ഇന്നലെ നടക്കാവ് പോലീസിന്‍റെ നേതൃത്വത്തിലുള്ള ഡോഗ് സ്‌കോഡും വിരലടയാള വിദഗ്ധരും സ്ഥലത്തെത്തി പരിശോധന നടത്തി. പുറത്തുനിന്നും ഒരാള്‍ എത്തി മോഷണം നടത്തിയ ലക്ഷണങ്ങള്‍ ഒന്നുമില്ലെന്ന് പോലീസ് പറയുന്നു. അലമാരയുടെ സമീപത്തു തന്ന ഉണ്ടായിരുന്ന താക്കോല്‍ ഉപയോഗിച്ച് തുറന്നാണ് സ്വര്‍ണം മോഷ്ടിച്ചിരിക്കുന്നതെന്നാണ് സൂചന.
വീടുമായി അടുത്ത പരിചയമുള്ള ആളാണ് മോഷണത്തിന് പിന്നിലെന്നാണ് പോലീസ് സംശയിക്കുന്നത്. ഉത്തരേമഖലാ ഐജി സേതുരാമന്‍, നടക്കാവ് എസി അഷ്‌റഫ് ഉള്‍പ്പെടെയുള്ളവര്‍ വീട്ടിലെത്തി കാര്യങ്ങള്‍ ചോദിച്ചറിഞ്ഞു.