സിനിമയില്‍ ട്രേഡ് യൂണിയന്‍ രൂപവത്കരിക്കാന്‍ 20ഓളം താരങ്ങള്‍ ഫെഫ്കയെ സമീപിച്ചതിനു പിന്നാലെയാണു മറ്റൊരു സംഘടന രൂപവത്കരിക്കാനുള്ള നീക്കങ്ങള്‍ സജീവമായിട്ടുള്ളത്. ഹേമ കമ്മിറ്റിയുടെ റിപ്പോര്‍ട്ട് പുറത്തുവന്നതിന് പിന്നാലെ താരസംഘടനയായ അമ്മയിലടക്കം ഭിന്നത രൂപപ്പെട്ടിരുന്നു.
സിനിമാ സംഘടനകളുടെ തലപ്പത്തിരിക്കുന്നവര്‍ക്കു നേരെ വരെ ആരോപണങ്ങള്‍ ഉയര്‍ന്നതോടെ പുതിയ സംഘടന വേണമെന്ന ആവശ്യവും ഉയര്‍ന്നിരുന്നു. അമ്മ ജനറല്‍ സെക്രട്ടറി സിദ്ദിഖിനെതിരെ ലൈംഗികാരോപണം ഉയര്‍ന്നതോടെ അദ്ദേഹം രാജിവച്ചിരുന്നു. പിന്നാലെ മറ്റ് നടന്മാര്‍ക്കെതിരേ ആരോപണം ഉയരുകയും അമ്മ നേതൃത്വം ഒന്നടങ്കം രാജിവയ്ക്കുകയും ചെയ്തു.
ഹേമ കമ്മിറ്റി റിപ്പോര്‍ട്ടില്‍ ഫെഫ്ക നിലപാട് വ്യക്തമാക്കാത്തതില്‍ പ്രതിഷേധിച്ച് സംവിധായകന്‍ ആഷിഖ് അബു ഫെഫ്കയില്‍നിന്നു രാജിവയ്ക്കുകയും ചെയ്തിരുന്നു.