National News
എൻഐഎ ഭേദഗതി ബിൽ ഇരുസഭകളും പാസാക്കി
എൻഐഎ ഭേദഗതി ബിൽ ഇരുസഭകളും പാസാക്കി
Thursday, July 18, 2019 12:45 AM IST
ന്യൂ​ഡ​ൽ​ഹി: ദേ​ശീ​യ അ​ന്വേ​ഷ​ണ ഏ​ജ​ൻ​സി​ക്ക് (എ​ൻ​ഐ​എ) വി​പു​ല​മാ​യ അ​ധി​കാ​ര​ങ്ങ​ൾ ന​ൽ​കു​ന്ന ഭേ​ദ​ഗ​തി ബി​ൽ ലോ​ക്സ​ഭ​യ്ക്കു പി​ന്നാ​ലെ രാ​ജ്യ​സ​ഭ​യും പാ​സാ​ക്കി. ഇ​തോ​ടെ രാ​ഷ്ട്ര​പ​തി​യു​ടെ അം​ഗീ​കാ​ര​ത്തോ​ടെ പു​തി​യ ഭേ​ദ​ഗ​തി​ക​ൾ നി​യ​മ​മാ​കും.

ദേ​ശീ​യ അ​ന്വേ​ഷ​ണ ഏ​ജ​ൻ​സി​യെ ശ​ക്തി​പ്പെ​ടു​ത്തു​ന്പോ​ഴും പോ​ലീ​സിം​ഗി​നു​ള്ള സം​സ്ഥാ​ന​ങ്ങ​ളു​ടെ അ​ധി​കാ​ര​ത്തി​ൽ കൈ​ക​ട​ത്ത​രു​തെ​ന്ന് കോ​ണ്‍ഗ്ര​സ്, തൃ​ണ​മൂ​ൽ, സി​പി​എം തു​ട​ങ്ങി​യ പ്ര​തി​പ​ക്ഷ പാ​ർ​ട്ടി​ക​ൾ മു​ന്ന​റി​യി​പ്പു ന​ൽ​കി.

ഭീ​ക​രാ​ക്ര​മ​ണ കേ​സു​ക​ളി​ൽ അ​ട​ക്കം എ​ൻ​ഐ​എ​യെ സ​ഹാ​യി​ക്കാ​ൻ സം​സ്ഥാ​ന പോ​ലീ​സി​നെ അ​നു​വ​ദി​ക്ക​ണം. എ​ൻ​ഐ​എ​യും ഒ​രു പോ​ലീ​സ് ഏ​ജ​ൻ​സി​യാ​ണ്. അ​തി​നാ​ൽ എ​ൻ​ഐ​എ ഭേ​ദ​ഗ​തി​ക​ൾ ഒ​രി​ക്ക​ൽ കോ​ട​തി റ​ദ്ദാ​ക്കു​ന്ന സ്ഥി​തി ഉ​ണ്ടാ​ക​രു​തെ​ന്നും പ്ര​മു​ഖ അ​ഭി​ഭാഷ​ക​ൻ കൂ​ടി​യാ​യ കോ​ണ്‍ഗ്ര​സ് നേ​താ​വ് വി​വേ​ക് ത​ൻ​ഖ പ​റ​ഞ്ഞു. ഭീ​ക​ര​വി​രു​ദ്ധ ഏ​ജ​ൻ​സി​യാ​യി തു​ട​ങ്ങി​യ എ​ൻ​ഐ​എ​യെ മ​റ്റു ചു​മ​ത​ല​ക​ളി​ലേ​ക്കു വ​ഴി​തി​രി​ച്ചു​വി​ട്ടു ദു​ർ​ബ​ല​പ്പെ​ടു​ത്ത​രു​തെ​ന്നു കോ​ണ്‍ഗ്ര​സ് നേ​താ​വ് മ​നു അ​ഭി​ഷേ​ക് സിം​ഗ്‌​വി പ​റ​ഞ്ഞു.

സൈ​ബ​ർ കു​റ്റ​കൃ​ത്യ​ങ്ങൾ, മ​നു​ഷ്യ​ക്ക​ട​ത്ത്, വി​ദേ​ശ മ​ണ്ണി​ൽ ഇ​ന്ത്യ​ക്കാ​ർ​ക്കും ഇ​ന്ത്യ​ൻ സ്ഥാ​പ​ന​ങ്ങ​ൾ​ക്കു​മെ​തി​രേ​യു​ള്ള ഭീ​ക​രാ​ക്ര​മ​ണ​ങ്ങ​ളും അ​ന്വേ​ഷി​ക്കാ​ൻ എ​ൻ​ഐ​എ​ക്കു അ​ധി​കാ​രം ന​ൽ​കു​ന്ന​താ​ണ് ബി​ൽ. രാ​ഷ്‌ട്രീയ​ത്തി​നു വേ​ണ്ടി എ​ൻ​ഐ​എ​യെ ശ​ക്തി​പ്പെ​ടു​ത്താ​നു​ള്ള ന​ട​പ​ടി​ക​ളെ എ​തി​ർ​ക്ക​രു​തെ​ന്നും ദേ​ശീ​യ ഏ​ജ​ൻ​സി​യെ മോ​ദി സ​ർ​ക്കാ​ർ ദു​രു​പ​യോ​ഗി​ക്കി​ല്ലെ​ന്നും ആ​ഭ്യ​ന്ത​ര​മ​ന്ത്രി അ​മി​ത് ഷാ ​പ​റ​ഞ്ഞു. ഭീ​ക​ര​വാ​ദം തു​ട​ച്ചു​നീ​ക്കാ​ൻ ബി​ൽ സ​ഹാ​യി​ക്കു​മെ​ന്നും മ​ന്ത്രി അ​വ​കാ​ശ​പ്പെ​ട്ടു.


എ​ൻ​ഐ​എ ഭേ​ദ​ഗ​തി ബി​ല്ലി​നെ ലോ​ക്സ​ഭ​യ്ക്കു പി​ന്നാ​ലെ രാ​ജ്യ​സ​ഭ​യി​ലും കോ​ണ്‍ഗ്ര​സ് പി​ന്തു​ണ​ച്ചു. ദു​രു​പ​യോ​ഗി​ക്കാ​ൻ സാ​ധ്യ​ത​യു​ള്ള വി​വാ​ദ ബി​ല്ലി​നെ പി​ന്തു​ണ​ച്ചു വോ​ട്ടു ചെ​യ്യ​രു​തെ​ന്ന് സോ​ണി​യാ ഗാ​ന്ധി​യു​ടെ അ​ധ്യ​ക്ഷ​ത​യി​ൽ ന​ട​ന്ന കൂ​ടി​യാ​ലോ​ച​ന​യി​ൽ കോ​ണ്‍ഗ്ര​സ് എം​പി​മാ​രാ​യ കെ. ​മു​ര​ളീ​ധ​ര​ൻ, ബെ​ന്നി ബ​ഹ​നാ​ൻ തു​ട​ങ്ങി​യ​വ​ർ ചൂ​ണ്ടി​ക്കാ​ട്ടി​യി​രു​ന്നു. എ​ന്നാ​ൽ ദേ​ശീ​യ വി​ഷ​യ​ങ്ങ​ളി​ൽ ദേ​ശീ​യ​മാ​യി ചി​ന്തി​ക്ക​ണ​മെ​ന്ന കോ​ണ്‍ഗ്ര​സ് നേ​താ​വ് അ​ധീ​ർ ര​ഞ്ജ​ൻ ചൗ​ധ​രി​യു​ടെ വാ​ദ​മാ​ണ് അം​ഗീ​ക​രി​ക്ക​പ്പെ​ട്ട​ത്.

ഇ​തേ തു​ട​ർ​ന്ന് മു​ര​ളീ​ധ​ര​ൻ, ആ​ന്‍റോ ആ​ന്‍റ​ണി, എം.​കെ. രാ​ഘ​വ​ൻ തു​ട​ങ്ങി​യ​വ​ർ വോ​ട്ടെ​ടു​പ്പി​ൽ നി​ന്നു വി​ട്ടു​നി​ന്നു. മു​സ്ലിം ലീ​ഗ്, കേ​ര​ള കോ​ണ്‍ഗ്ര​സ്-​എം, ആ​ർ​എ​സ്പി എം​പി​മാ​രും വോ​ട്ടെ​ടു​പ്പു ബ​ഹി​ഷ്ക​രി​ച്ചി​രു​ന്നു. ച​ല എ​തി​ർ​പ്പു​ക​ളു​ണ്ടെ​ങ്കി​ലും പാ​ർ​ട്ടി തീ​രു​മാ​നം അ​നു​സ​രി​ച്ചു ബി​ല്ലി​നെ അ​നു​കൂ​ലി​ച്ചു വോ​ട്ടു ചെ​യ്ത​താ​യും ആ​രെ​ങ്കി​ലും വി​ട്ടു​നി​ന്ന​താ​യി അ​റി​യി​ല്ലെ​ന്നു​മാ​ണ് ബെ​ന്നി ബ​ഹ​നാ​ൻ വി​ശ​ദീ​ക​രി​ച്ച​ത്. ലോ​ക്സ​ഭ​യി​ൽ സി​പി​എം, സി​പി​ഐ എം​പി​മാ​ർ ബി​ല്ലി​നെ എ​തി​ർ​ത്തു വോ​ട്ടു ചെ​യ്തെ​ങ്കി​ലും രാ​ജ്യ​സ​ഭ​യി​ൽ ഇ​ന്ന​ലെ അ​തു​ണ്ടാ​യി​ല്ല.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.