അധികമായി വാങ്ങിയ ഫീസ് തിരിച്ചു നല്‍കും തിരുവനന്തപുരം: അധികമായി വാങ്ങിയ കെട്ടിട നിര്‍മാണ പെര്‍മിറ്റ് ഫീസ് തുക തിരിച്ചു നല്‍കുമെന്ന് മന്ത്രി എം.ബി. രാജേഷ്. കെട്ടിട നിര്‍മാണ പെര്‍മിറ്റ് ഫീസ് കുറച്ചു കൊണ്ടുള്ള തീരുമാനത്തിന് 2023 ഏപ്രില്‍ 10 മുതല്‍ മുന്‍കാല പ്രാബല്യം നല്‍കിയിട്ടുണ്ട്.
അതിനാല്‍ ഈ കാലയളവില്‍ പെര്‍മിറ്റ് ഫീസ് അടച്ചവര്‍ക്ക്, ഒടുക്കിയ അധിക തുക തിരിച്ചു നല്‍കുക തന്നെ ചെയ്യുമെന്നും ഇതിന് കെ സ്മാര്‍ട്ട് വഴിയും ഐഎല്‍ജിഎംഎസ് വഴിയും ഓണ്‍ലൈനായി അപേക്ഷിക്കുന്നതിനുള്ള സൗകര്യം വൈകാതെ ഒരുക്കുമെന്നും മന്ത്രി അറിയിച്ചു.
ഇത് സംബന്ധിച്ച് വിശദമായ സര്‍ക്കാര്‍ ഉത്തരവ് പുറപ്പെടുവിക്കുന്നതിനും ഓണ്‍ലൈന്‍ സംവിധാനം തയാറാകുന്നതിനും അനുസരിച്ച് റീഫണ്ടിന് അപേക്ഷിക്കാവുന്നതാണെന്നും മന്ത്രി അറിയിച്ചു.
വിവിധ ആവശ്യങ്ങള്‍ക്കുള്ള കെട്ടിടങ്ങളുടെ നിര്‍മാണ പെര്‍മിറ്റിനായുള്ള ഫീസ്, ഒരു ചതുരശ്ര മീറ്ററിനുള്ള നിരക്ക് രൂപയില്‍ (പഴയ നിരക്ക് ബ്രായ്ക്കറ്റില്‍). കെട്ടിടത്തിന്‍റെ തരം/ ഗ്രാമപഞ്ചായത്ത് / മുനിസിപ്പാലിറ്റി/ കോര്‍പറേഷന്‍ 81-150 ചതുരശ്രമീറ്റര്‍ താമസം 25(50) 35(70) 40(100)
വ്യവസായം 30(50) 40(70) 50(120)
വാണിജ്യം 40(70) 50(90) 60(100)
മറ്റുള്ളവ 30(50) 40(70) 50(100)
151-300 ചതുരശ്ര മീറ്റര്‍ താമസം 50(100) 60(120) 70(150)
വ്യവസായം 50(100) 60(120) 70(150)
വാണിജ്യം 70(150) 80(150) 100(170)
മറ്റുള്ളവ 60(100) 70(120) 80(150)
300 ചതുരശ്ര മീറ്ററിന് മുകളില്‍ താമസം 100(150) 150(200) 150(200)
വ്യവസായം 100(150) 150(200) 150(200)
വാണിജ്യം 120(200) 150(250) 150(300)
മറ്റുള്ളവ 90(150) 100(200) 120(200)