630 കോടിയുടെ അഴിമതി: മുൻ ത്രിപുര മന്ത്രിയും സിപിഎം കേന്ദ്ര കമ്മിറ്റി അംഗവുമായ ബാദൽ ചൗധരി അറസ്റ്റിൽ : Deepika.com National News |

Click here for detailed news of all items

630 കോടിയുടെ അഴിമതി: മുൻ ത്രിപുര മന്ത്രിയും സിപിഎം കേന്ദ്ര കമ്മിറ്റി അംഗവുമായ ബാദൽ ചൗധരി അറസ്റ്റിൽ

Wednesday, October 23, 2019 12:29 AM IST

അഗർത്തല: 630 കോടി രൂപയുടെ അഴിമതിയുമായി ബന്ധപ്പെട്ട് മുൻ ത്രിപുര പൊതുമരാമത്ത് മന്ത്രി ബാദൽ ചൗധരിയെ അറസ്റ്റ് ചെയ്തു. സിപിഎം കേന്ദ്ര കമ്മിറ്റി അംഗമാണ് ഇദ്ദേഹം. തിങ്കളാഴ്ച രാത്രിയാണു ചൗധരിയെ അറസ്റ്റ് ചെയ്തത്. കീഴ്ക്കോടതി മുൻകൂർ ജാമ്യം നിഷേധിച്ചതിനെത്തുടർന്ന് ഇദ്ദേഹം ഒളിവിലായിരുന്നു. ആശുപത്രിയിൽ ചികിത്സയിലായിരുന്ന ചൗധരിയെ പോലീസ് അറസ്റ്റ് ചെയ്യുകയായിരുന്നുവെന്നും രോഗം ഭേദമാകുന്പോൾ കസ്റ്റഡിയിലെടുക്കുമെന്നും വെസ്റ്റ് ത്രിപുര എസ്പി മണിക് ദാസ് പറഞ്ഞു.

അതേസമയം, ബാദൽ ചൗധരിയുടെ ആരോഗ്യനില ഗുരുതരമാണെന്ന് ആശുപത്രിവൃത്തങ്ങൾ അറിയിച്ചു. മുൻ ത്രിപുര മുഖ്യമന്ത്രി മണിക് സർക്കാരും സിപിഎം സംസ്ഥാന സെക്രട്ടറി ഗൗതം ദാസും തിങ്കളാഴ്ച രാത്രി ആശുപത്രിയിലെത്തി ചൗധരിയെ സന്ദർശിച്ചിരുന്നു. അഴിമതിക്കേസിൽ മുൻ പൊതുമരാമത്ത് ചീഫ് എൻജിനിയർ സുനിൽ ഭൗമിക്കിനെ അറസ്റ്റ് ചെയ്തിരുന്നു. മുൻ ചീഫ് സെക്രട്ടറി യശ്പാൽ സിംഗിനെതിരേ അറസ്റ്റ് വാറന്‍റ് പുറപ്പെടുവിച്ചിട്ടുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.