വിപണിയില്‍ വിലക്കയറ്റം വര്‍ധിച്ചുവരുന്ന സാഹചര്യത്തില്‍ ഉത്സവ വേളയില്‍ സാധാരണ ജനങ്ങള്‍ക്ക് ആശ്വാസം പകരുന്നതിനാണ് ചന്തകള്‍ നടത്താന്‍ തീരുമാനിച്ചിരുന്നത്. തെരഞ്ഞെടുപ്പ് കമ്മീഷന്‍റെ ഇടപെടല്‍ കാരണം റംസാന് ചന്തകള്‍ തുറക്കാന്‍ കഴിഞ്ഞില്ല.
കേരളത്തിലെ ജനങ്ങളെ പട്ടിണിക്കിട്ട് കൊല്ലാനാണ് കേന്ദ്ര സര്‍ക്കാറിന്‍റെ തീരുമാനം. അതിന്‍റെ ഭാഗമായാണ് തെരഞ്ഞെടുപ്പു കമ്മീഷന്‍ ഇത്തരം ജനദ്രോഹപരമായ നടപടിയെടുത്തത്.
2021ലെ തെരഞ്ഞെടുപ്പിലും 2016ലെ തെരഞ്ഞെടുപ്പിലും വിഷുവിന് ചന്ത നടത്തിയിരുന്നു. അന്നൊന്നും തെരഞ്ഞെടപ്പു കമ്മീഷന്‍ ഇടപെട്ടിരുന്നില്ല. അനുമതി നല്‍കുകയാണ് ചെയ്തത്.
കേന്ദ്രസര്‍ക്കാറിന്‍റെ താത്പര്യത്തിനു പ്രവര്‍ത്തിക്കുന്ന തെരഞ്ഞെടുപ്പു കമ്മീഷന്‍ ദുഷ്ടലാക്കോടെയാണ് നീങ്ങിയത്. കണ്‍സ്യൂമര്‍ ഫെഡിന്‍റെ പ്രവൃത്തി ന്യായമാണെന്ന് കോടതി പറഞ്ഞതില്‍ സന്തോഷമുണ്ട്. തെരഞ്ഞെടുപ്പു കമ്മീഷനേറ്റ തിരിച്ചടിയാണ് കോടതി വിധിയെന്ന് മെഹബൂബ് പറഞ്ഞു.