പോസ്റ്റ്മോര്ട്ടം റിപ്പോര്ട്ട്, സിദ്ധാര്ഥൻ നേരിട്ട മൃഗീയ മര്ദനത്തിന്റെയും ക്രൂരതയുടെയും തെളിവാണ്. ക്രൂരപീഡനം ഏറ്റതിന്റെ തെളിവുകള് സിദ്ധാര്ഥന്റെ ശരീരത്തില് ഉണ്ടായിരുന്നിട്ടും പോലീസ് അന്വേഷണത്തില് ഗുരുതരമായ വീഴ്ചയുണ്ടായി. പ്രതികളെ രക്ഷിക്കാനാണ് പോലീസ് ആദ്യം ശ്രമിച്ചത്. അതുകൊണ്ടുതന്നെ പോലീസില്നിന്ന് സത്യസന്ധമായ അന്വേഷണം പ്രതീക്ഷിക്കാനാകില്ല.
സിദ്ധാര്ഥന്റെ മരണവും അതുമായി ബന്ധപ്പെട്ട് പുറത്തു വരുന്ന വിവരങ്ങളും കേരളത്തിലെ മാതാപിതാക്കള്ക്കിടയില് ഭീതിയും ആശങ്കയും ഉണ്ടാക്കിയിട്ടുണ്ട്. ഇനി ഇത്തരമൊരു സംഭവം കേരളത്തില് ആവര്ത്തിക്കാന് പാടില്ല. സിബിഐ അന്വേഷണം ആവശ്യമാണെന്ന് സിദ്ധാര്ഥന്റെ കുടുംബവും പറയുന്നു. ഇതുകൂടി കണക്കിലെടുത്ത് മരണത്തിനു പിന്നിലെ യഥാർഥ വസ്തുതകളും ഗൂഢാലോചനയും കണ്ടെത്താന് അന്വേഷണച്ചുമതല സിബിഐക്ക് കൈമാറാന് സംസ്ഥാന സര്ക്കാര് തീരുമാനിക്കണമെന്നും കത്തില് വി.ഡി. സതീശന് ആവശ്യപ്പെട്ടു.