സമൂഹമാധ്യമങ്ങൾ ആധാറുമായി ബന്ധിപ്പിക്കൽ: നിലപാട് അറിയിക്കണമെന്ന് സുപ്രീംകോടതി
Saturday, September 14, 2019 12:19 AM IST
ന്യൂ​ഡ​ൽ​ഹി: സ​മൂ​ഹ മാ​ധ്യ​മ​ങ്ങ​ളി​ലെ അ​ക്കൗ​ണ്ടു​ക​ൾ ആ​ധാ​റു​മാ​യി ബ​ന്ധി​പ്പി​ക്കു​ന്ന​തി​നു എ​ന്തെ​ങ്കി​ലും പ​ദ്ധ​തി​യോ നി​യ​മ​മോ ത​യാ​റാ​ക്കു​ന്നു​ണ്ടോ​യെ​ന്ന് അ​റി​യി​ക്കാ​ൻ കേ​ന്ദ്ര​ത്തി​നു സു​പ്രീം കോ​ട​തി​യു​ടെ നി​ർ​ദേ​ശം.

ഇ​തു​മാ​യി ബ​ന്ധ​പ്പെ​ട്ട് മ​ദ്രാ​സ്, ബോംബെ, മ​ധ്യ​പ്ര​ദേ​ശ് ഹൈ​ക്കോ​ട​തി​ക​ളി​ലു​ള്ള കേ​സു​ക​ൾ സു​പ്രീം കോ​ട​തി​യി​ലേ​ക്കു മാ​റ്റ​ണ​മെ​ന്ന ഫേ​സ്ബു​ക്കി​ന്‍റെ ആ​വ​ശ്യ​ത്തി​ൽ തീ​രു​മാ​ന​മെ​ടു​ക്കു​ന്ന​തി​നു മു​ന്നോ​ടി​യാ​യാ​ണ് ജ​സ്റ്റീ​സ് ദീ​പ​ക് ഗു​പ്ത അ​ധ്യ​ക്ഷ​നാ​യ ബെ​ഞ്ച് ഇ​ക്കാ​ര്യം ആ​രാ​ഞ്ഞ​ത്. ഇ​ക്കാ​ര്യ​ത്തി​ൽ സ​മീ​പ ഭാ​വി​യി​ലേ​ക്ക് എ​ന്തെ​ങ്കി​ലും പ​ദ്ധ​തി​യു​ണ്ടെ​ങ്കി​ൽ അ​ത് അ​റി​യി​ക്കാ​ൻ നി​ർ​ദേ​ശി​ച്ച കോ​ട​തി, കേ​സ് പ​രി​ഗ​ണി​ക്കു​ന്ന​ത് സെ​പ്റ്റം​ബ​ർ 24ലേ​ക്കു മാ​റ്റി. സ​മൂ​ഹ മാ​ധ്യ​മ​ങ്ങ​ളി​ലെ അ​ക്കൗ​ണ്ടു​ക​ൾ ആ​ധാ​റു​മാ​യി ബ​ന്ധി​പ്പി​ക്ക​ണ​മെ​ന്ന ത​മി​ഴ്നാ​ട് സ​ർ​ക്കാ​രി​ന്‍റെ ആ​വ​ശ്യ​ത്തെ പി​ന്തു​ണ​യ്ക്കു​ന്നു​ണ്ടെ​ങ്കി​ലും ഇ​ക്കാ​ര്യ​ത്തി​ൽ എ​ന്തെ​ങ്കി​ലും പ​ദ്ധ​തി​യു​ള്ള​താ​യി കേ​ന്ദ്രം അ​റി​യി​ച്ചി​ട്ടി​ല്ല.

ഈ ​സാ​ഹ​ച​ര്യ​ത്തി​ലാ​ണ് കേ​ന്ദ്ര​ത്തി​ന്‍റെ നി​ല​പാ​ട് കോ​ട​തി ചോ​ദി​ച്ച​ത്. ആ​ധാ​റു​മാ​യി ബ​ന്ധി​പ്പി​ക്ക​ണ​മെ​ന്ന ആ​വ​ശ്യ​ത്തി​ലേ​ക്കു ത​ങ്ങ​ൾ ക​ട​ന്നി​ട്ടി​ല്ലെ​ന്നു വ്യ​ക്ത​മാ​ക്കി​യ ജ​സ്റ്റീ​സു​മാ​രാ​യ ദീ​പ​ക് ഗു​പ്ത​യും അ​നി​രു​ദ്ധ ബോ​സും, കേ​ന്ദ്രം ഇ​ക്കാ​ര്യ​ത്തി​ൽ സ​മീ​പ ഭാ​വി​യി​ൽ എ​ന്തെ​ങ്കി​ലും പ​ദ്ധ​തി​യോ നി​യ​മ​മോ ത​യാ​റാ​ക്കി​യാ​ൽ അ​തി​ൽ ത​ങ്ങ​ളു​ടെ ഉ​ത്ത​ര​വ് ബാ​ധ​ക​മാ​കു​മെ​ന്നും അ​റി​യി​ച്ചു.


അ​തേ​സ​മ​യം, ഇ​ക്കാ​ര്യ​ത്തി​ൽ സു​പ്രീം കോ​ട​തി ത​ന്നെ തീ​രു​മാ​ന​മെ​ടു​ക്ക​ട്ടെ​യെ​ന്ന നി​ല​പാ​ടാ​ണ് സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത​യും ഫേ​സ്ബു​ക്കി​ന്‍റെ അ​ഭി​ഭാ​ഷ​ക​രും വ്യ​ക്ത​മാ​ക്കി​യ​ത്. ഹൈ​ക്കോ​ട​തി​ക​ൾ വി​വി​ധ രീ​തി​യി​ൽ പ​രി​ശോ​ധി​ച്ചാ​ൽ ന​ട​പ​ടി​ക​ൾ നീ​ളു​മെ​ന്നും ഇ​രു​ക​ക്ഷി​ക​ളും വ്യ​ക്ത​മാ​ക്കി. സ​മൂ​ഹ മാ​ധ്യ​മ​ങ്ങ​ൾ​ക്ക് ആ​ധാ​ർ ബ​ന്ധി​പ്പി​ക്ക​ൽ നി​ർ​ബ​ന്ധ​മാ​ക്കി​യാ​ൽ സ്വ​കാ​ര്യ​ത​യെ ബാ​ധി​ക്കു​മെ​ന്ന സു​പ്രീം കോ​ട​തി ഉ​ത്ത​ര​വ് ലം​ഘി​ക്ക​പ്പെ​ടു​മെ​ന്ന് ഫേ​സ്ബു​ക്കും ചൂ​ണ്ടി​ക്കാ​ട്ടി.

എ​ന്നാ​ൽ, സ​മൂ​ഹ മാ​ധ്യ​മ​ങ്ങ​ളി​ലു​ള്ള അ​ശ്ലീ​ല​ങ്ങ​ളും അ​പ​കീ​ർ​ത്തി​പ​ര​വു​മാ​യ ഘ​ട​ക​ങ്ങ​ൾ ഉ​ൾ​പ്പെ​ടു​ത്തു​ന്ന​ത് നി​യ​ന്ത്രി​ക്കു​ന്ന​തി​നും ഭീ​ക​ര​വാ​ദ പ്ര​വ​ർ​ത്ത​ന​ങ്ങ​ൾ, വ്യാ​ജ വാ​ർ​ത്ത തു​ട​ങ്ങി​യ​വ ക​ണ്ടെ​ത്തു​ന്ന​തി​നും അ​ക്കൗ​ണ്ടു​ക​ൾ ആ​ധാ​റു​മാ​യി ബ​ന്ധി​പ്പി​ക്ക​ണ​മെ​ന്നാ​ണ് ത​മി​ഴ്നാ​ട് സ​ർ​ക്കാ​രി​ന്‍റെ വാ​ദം.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.