National News
ബംഗാളിലെ പ്രചാരണവിലക്കിൽ കടുത്ത പ്രതിഷേധവുമായി പ്രതിപക്ഷം
ബംഗാളിലെ പ്രചാരണവിലക്കിൽ കടുത്ത പ്രതിഷേധവുമായി പ്രതിപക്ഷം
Friday, May 17, 2019 2:40 AM IST
ന്യൂ​ഡ​ൽ​ഹി: പ​ശ്ചി​മബം​ഗാ​ളി​ൽ തെ​ര​ഞ്ഞെ​ടു​പ്പു പ്ര​ചാ​ര​ണം വെ​ട്ടി​ച്ചു​രു​ക്കി​യ തെ​ര​ഞ്ഞെ​ടു​പ്പു ക​മ്മീ​ഷ​ന്‍റെ ന​ട​പ​ടി​യി​ൽ ക​ടു​ത്ത വി​മ​ർ​ശ​ന​വു​മാ​യി കോ​ണ്‍ഗ്ര​സ് അ​ട​ക്ക​മു​ള്ള പ്ര​തി​പ​ക്ഷ പാ​ർ​ട്ടി​ക​ൾ രം​ഗ​ത്ത്. ക​മ്മീ​ഷ​ന്‍റെ ന​ട​പ​ടി ഭ​ര​ണ​ഘ​ട​ന​യോ​ടു കാ​ണി​ക്കു​ന്ന ക്ഷ​മി​ക്കാ​നാ​വാ​ത്ത വ​ഞ്ച​ന​യാ​ണെ​ന്നു കോ​ണ്‍ഗ്ര​സ് ആ​രോ​പി​ച്ച​പ്പോ​ൾ, മ​മ​താ ബാ​ന​ർ​ജി​ക്കെ​തി​രാ​യ ബി​ജെ​പി നീ​ക്കം തീ​ക്ക​ളി​യാ​ണെ​ന്ന വി​മ​ർ​ശ​ന​വു​മാ​യി ബി​എ​സ്പി നേ​താ​വ് മാ​യാ​വ​തി​യും രം​ഗ​ത്തെ​ത്തി.

ബി​ജെ​പി ദേ​ശീ​യ അ​ധ്യ​ക്ഷ​ൻ അ​മി​ത്ഷാ ​ന​ട​ത്തി​യ റോ​ഡ് ഷോ​യ്ക്കി​ടെ കോ​ൽ​ക്ക​ത്ത​യി​ൽ ബി​ജെ​പി- തൃ​ണ​മൂ​ൽ കോ​ണ്‍ഗ്ര​സ് പ്ര​വ​ർ​ത്ത​ക​ർ ത​മ്മി​ൽ ആ​ക്ര​മ​ണം ഉ​ണ്ടാ​യ​തി​ന്‍റെ പ​ശ്ചാ​ത്ത​ല​ത്തി​ലാ​ണ് തെ​ര​ഞ്ഞെ​ടു​പ്പ് ക​മ്മീ​ഷ​ൻ ബം​ഗാ​ളി​ലെ പ്ര​ചാ​ര​ണം ഒ​രു ദി​വ​സം വെ​ട്ടി​ക്കു​റ​ച്ച​ത്. ഭ​ര​ണ​ഘ​ട​ന​യു​ടെ 324-ാം വ​കു​പ്പ് പ്ര​കാ​ര​മു​ള്ള പ്ര​ത്യേ​ക അ​ധി​കാ​രം ഉ​പ​യോ​ഗി​ച്ചാ​യി​രു​ന്നു ക​മ്മീ​ഷ​ന്‍റെ ന​ട​പ​ടി. എ​ന്നാ​ൽ, ബി​ജെ​പി​ക്കും ന​രേ​ന്ദ്ര മോ​ദി​ക്കും വേ​ണ്ടിയുള്ള അ​ധാ​ർ​മി​ക​വും ഭ​ര​ണ​ഘ​ട​നാ വി​രു​ദ്ധ​വുമായ നടപടിയാണു ക​മ്മീ​ഷ​ന്‍റേതെ​ന്നു ബം​ഗാ​ൾ മു​ഖ്യ​മ​ന്ത്രി മ​മ​താ ബാ​ന​ർ​ജി​യും തൃ​ണ​മൂ​ൽ കോ​ണ്‍ഗ്ര​സും ആ​രോ​പിച്ചു.

ന​രേ​ന്ദ്ര മോ​ദി വ്യാ​ഴാ​ഴ്ച ന​ട​ത്തിയ തെ​ര​ഞ്ഞെ​ടു​പ്പു റാ​ലി​ക​ൾ​ക്കു വേ​ണ്ടി​യാ​ണ് ക​മ്മീ​ഷ​ൻ രാ​ത്രി പ​ത്ത് വ​രെ സ​മ​യം ന​ൽ​കി​യ​തെന്നും ആ​ക്ര​മ​ണ​ത്തി​ൽ ബി​ജെ​പി​ക്കു പ​ങ്കു​ണ്ടാ​യി​ട്ടും അവർ ക്കെതിരേ ന​ട​പ​ടി​യെ​ടു​ക്കു​ന്നി​ല്ലെ​ന്നും മ​മ​ത ചൂ​ണ്ടി​ക്കാ​ട്ടി.

കോ​ൽ​ക്ക​ത്ത​യി​ലു​ണ്ടാ​യ സം​ഭ​വ​ങ്ങ​ൾ ബി​ജെ​പി ആ​സൂ​ത്രി​ത​മാ​യി ന​ട​ത്തി​യ നീ​ക്ക​മെ​ന്നാ​ണ് മാ​യാ​വ​തി​യും ആ​രോ​പി​ക്കു​ന്ന​ത്. അ​മി​ത് ഷാ​യും സം​ഘ​വും കൃ​ത്യ​മാ​യ പ്ലാ​നിം​ഗി​ലൂ​ടെ മ​മ​ത​യെ ല​ക്ഷ്യ​മി​ടു​ക​യാ​ണ്. മോ​ദി​യും അ​മി​ത് ഷാ​യു​മെ​ല്ലാം മ​മ​ത​യെ വ​ള​ഞ്ഞി​ട്ടാ​ക്ര​മി​ക്കു​ക​യാ​ണ്. ഇ​തു തീ​ക്ക​ളി​യാ​ണെ​ന്നും അ​പ​ക​ട​ക​ര​മാ​ണെ​ന്നും പ്ര​ധാ​ന​മ​ന്ത്രിപ​ദ​ത്തി​നു യോ​ജി​ച്ച രീ​തി​യി​ല​ല്ല മോ​ദി പ്ര​വ​ർ​ത്തി​ക്കു​ന്ന​തെ​ന്നും അ​വ​ർ ആ​രോ​പി​ച്ചു.


ബം​ഗാ​ളി​ൽ ആ​ക്ര​മ​ണസാ​ധ്യ​ത ക​ണ​ക്കി​ലെ​ടു​ത്ത​താ​ണെ​ങ്കി​ൽ തെ​ര​ഞ്ഞെ​ടു​പ്പ് ക​മ്മീ​ഷ​ൻ ബു​ധ​നാ​ഴ്ച രാ​ത്രിത​ന്നെ പ്ര​ചാ​ര​ണം നി​ർ​ത്തു​മാ​യി​രു​ന്നു. എ​ന്നാ​ൽ, മോ​ദി ര​ണ്ടു റാ​ലി​ക​ൾ ന​ട​ത്താ​ൻ ബാ​ക്കി​യു​ണ്ടാ​യി​രു​ന്ന​ത് പൂ​ർ​ത്തി​യാ​ക്കാ​ൻ വേ​ണ്ടി വ്യാഴാഴ്ച രാ​ത്രി​യി​ലേ​ക്കു നി​ശ്ച​യി​ക്കു​ക​യാ​യി​രു​ന്നെ​ന്നും മാ​യാ​വ​തി ചൂ​ണ്ടി​ക്കാ​ട്ടി.

തെ​ര​ഞ്ഞെ​ടു​പ്പ് ക​മ്മീ​ഷ​ന്‍റെ തീ​രു​മാ​നം ഇ​ന്ത്യ​ൻ ജ​നാ​ധി​പ​ത്യ​ത്തി​ലെ ക​റു​ത്ത അ​ധ്യാ​യ​മാ​ണെ​ന്നു കോ​ണ്‍ഗ്ര​സും പ്ര​തി​ക​രി​ച്ചു. ഇ​തു തെ​ര​ഞ്ഞെ​ടു​പ്പ് പെ​രു​മാ​റ്റ​ച്ച​ട്ടം അ​ല്ലെ​ന്നും മോ​ദി കോ​ഡ് ഓ​ഫ് മി​സ് ക​ണ്ട​ക്ട് ആ​ണെ​ന്നും കോ​ണ്‍ഗ്ര​സ് മാ​ധ്യ​മ വി​ഭാ​ഗം വി​ഭാ​ഗം മേ​ധാ​വി ര​ണ്‍ദീ​പ് സിം​ഗ് സു​ർ​ജെ​വാ​ല ആ​രോ​പി​ച്ചു.

മ​മ​ത​യ്ക്കു പി​ന്തു​ണ​യു​മാ​യി ടി​ഡി​പി, എ​ൻ​സി​പി, നാ​ഷ​ണ​ൽ കോ​ണ്‍ഫ​റ​ൻ​സ്, ഡി​എം​കെ, സ​മാ​ജ്‌വാ​ദി പാ​ർ​ട്ടി, ആം ​ആ​ദ്മി പാ​ർ​ട്ടി തു​ട​ങ്ങി​യ​വ​യും രം​ഗ​ത്തെ​ത്തി​യി​ട്ടു​ണ്ട്.
തെ​ര​ഞ്ഞെ​ടു​പ്പു ക​മ്മീ​ഷ​ൻ ബി​ജെ​പി​യു​ടെ ക​ളി​പ്പാ​വ​യാ​ണെ​ന്ന് ച​ന്ദ്ര​ബാ​ബു നാ​യി​ഡു, അ​ഖി​ലേ​ഷ് യാ​ദ​വ്, എം.​കെ. സ്റ്റാ​ലി​ൻ, അ​ര​വി​ന്ദ് കേ​ജ​രി​വാ​ൾ തു​ട​ങ്ങി​യ നേ​താ​ക്ക​ൾ കു​റ്റ​പ്പെ​ടു​ത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.