മൈക്രോ ഫിനാന്‍സ് ക്രമക്കേട്: വിജിലന്‍സ് എസ്പി എസ്. ശശിധരൻ അന്വേഷിക്കും
Sunday, November 10, 2024 1:03 AM IST
കൊച്ചി: വെള്ളാപ്പള്ളി നടേശന്‍ ഉള്‍പ്പെട്ട മൈക്രോഫിനാന്സ് ക്രമക്കേട് ആരോപണങ്ങളില്‍ തുടരന്വേഷണത്തിന് എറണാകുളം വിജിലന്‍സ് എസ്പി എസ്. ശശിധരനെ ചുമതലപ്പെടുത്താന്‍ സര്‍ക്കാരിന് ഹൈക്കോടതി അനുമതി നല്‍കി.
അന്വേഷണം ഒരു മാസത്തിനകം പൂര്‍ത്തിയാക്കണമെന്നും കോടതി നിര്‍ദേശിച്ചു. സര്‍ക്കാരും വിജിലന്‍സ് ഡയറക്ടറും നല്‍കിയ ഉപഹര്‍ജികളിലാണു നിര്‍ദേശം.
കേസില്‍ കോടതി നിര്‍ദേശപ്രകാരം എസ്പി ഡോ. ജെ. ഹിമേന്ദ്രനാഥാണ് അന്വേഷണം നടത്തിയിരുന്നത്. അദ്ദേഹത്തെ വിജിലന്‍സില്‍നിന്നു കോട്ടയം ക്രൈംബ്രാഞ്ച് എസ്പിയായി സ്ഥലം മാറ്റി. മൈക്രോഫിനാന്സ് കേസന്വേഷണത്തിന്‍റെ ചുമതലയിലും ഹിമേന്ദ്രനാഥ് തുടര്‍ന്നു. ഈ സാഹചര്യത്തിലാണു സര്‍ക്കാര്‍ കോടതിയെ സമീപിച്ചത്.