""ഞാനും കുടുംബവും ഒരുമിച്ചിരുന്നാണു നറുക്കെടുപ്പിന്റെ തത്സമയ സംപ്രേഷണം കണ്ടത്. ടെലിവിഷനിൽ എഴുതിക്കാണിക്കുന്ന ടിക്കറ്റ് നന്പറും എന്റെ കൈയിലുള്ള നന്പറും പലതവണ ഒത്തുനോക്കി സമ്മാനം ലഭിച്ചത് എനിക്കാണെന്ന് ഉറപ്പുവരുത്തി.
കഷ്ടപ്പെട്ടു ജീവിച്ച എനിക്ക് ദൈവം തന്ന സമ്മാനമാണ് 25 കോടി. വാടകവീട്ടിലാണു താമസിക്കുന്നത്. ചെറിയൊരു വീട് വയ്ക്കണം, മകളുടെ വിവാഹം നടത്തണം, ഒരു വാഹനവും സ്വന്തമായി ഒരു കടയും തുടങ്ങണമെന്നാണ് ആഗ്രഹ''- അൽത്താഫ് പറഞ്ഞു.
ഭാഗ്യക്കുറി വാങ്ങിയ ഏജൻസിയിൽ എത്തി മധുരം പങ്കുവച്ചാണ് അൽത്താഫും കുടുംബവും കർണാടകയിലേക്ക് മടങ്ങിയത്.