അഞ്ചുപേരെ കാണാതായി. മലപ്പുറം, കണ്ണൂർ ജില്ലകളിൽ നാലു പേർ വീതം മരിച്ചപ്പോൾ നാലുപേരെ കാണാതായി. എറണാകുളത്തും കാസർഗോഡും മൂന്നു പേർ വീതം മരിച്ചു. നാലുപേർ കാണാക്കയങ്ങളിൽപെട്ടു.
കടലിൽ കാണാതാവുകയെന്നു പറഞ്ഞാൽ മൃതദേഹം കണ്ടെത്താനായില്ല എന്നതാണു വാസ്തവം. കടലിൽ അപകടത്തിൽപ്പെട്ട 7,537 മത്സ്യത്തൊഴിലാളികളെയാണു സംസ്ഥാനത്തു മറൈൻ എൻഫോഴ്സ്മെന്റ് ആൻഡ് വിജിലൻസ് വിംഗും സീ റെസ്ക്യൂ ടീമും ചേർന്നു രക്ഷപ്പെടുത്തിയത്. 629 രക്ഷാപ്രവർത്തനങ്ങൾ നടത്തി.
ഇതുകൂടാതെ മത്സ്യത്തൊഴിലാളികളുടെ ജീവൻ സംരക്ഷിക്കാനും കടൽനിയമങ്ങൾ നടപ്പാക്കാനുമായി 11484 മണിക്കൂറാണു ഫിഷറീസ് വകുപ്പ് പട്രോളിംഗ് നടത്തിയത്. രാപകൽ ഭേദമില്ലാതെ 4,585 പട്രോളിംഗാണ് ഇതിനായി കടലിൽ സംഘടിപ്പിച്ചത്.