കേഡർ സ്വഭാവമുള്ള പാർട്ടിയാണ് ഇവരുടെ പ്രവർത്തനങ്ങൾ നിയന്ത്രിക്കുന്നത്. സർക്കാർ ജീവനക്കാരുടെ സർവീസ് സംഘടനകളെ പോലും നിയന്ത്രിക്കുന്നതു പാർട്ടിയാണ്.
പ്രത്യക്ഷത്തിൽ പാർട്ടി ഉണ്ടാകുകയില്ലെങ്കിലും പൂർണ നിയന്ത്രണം പാർട്ടിക്കായിരിക്കും. പാർട്ടിയും ബഹുജന യുവജന വർഗ സംഘടനകളും തമ്മിലുള്ള ബന്ധം ദൃഢമാണ്. പാർട്ടിയറിയാതെ ഇത്തരം സംഘടനകൾക്കു സ്വതന്ത്രമായി പ്രവർത്തിക്കാനാകില്ലെന്നും കെ.സി. ഉമേഷ് ബാബു പറഞ്ഞു.
പാനൂർ ബോംബ് സ്ഫോടനവുമായി ബന്ധപ്പെട്ടു മാധ്യമങ്ങളോട് സംസാരിക്കുന്നതിനിടെ വ്യാഴാഴ്ചയായിരുന്നു എം.വി. ഗോവിന്ദൻ ഡിവൈഎഫ്ഐക്കു സിപിഎമ്മുമായി ബന്ധമില്ലെന്നും പാർട്ടിയുടെ പോഷകസംഘടനയല്ലെന്നും പ്രതികരിച്ചത്.