National News
അറിയാത്ത ഹിന്ദിയെന്തിന്? അറിയാവുന്ന മലയാളം മതി!
അറിയാത്ത ഹിന്ദിയെന്തിന്? അറിയാവുന്ന മലയാളം മതി!
Tuesday, June 18, 2019 12:49 AM IST
ന്യൂ​ഡ​ൽ​ഹി: കേ​ര​ള​ത്തി​ൽനി​ന്നു​ള്ള എം​പി​മാ​ർ ത​ട്ടി​മു​ട്ടി ഹി​ന്ദി​യി​ൽ സ​ത്യ​പ്ര​തി​ജ്ഞ ചെ​യ്യു​ന്ന​തു വി​ല​ക്കി സോ​ണി​യ ഗാ​ന്ധി. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കു പി​ന്നാ​ലെ സ​ത്യ​പ്ര​തി​ജ്ഞ ചെ​യ്യാ​നെ​ത്തി​യ കൊ​ടി​ക്കു​ന്നി​ൽ സു​രേ​ഷ് എം​പി സ​ത്യ​വാ​ച​കം ചൊ​ല്ലാ​നാ​യി ഹി​ന്ദി തെ​ര​ഞ്ഞെ​ടു​ത്ത​താ​ണു വി​ഷ​യ​മാ​യ​ത്. ഇം​ഗ്ലീ​ഷി​ൽ അ​ച്ച​ടി​ച്ച സ​ത്യ​വാ​ച​കം ലോ​ക്സ​ഭാ സെ​ക്ര​ട്ട​റി ജ​ന​റ​ൽ വ​ച്ചു നീ​ട്ടി​യെ​ങ്കി​ലും ത​നി​ക്കു ഹി​ന്ദി വേ​ണ​മെ​ന്നു പ​റ​ഞ്ഞ കൊ​ടി​ക്കു​ന്നി​ൽ "മേ, ​സു​രേ​ഷ് കൊ​ടി​ക്കു​ന്നി​ൽ..' എ​ന്നു പ​റ​ഞ്ഞു തു​ട​ങ്ങി​യെ​ങ്കി​ലും അ​ദ്ദേ​ഹ​ത്തി​ന്‍റെ ഹി​ന്ദി മ​ല​യാ​ളം പോ​ലെ അ​ത്ര ഒ​ഴു​ക്കു​ള്ള​താ​യി​ല്ല. എ​ങ്കി​ലും കൊ​ടി​ക്കു​ന്നി​ലി​ന്‍റെ ഹി​ന്ദി​ക്ക് ബി​ജെ​പി പ​ക്ഷ​ത്തുനി​ന്നു വ​ൻ കൈ​യ​ടി കി​ട്ടി.

ഒ​ടു​വി​ൽ ഒ​പ്പി​ച്ചു എ​ന്ന നി​ല​യി​ൽ സ​ത്യ​പ്ര​തി​ജ്ഞ പൂ​ർ​ത്തി​യാ​ക്കി പ്രോം ​ടേം സ്പീ​ക്ക​ർ​ക്ക് കൈ​യും കൊ​ടു​ത്തു മ​ട​ങ്ങി​യ കൊ​ടി​ക്കു​ന്നി​ലി​നെ സോ​ണി​യ ഗാ​ന്ധി അ​രി​കി​ലേ​ക്ക് വി​ളി​ച്ചു. എ​ന്‍റെ ഹി​ന്ദി എ​ങ്ങ​നെ​യു​ണ്ട് എ​ന്ന​ങ്ങോ​ട്ടു ചോ​ദി​ക്കു​ന്ന​തി​നു മു​ൻ​പേ "വ​ല്ല കാ​ര്യ​വു​മു​ണ്ടോ... മ​ല​യാ​ള​ത്തി​ൽ പോ​രാ​യി​രു​ന്നോ' എ​ന്നാ​ണ് സോ​ണി​യ തി​രി​ച്ചുചോ​ദി​ച്ച​ത്. കൊ​ടി​ക്കു​ന്നി​ലി​നു പി​ന്നാ​ലെ സ​ത്യ​പ്ര​തി​ജ്ഞ ചെ​യ്ത ഒ​ഡീ​ഷ​യി​ൽനി​ന്നു​ള്ള എം​പി ഭ​ർ​തൃ​ഹ​രി മെ​ഹ്താ​ബ് ത​ന്‍റെ മാ​തൃ​ഭാ​ഷ​യാ​യ ഒ​ഡി​യ​യി​ൽ സ​ത്യവാ​ച​കം ചൊ​ല്ലു​ന്ന​ത് സോ​ണി​യ കൊ​ടി​ക്കു​ന്നി​ലി​നെ ചൂ​ണ്ടി​ക്കാ​ട്ടു​ക​യും ചെ​യ്തു.

തു​ട​ർ​ന്നാ​ണ് കേ​ര​ള​ത്തി​ൽ നി​ന്നു​ള്ള എം​പി​മാ​ർ ഹി​ന്ദി ത​പ്പി​ത്ത​ട​യേ​ണ്ടെ​ന്നും മ​ല​യാ​ള​ത്തി​ലോ ഇം​ഗ്ലീ​ഷി​ലോ സ​ത്യ​വാ​ച​കം ചൊ​ല്ലി​യാ​ൽ മ​തി​യെ​ന്നും സോ​ണി​യ ഗാ​ന്ധി നി​ർ​ദേ​ശി​ച്ച​ത്. അ​തോ​ടെ ഹി​ന്ദി​യി​ൽ സ​ത്യ​പ്ര​തി​ജ്ഞ ചെ​യ്യാ​ൻ ഞാ​യ​റാ​ഴ്ച മു​ത​ൽ ത​യാ​റെ​ടു​പ്പു ന​ട​ത്തി വ​ന്ന രാ​ജ്മോ​ഹ​ൻ ഉ​ണ്ണി​ത്താ​ൻ ഉ​ൾ​പ്പ​ടെ​യു​ള്ള​വ​ർ ഹി​ന്ദി പാ​ഠം അ​ട​ച്ചു​വ​ച്ച് മ​ല​യാ​ള​ത്തി​ലേ​ക്കു ചു​വ​ടുമാ​റി. രാ​ജ്മോ​ഹ​ൻ ഉ​ണ്ണി​ത്താ​നു പു​റ​മേ ത​ന്‍റെ പി​ന്നി​ലി​രു​ന്ന പു​തു​മു​ഖ എം​പി​മാ​രാ​യ ബെ​ന്നി ബ​ഹ​നാ​ൻ, ഹൈ​ബി ഈ​ഡ​ൻ, ടി.​എ​ൻ പ്ര​താ​പ​ൻ, ഡീ​ൻ കു​ര്യാ​ക്കോ​സ്, ര​മ്യ ഹ​രി​ദാ​സ്, വി.​കെ ശ്രീ​ക​ണ്ഠ​ൻ എ​ന്നി​വ​രോ​ടും സ​ത്യ​പ്ര​തി​ജ്ഞ മ​ല​യാ​ള​ത്തി​ൽ മ​തി​യെ​ന്ന് സോ​ണി​യ പ​റ​ഞ്ഞു. മ​ല​യാ​ളി എം​പി​മാ​രു​ടെ ഹി​ന്ദി സ​ത്യ​പ്ര​തി​ജ്ഞ​യെ സോ​ണി​യ ഗാ​ന്ധി ശാ​സി​ച്ചു വി​ല​ക്കി​യെ​ന്ന് സ​ഭ​യ്ക്കു പു​റ​ത്തി​റ​ങ്ങി​യ രാ​ജ്മോ​ഹ​ൻ ഉ​ണ്ണി​ത്താ​ൻ ത​ന്നെ​യാ​ണു പ​റ​ഞ്ഞ​ത്.


കേ​ര​ള​ത്തി​ൽനി​ന്നു കാ​സ​ർ​ഗോഡ് എം​പി​യാ​യ രാ​ജ്മോ​ഹ​ൻ ഉ​ണ്ണി​ത്താ​നാ​ണ് ആ​ദ്യം സ​ത്യ​പ്ര​തി​ജ്ഞ ചെ​യ്ത​ത്. മ​ല​യാ​ള​ത്തി​ലാ​ണ് അ​ദ്ദേ​ഹം സ​ത്യ​വാ​ച​കം ചൊ​ല്ലി​യ​ത്. കെ. ​സു​ധാ​ക​ര​ൻ ആ​ണ് തൊ​ട്ടുപി​ന്നാ​ലെ സ​ത്യ​പ്ര​തി​ജ്ഞ ചെ​യ്ത​ത്. സു​ധാ​ക​ര​ൻ ഇം​ഗ്ലീ​ഷി​ലാ​ണ് സ​ത്യ​വാ​ച​കം ചൊ​ല്ലി​യ​ത്. തു​ട​ർ​ന്ന് സ​ത്യ​പ്ര​തി​ജ്ഞ ചെ​യ്ത കെ. ​മു​ര​ളീ​ധ​ര​നും ഇം​ഗ്ലീ​ഷി​ലാ​ണ് സ​ത്യ​വാ​ച​കം ചൊ​ല്ലി​യ​ത്.

തൊ​ട്ടുപി​ന്നാ​ലെ​യാ​ണ് വ​യ​നാ​ട്ടി​ൽനി​ന്നു​ള്ള എം​പി​യും കോ​ണ്‍ഗ്ര​സ് അ​ധ്യ​ക്ഷ​നു​മാ​യ രാ​ഹു​ൽ ഗാ​ന്ധി സ​ത്യ​പ്ര​തി​ജ്ഞ​യ്ക്കെ​ത്തി​യ​ത്. രാ​ഹു​ൽ ഇം​ഗ്ലീ​ഷി​ലാ​ണ് സ​ത്യ​വാ​ച​കം ചൊ​ല്ലി​യ​ത്. അ​ടു​ത്ത​താ​യി സ​ത്യ​പ്ര​തി​ജ്ഞ ചെ​യ്ത എം.​കെ. രാ​ഘ​വ​ൻ മ​ല​യാ​ള​ത്തി​ലാ​ണ് സ​ത്യ​വാ​ച​കം ചൊ​ല്ലി​യ​ത്. പി.​കെ. കു​ഞ്ഞാ​ലി​ക്കു​ട്ടിയും തു​ട​ർ​ന്നുവ​ന്ന ഇ.​ടി. മു​ഹ​മ്മ​ദ് ബ​ഷീ​റും ഇം​ഗ്ലീഷി​ലാ​ണ് സ​ത്യ​വാ​ച​കം ചൊ​ല്ലി​യ​ത്. വി.​കെ. ശ്രീ​ക​ണ്ഠ​ൻ മ​ല​യാ​ള​ത്തി​ൽ സ​ത്യ​പ്ര​തി​ജ്ഞ ചെ​യ്തു.

തു​ട​ർ​ന്നാ​ണ് പ്ര​തി​പ​ക്ഷ നി​ര​യി​ൽനി​ന്നു കൈ​യ​ടി​ക​ളു​ടെ അ​ക​ന്പ​ടി​യോ​ടെ കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​ക്കും സോ​ണി​യ ഗാ​ന്ധി​ക്കും കൈ ​കൊ​ടു​ത്ത് ആലത്തൂർ എം​പി ര​മ്യ ഹ​രി​ദാ​സ് സ​ത്യ​പ്ര​തി​ജ്ഞ ചെ​യ്യാ​നെ​ത്തി​യ​ത്. ഇം​ഗ്ലീ​ഷി​ലാ​ണ് ര​മ്യ സ​ത്യ​വാ​ച​കം ചൊ​ല്ലി​യ​ത്. തു​ട​ർ​ന്നു വ​ന്ന ടി.​എ​ൻ. പ്ര​താ​പ​നും ബെ​ന്നി ബ​ഹ​നാ​നും ഹൈ​ബി ഈ​ഡ​നും ഡീ​ൻ കു​ര്യാ​ക്കോ​സും തോ​മ​സ് ചാ​ഴി​കാ​ട​നും ആ​ന്‍റോ ആ​ന്‍റ​ണി​യും എ​ൻ.​കെ. പ്രേ​മ​ച​ന്ദ്ര​നും അ​ടൂ​ർ പ്ര​കാ​ശും ഇം​ഗ്ലീ​ഷി​ൽ സ​ത്യ​വാ​ച​കം ചൊ​ല്ലി. തു​ട​ർ​ന്ന് കേ​ര​ള​ത്തി​ൽനി​ന്നു​ള്ള ഏ​ക സി​പി​എം എം​പി​യാ​യ എ.​എം. ആ​രി​ഫ് മ​ല​യാ​ള​ത്തി​ൽ സ​ത്യ​വാ​ച​കം ചൊ​ല്ലി.

കേ​ര​ള​ത്തി​ൽ നി​ന്നു​ള്ള എം​പി​മാ​ർ​ക്ക് പി​ന്നാ​ലെ ല​ക്ഷ​ദ്വീ​പ് എം​പി മു​ഹ​മ്മ​ദ് ഫൈ​സ​ൽ ഉ​റു​ദു​വി​ൽ സ​ത്യ​പ്ര​തി​ജ്ഞ ചെ​യ്തു. കേ​ര​ള​ത്തി​ൽനി​ന്ന് ഇ​ന്ന​ലെ സ​ത്യ​പ്ര​തി​ജ്ഞ​യ്ക്ക് എ​ത്താ​തി​രു​ന്ന​ത് തി​രു​വ​ന​ന്ത​പു​രം എം​പി ആ​യ ശ​ശി ത​രൂ​ർ മാ​ത്രം.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.