National News
സിബിഐ: അലോക് വർമയ്ക്കു ക്ലീൻചിറ്റ് ഇല്ല
സിബിഐ: അലോക് വർമയ്ക്കു ക്ലീൻചിറ്റ് ഇല്ല
Saturday, November 17, 2018 12:58 AM IST
ന്യൂ​ഡ​ൽ​ഹി: സി​ബി​ഐ ഡ​യ​റ​ക്ട​ർ സ്ഥാ​ന​ത്തുനി​ന്നു നീ​ക്കം ചെ​യ്യപ്പെട്ട അ​ലോ​ക് വ​ർ​മ​യ്ക്കെ​തി​രാ​യ ആരോപണങ്ങളിൽ കേ​ന്ദ്ര വി​ജി​ല​ൻ​സ് ക​മ്മീ​ഷ​ന്‍റെ (സിവി സി) ചി​ല ക​ണ്ടെ​ത്ത​ലു​ക​ൾ അ​ത്ര അ​ഭി​ല​ഷ​ണീ​യ​മ​ല്ലെ​ന്നു സു​പ്രീം​കോ​ട​തി. ക​മ്മീ​ഷ​ന്‍റെ റി​പ്പോ​ർ​ട്ട് സ​മ​ഗ്ര​മാ​ണെ​ന്നു വി​ല​യി​രു​ത്തി​യ സു​പ്രീംകോ​ട​തിയുടെ നി​രീ​ക്ഷ​ണം ഇങ്ങനെ.

ചി​ല കാ​ര്യ​ങ്ങ​ൾ വ​ള​രെ അ​ഭി​ല​ഷ​ണീ​യ​മാ​ണ്. എ​ന്നാ​ൽ, ചി​ല കാ​ര്യ​ങ്ങ​ൾ ഒ​ട്ടും അ​ഭി​ല​ഷ​ണീ​യ​മ​ല്ല. ആ കാര്യങ്ങളിൽ കൂടുതൽ അ​ന്വേ​ഷ​ണം ആ​വ​ശ്യ​മാ​ണ്. ചീ​ഫ് ജ​സ്റ്റീ​സ് ര​ഞ്ജ​ൻ ഗോ​ഗോ​യി റി​പ്പോ​ർ​ട്ടി​ന്‍റെ ഈ രത്നചുരു ക്കം വ​ർ​മ​യു​ടെ അ​ഭി​ഭാ​ഷ​ക​ൻ ഫാ​ലി.​എ​സ് ന​രി​മാ​നോ​ട് പ​റ​ഞ്ഞു.

അ​ന്വേ​ഷ​ണ​ത്തി​ന് കൂ​ടു​ത​ൽ സ​മ​യം വേ​ണ​മെ​ന്നു സിവി സി ആ​വ​ശ്യ​പ്പെ​ട്ടി​ട്ടു​ണ്ട്. അ​ന്വേ​ഷ​ണ​ത്തി​ന് മേ​ൽ​നോ​ട്ടം വ​ഹി​ച്ച ജ​സ്റ്റീ​സ് എ.​കെ പ​ട്നാ​യി​ക്കും ഒ​രു റി​പ്പോ​ർ​ട്ട് ന​ൽ​കി​യി​ട്ടു​ണ്ട്. സിവിസി റി​പ്പോ​ർ​ട്ട് മു​ഖേ​ന സീ​ൽ ചെ​യ്ത ക​വ​റി​ൽ വ​ർ​മ​യ്ക്കു ന​ൽ​കാ​നും ചീ​ഫ് ജ​സ്റ്റീ​സ് ര​ഞ്ജ​ൻ ഗോ​ഗോ​യി, ജ​സ്റ്റീ​സ് എ​സ്.​കെ കൗ​ൾ, ജ​സ്റ്റീ​സ് കെ.​എം ജോ​സ​ഫ് എ​ന്നി​വ​ര​ട​ങ്ങി​യ ബെ​ഞ്ച് സു​പ്രീം​കോ​ട​തി ര​ജി​സ്ട്രി​യോ​ട് നി​ർ​ദേ​ശി​ച്ചു. അ​ലോ​ക് വ​ർ​മ​യു​ടെ മ​റു​പ​ടി തി​ങ്ക​ളാ​ഴ്ച ഒ​രു​ മ​ണി​യോ​ടെ സീ​ൽ ചെ​യ​ത് ക​വ​റി​ൽ സു​പ്രീം​കോ​ട​തി​യെ ഏ​ൽ​പ്പി​ക്കണം. ചൊവ്വാഴ്ചയാണ് കേസ് ഇനി പരിഗണി ക്കുക.

കേ​ന്ദ്ര വി​ജി​ല​ൻ​സ് ക​മ്മീ​ഷ​ന്‍റെ റി​പ്പോ​ർ​ട്ട് കേ​ന്ദ്ര സ​ർ​ക്കാ​രി​ന് വേ​ണ്ടി ഹാ​ജ​രാ​യ അ​റ്റോ​ർ​ണി ജ​ന​റ​ൽ കെ.​കെ വേ​ണു​ഗോ​പാ​ൽ, കേ​ന്ദ്ര വി​ജി​ല​ൻ​സ് ക​മ്മീ​ഷ​നു വേ​ണ്ടി ഹാ​ജ​രാ​യ സോ​ളി​സി​റ്റ​ർ ജ​ന​റ​ൽ തു​ഷാ​ർ മേ​ത്ത എ​ന്നി​വ​ർ​ക്കു ന​ൽ​കാ​നും നി​ർ​ദേ​ശി​ച്ചി​ട്ടു​ണ്ട്.നിർണായക റിപ്പോർട്ടി ന്മേൽ ക​ർ​ശ​ന ജാ​ഗ്ര​ത പു​ല​ർ​ത്ത​ണ​മെ​ന്ന് അ​റ്റോ​ർ​ണി ജ​ന​റ​ലി​നോ​ടും സോ​ളി​സി​റ്റ​ർ ജ​ന​റ​ലി​നോ​ടും സു​പ്രീം​കോ​ട​തി നി​ർ​ദേ​ശി​ച്ചു. റി​പ്പോ​ർ​ട്ടി​ൻ​മേ​ൽ കേ​ന്ദ്ര സ​ർ​ക്കാ​രോ മ​റ്റു ക​ക്ഷി​ക​ളോ പ്ര​തി​ക​ര​ണ​ങ്ങ​ൾ ഫ​യ​ൽ ചെ​യ്യേ​ണ്ട​തി​ല്ലെ​ന്നും കോ​ട​തി വ്യ​ക്ത​മാ​ക്കി.

റി​പ്പോ​ർ​ട്ട് സി​ബി​ഐ സ്പെ​ഷ്യ​ൽ ഡ​യ​റ​ക്ട​റാ​യി​രു​ന്ന രാ​കേ​ഷ് അ​സ്താ​ന​യ്ക്കു ന​ൽ​ക​ണ​മെ​ന്ന ആ​വ​ശ്യം സു​പ്രീം​കോ​ട​തി നി​രാ​ക​രി​ച്ചു.

അ​സ്താ​ന​യു​ടെ അ​ഭി​ഭാ​ഷ​ക​നാ​യ മു​കു​ൾ റൊ​ഹ്ത​ഗി ശ​ബ്ദ​മു​യ​ർ​ത്തി ആ​വ​ശ്യ​മു​ന്ന​യി​ച്ചി​ട്ടും ഫലമുണ്ടാ യില്ല. രാ​കേ​ഷ് അ​സ്താ​ന​യ്ക്കെ​തി​രാ​യി അ​ന്വേ​ഷ​ണം ന​ട​ത്തി​യി​രു​ന്ന സി​ബി​ഐ ഉ​ദ്യോ​ഗ​സ്ഥ​ൻ അ​ജ​യ്കു​മാ​ർ ബാ​സി​യെ ആ​ൻ​ഡ​മാ​ൻ നി​ക്കോ​ബാ​റി​ലേ​ക്ക് സ്ഥ​ലം​മാ​റ്റി​യ​ത് സം​ബ​ന്ധി​ച്ച പ​രാ​തി ചൊ​വ്വാ​ഴ്ച കേ​ൾ​ക്കാ​മെ​ന്നും കോ​ട​തി പ​റ​ഞ്ഞു.

അ​തി​നി​ടെ സി​ബി​ഐ ഡ​യ​റ​ക്ട​ർ അ​ലോ​ക് വ​ർ​മ​യെ നീ​ക്കം ചെ​യ്ത​തി​നെ​തി​രേ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ ഹ​ർ​ജി​യും കേ​ൾ​ക്ക​ണ​മെ​ന്ന് അ​ദ്ദേ​ഹ​ത്തി​ന് വേ​ണ്ടി ഹാ​ജ​രാ​യ ക​പി​ൽ സി​ബ​ൽ പ​റ​ഞ്ഞു. നി​ങ്ങ​ളു​ടെ കാ​ര്യം ഞ​ങ്ങ​ൾ വി​ട്ടുപോ​യി എ​ന്നാ​ണ് അതിനു ചീ​ഫ് ജ​സ്റ്റീ​സ് മറുപടി പ​റ​ഞ്ഞ​ത്.

സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.