കാഫിര്‍ പ്രയോഗം: പ്രഥമദൃഷ്‌ട്യാ തെളിവില്ലെന്നു പോലീസ് : Deepika.com Kerala News |

Click here for detailed news of all items

കാഫിര്‍ പ്രയോഗം: പ്രഥമദൃഷ്‌ട്യാ തെളിവില്ലെന്നു പോലീസ്

Saturday, June 15, 2024 1:18 AM IST

കൊച്ചി: വടകര ലോക്‌സഭാ മണ്ഡലത്തിലെ സ്ഥാനാര്‍ഥിക്കെതിരേ ‘കാഫിര്‍’ പ്രയോഗം നടത്തിയെന്ന കേസില്‍ മുസ്‌ലിം ലീഗ് പ്രവര്‍ത്തകന്‍ പി.കെ. ഖാസിമിനെതിരേ പ്രഥമദൃഷ്‌ട്യാ തെളിവില്ലെന്നു പോലീസ് ഹൈക്കോടതിയില്‍.

കേസുമായി ബന്ധപ്പെട്ട് ഖാസിമിന്‍റെ വിവോ മൊബൈല്‍ ഫോണ്‍ പോലീസ് പരിശോധിച്ചു. വ്യാജ സ്‌ക്രീന്‍ ഷോട്ട് പോസ്റ്റ് ചെയ്തതും പ്രചരിപ്പിച്ചതും ഖാസിമിന്‍റെ മൊബൈല്‍ ഫോണില്‍ നിന്നാണെന്ന് കണ്ടെത്താനായില്ലെന്നാണു പോലീസിന്‍റെ വിശദീകരണം.

സ്‌ക്രീന്‍ ഷോട്ട് പ്രചരിപ്പിച്ച ‘പോരാളി ഷാജി’, ‘അമ്പാടിമുക്ക് സഖാക്കള്‍’ ഫേസ്ബുക്ക് പ്രൊഫൈലുകള്‍ക്കെതിരേ അന്വേഷണം ആരംഭിച്ചിട്ടുണ്ട്. ഫേസ്ബുക്കില്‍നിന്നു വിവരങ്ങള്‍ ശേഖരിച്ചശേഷം അറസ്റ്റിലേക്ക് കടക്കും.

സൈബര്‍ ടീമിന്‍റെ സഹായത്തോടെ ശാസ്ത്രീയ അന്വേഷണം പുരോഗമിക്കുകയാണെന്നും പോലീസ് നല്‍കിയ റിപ്പോര്‍ട്ടില്‍ പറയുന്നു. സംഭവത്തില്‍ അന്വേഷണം ആവശ്യപ്പെട്ട് ഖാസിം നല്‍കിയ ഹര്‍ജിയിലാണ് പോലീസിന്‍റെ വിശദീകരണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.