ആർഎസ്എസ്- ബിജെപി നേതാക്കളെ വധിക്കാൻ തീരുമാനിച്ചാണ് ബോംബ് നിർമിച്ചത്. സിപിഎം നേതാക്കൾ പ്രതികളുടെ വീട്ടിൽ പോയത് സംഭവത്തിലെ രാഷ്ട്രീയ ഗൂഢാലോചന വ്യക്തമാക്കുന്നതാണ്.
തെരഞ്ഞെടുപ്പ് അട്ടിമറിക്കാൻ ലക്ഷ്യമിട്ടു നടപ്പാക്കിയ സംഭവത്തിൽ തെരഞ്ഞെടുപ്പ് കമ്മീഷൻ ശക്തമായി ഇടപെടണം. എഡിജിപി റാങ്കിലുള്ള ഉദ്യോഗസ്ഥനെ പാനൂർ കേസ് ഏൽപ്പിക്കണം. ആറ്റിങ്ങലിൽ വി. മുരളീധരന്റെ പ്രചാരണ ജാഥയ്ക്കു നേരേ സിപിഎം ആക്രമണമുണ്ടായത് ഇതുമായി ബന്ധപ്പെട്ടാണോയെന്നു സംശയിക്കണമെന്നും സുരേന്ദ്രൻ പറഞ്ഞു.