കൊ​ളു​ത്തി കൊ​ല​പ്പെ​ടു​ത്തി​യ സം​ഭ​വ​ത്തി​ൽ മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥി​ന് എ​തി​രേ രൂ​ക്ഷ വി​മ​ർ​ശ​ന​വു​മാ​യി എ​ഐ​സി​സി ജ​ന​റ​ൽ സെ​ക്ര​ട്ട​റി പ്രി​യ​ങ്ക ഗാ​ന്ധി.

രാ​ജ്യ​ത്ത് സ്ത്രീ​ക​ൾ​ക്ക് എ​തി​രേ ഏ​റ്റ​വും അ​ധി​കം അ​തി​ക്ര​മം ന​ട​ക്കു​ന്ന​ത് ഉ​ത്ത​ർ​പ്ര​ദേ​ശി​ലാ​ണ്. അ​ക്ര​മ​ത്തി​ന്‍റെ ഉ​ത്ത​ര​വാ​ദി​ത്തം മു​ഖ്യ​മ​ന്ത്രി യോ​ഗി ആ​ദി​ത്യ​നാ​ഥ് ഏ​റ്റെ​ടു​ക്ക​ണം. മാ​ന​ഭം​ഗ​ത്തി​ന് ഇ​ര​യാ​യാ​ൽ പി​ന്നെ ഉ​ത്ത​ർ​പ്ര​ദേ​ശി​ൽ ജീ​വി​ക്കു​ക ദു​ഷ്ക​ര​മാ​ണ്. ഇ​ര​യെ സം​ര​ക്ഷി​ക്കാ​ൻ മു​ഖ്യ​മ​ന്ത്രി എ​ന്തു ചെ​യ്തു​വെ​ന്നും പ്രി​യ​ങ്ക ചോ​ദി​ച്ചു.

യു​പി സ​ർ​ക്കാ​ർ കു​റ്റ​വാ​ളി​ക​ളെ സം​ര​ക്ഷി​ക്കു​ക​യാ​ണ്. 11 മാ​സ​ത്തി​നു​ള്ളി​ൽ 90 മാ​ന​ഭം​ഗ കേ​സു​ക​ളാ​ണ് ഉ​ന്നാ​വോ ജി​ല്ല​യി​ൽ മാ​ത്രം റി​പ്പോ​ർ​ട്ട് ചെ​യ്തി​ട്ടു​ള്ള​ത്. സം​സ്ഥാ​ന​ത്തെ ക്ര​മ​സ​മാ​ധ​നം നി​ല​നി​ർ​ത്തു​ക എ​ന്ന​തു സം​സ്ഥാ​ന സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്ത​മാ​ണ്. യു​പി​യി​ലെ മെ​യി​ൻ​പു​രി​യി​ലെ​യും സ​ന്പ​ലി​ലെ​യും അ​വ​സ്ഥ ഭ​യാ​ന​ക​മാ​ണ്. സ്ത്രീ​ക​ൾ​ക്കു നേ​രെ​യു​ള്ള അ​തി​ക്ര​മ​ങ്ങ​ൾ ഓ​രോ ദി​വ​സ​വും വ​ർ​ധി​ച്ചു വ​രി​ക​യാ​ണ്. ഇ​തു ത​ട​യാ​ൻ സ​ർ​ക്കാ​രി​ന്‍റെ ഭാ​ഗ​ത്തു നി​ന്നു യാ​തൊ​രു ശ്ര​മ​വും ഉ​ണ്ടാ​കു​ന്നി​ല്ല എ​ന്ന​തു ഖേ​ദ​ക​ര​മാ​ണ്. മാ​ത്ര​മ​ല്ല, കു​റ്റ​വാ​ളി​ക​ളെ സം​ര​ക്ഷി​ക്കു​ന്ന തി​ര​ക്കി​ലാ​ണ് സ​ർ​ക്കാ​ർ. സ്ത്രീ​ക​ൾ​ക്കെ​തി​രാ​യ ആ​ക്ര​മ​ങ്ങ​ൾ​ക്ക് യോ​ഗി ആ​ദി​ത്യ​നാ​ഥി​ന്‍റെ സ​ർ​ക്കാ​ർ കൂ​ട്ടു​നി​ൽ​ക്കു​ക​യാ​ണെ​ന്നും പ്രി​യ​ങ്ക പ​റ​ഞ്ഞു.


ഉ​ന്നാ​വോയി​ലെ മാ​ന​ഭം​ഗ കേ​സി​ൽ എ​ഫ്ഐ​ആ​ർ ര​ജി​സ്റ്റ​ർ ചെ​യ്യാ​ൻ യു​പി പോ​ലീ​സ് നാ​ലു​മാ​സം സ​മ​യ​മെ​ടു​ത്തു. ക​ഴി​ഞ്ഞ കു​റ​ച്ചു മാ​സ​മാ​യി കേ​സി​ലെ പ്ര​ധാ​ന​പ്ര​തി ജാ​മ്യ​ത്തി​ലാ​ണ്. നി​ർ​ഭ​യ കേ​സി​നു​ശേ​ഷം ബ​ലാ​ത്സം​ഗ​ക്കേ​സി​ലെ പ്ര​തി​ക​ൾ​ക്കു ശ​ക്ത​മാ​യ ശി​ക്ഷ ന​ൽ​കു​ന്ന​തി​നു​ള്ള നി​യ​മം വ​ന്നെ​ങ്കി​ലും അ​ത് ന​ട​പ്പാ​കു​ന്നി​ല്ലെ​ന്നും പ്രി​യ​ങ്ക ആ​രോ​പി​ച്ചു.

ഹൈ​ദ​രാ​ബാ​ദി​ൽ വെ​റ്റ​റി​ന​റി ഡോ​ക്ട​റെ ബ​ലാ​ത്സം​ഗം ചെ​യ്തു തീ​കൊ​ളു​ത്തി കൊ​ല​പ്പെ​ടു​ത്തി​യ കേ​സി​ലെ പ്ര​തി​ക​ളെ വെ​ടി​വ​ച്ചു കൊ​ന്ന പൊ​ലീ​സ് ന​ട​പ​ടി ശ​രി​യോ തെ​റ്റോ എ​ന്ന് ഇ​പ്പോ​ൾ പ​റ​യാ​നാ​കി​ല്ല. പ​ക്ഷേ, സ്ത്രീ​ക​ളു​ടെ സു​ര​ക്ഷ ഉ​റ​പ്പു​വ​രു​ത്തു​ക എ​ന്ന​ത് സ​ർ​ക്കാ​രി​ന്‍റെ ഉ​ത്ത​ര​വാ​ദി​ത്ത​മാ​ണ്. സം​സ്ഥാ​ന​ത്തി​ന്‍റെ ക്ര​മ​സ​മാ​ധാ​ന​നി​ല പ​രി​പാ​ലി​ക്കു​ക എ​ന്ന​ത് സ​ർ​ക്കാ​രു​ക​ളു​ടെ ഉ​ത്ത​ര​വാ​ദി​ത്ത​മാ​ണെ​ന്നും പ്രി​യ​ങ്ക ചൂ​ണ്ടി​ക്കാ​ട്ടി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.