National News
രാജസ്ഥാനിൽ കോണ്‍ഗ്രസ് ആദ്യഘട്ട സ്ഥാനാർഥി പട്ടിക പുറത്തിറക്കി
രാജസ്ഥാനിൽ കോണ്‍ഗ്രസ് ആദ്യഘട്ട സ്ഥാനാർഥി പട്ടിക പുറത്തിറക്കി
Saturday, November 17, 2018 12:23 AM IST
ന്യൂ​ഡ​ൽ​ഹി: രാജ​സ്ഥാ​ൻ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ നാ​മ​നി​ർ​ദേ​ശ പ​ത്രി​ക സ​മ​ർ​പ്പി​ക്കാ​ൻ നാ​ലു ദി​വ​സം മാ​ത്രം ശേ​ഷി​ക്കേ കോ​ണ്‍ഗ്ര​സ് ആ​ദ്യ​ഘ​ട്ട സ്ഥാ​നാ​ർ​ഥി​ക​ളു​ടെ പ​ട്ടി​ക പു​റ​ത്തി​റ​ക്കി. 152 സ്ഥാ​നാ​ർ​ഥി​ക​ളുടെ പ​ട്ടി​ക​യാ​ണിത്. മു​ൻ മു​ഖ്യ​മ​ന്ത്രി അ​ശോ​ക് ഗെ​ലോ​ട്ട്, രാ​ജ​സ്ഥാ​ൻ കോ​ണ്‍ഗ്ര​സ് അ​ധ്യ​ക്ഷ​ൻ സ​ച്ചി​ൻ പൈ​ല​റ്റ്, മു​ൻ കേ​ന്ദ്ര​മ​ന്ത്രിമാരായ സി.​പി ജോ​ഷി, ഗിരിജ വ്യാസ് എ​ന്നി​വ​രാ​ണ് പ​ട്ടി​ക​യി​ലെ പ്ര​മു​ഖ​ർ.

ഗെ​ലോ​ട്ട് സ​ർ​ദാ​ർ​പു​രയിലും പൈ​ല​റ്റ് സ​വാ​യ് മ​ധോ​പൂ​രി​ലെ ടോങ്കിലും ജോ​ഷി ത​ന്‍റെ സ്ഥി​രം സീ​റ്റാ​യ ന​ദ്വാ​ര​യി​ലും ഗിരിജ വ്യാസ് ഉ​ദ​യ്പൂ​രി​ലും മ​ത്സ​രി​ക്കും.

എം​പി​മാ​രും എം​എ​ൽ​എ​മാ​രും ബി​ജെ​പി വി​ട്ടു കോ​ണ്‍ഗ്ര​സി​ൽ ചേ​രു​ന്ന​തോ​ടെ രാ​ജ​സ്ഥാ​നി​ൽ പാ​ർ​ട്ടി വ​ലി​യ പ്ര​തീ​ക്ഷ​യാ​ണു വെ​ച്ചു പു​ല​ർ​ത്തു​ന്ന​ത്. മു​ൻ കേ​ന്ദ്ര​മ​ന്ത്രി ജ​സ്വ​ന്ത് സിം​ഗി​ന്‍റെ മ​ക​ൻ മാ​ന​വേ​ന്ദ്ര സിം​ഗ്, ബി​ജെ​പി എം​പി ഹ​രീ​ഷ് മീ​ണ എ​ന്നി​വ​രു​ടെ കോ​ണ്‍ഗ്ര​സി​ലേ​ക്കു​ള്ള വ​ര​വും ആ​ത്മ​വി​ശ്വാ​സം വ​ർ​ധി​പ്പി​ച്ചി​ട്ടു​ണ്ട്.


മു​ഖ്യ​മ​ന്ത്രി സ്ഥ​നാ​ർ​ഥി​യെ ചൊ​ല്ലി പാ​ർ​ട്ടി​ക്കു​ള്ളി​ൽ അ​ഭി​പ്രാ​യ ഭി​ന്ന​ത​യു​ണ്ടെ​ന്ന അ​ഭ്യൂ​ഹ​ങ്ങ​ൾ​ക്ക് വി​രാ​മ​മി​ട്ടു കൊ​ണ്ടാ​ണ് കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി​യു​ടെ നി​ർ​ദേ​ശ പ്ര​കാ​രം അ​ശോ​ക് ഗെ​ലോ​ട്ടും സ​ച്ചി​ൻ പൈ​ല​റ്റും തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ തീ​രു​മാ​നി​ച്ച​ത്.

തെ​ര​ഞ്ഞെ​ടു​പ്പി​ൽ മ​ത്സ​രി​ക്കാ​ൻ സീ​റ്റ് ആ​വ​ശ്യ​പ്പെ​ട്ട് കോ​ണ്‍ഗ്ര​സ് ആ​സ്ഥാ​ന​ത്തി​ന് മു​ന്നി​ൽ പാ​ർ​ട്ടി​നേ​താ​ക്ക​ൾ ക​ഴി​ഞ്ഞ ദി​വ​സ​ങ്ങ​ളി​ൽ കു​ത്തി​യി​രി​ക്കു​ക​യാ​യി​രു​ന്നു. സീ​റ്റ് ല​ഭി​ക്കാ​ത്ത​വ​രു​ടെ പ​ര​സ്യ പ്ര​തി​ഷേ​ധം ഒ​ഴി​വാ​ക്കാ​നാ​ണു രാ​ത്രി വൈ​കി സ്ഥാ​നാ​ർ​ഥി പ​ട്ടി​ക പു​റ​ത്തു വി​ട്ട​തെ​ന്നാ​ണു പാ​ർ​ട്ടി നേ​താ​ക്ക​ൾ ത​ന്നെ വെ​ളി​പ്പെ​ടു​ത്തു​ന്ന​ത്. 200 സീ​റ്റു​ക​ളു​ള്ള രാ​ജ​സ്ഥാ​നി​ൽ ബാ​ക്കി 48 സീ​റ്റു​ക​ളി​ലെ സ്ഥാ​നാ​ർ​ഥി​ക​ളെ​ക്കൂ​ടി കോ​ണ്‍ഗ്ര​സ് ഉ​ട​ൻ പ്ര​ഖ്യാ​പി​ക്കും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.