മത്സരത്തിനും ശേഷം നിർമിതികളുടെ അന്തിമ മൂല്യനിർണയവും പ്രദർശന മത്സരവും നടന്നു. ഇവരുടെ നിർമിതികൾ കണ്ടു മനസിലാക്കുന്നതിനായി നിരവധി പേർ ഇന്നലെ പട്ടം സെന്റ് മേരീസിൽ എത്തിയിരുന്നു. ഇന്നലെ ഉച്ചകഴിഞ്ഞ് മൂന്നു മുതൽ അഞ്ചുവരെയായിരുന്നു പ്രദർശനം സംഘടിപ്പിച്ചിരുന്നത്.
മലപ്പുറം മുന്നിൽ തിരുവനന്തപുരം: കേരള സ്കൂൾ ശാസ്ത്രോത്സവം രണ്ട ുനാൾ പിന്നിട്ടപ്പോൾ 311 പോയിന്റുമായി മലപ്പുറം ജില്ല മുന്നേറുന്നു. 302 പോയിന്റുമായി കോഴിക്കോടും 298 പോയിന്റുമായി തൃശൂരുമാണ് തൊട്ടുപിന്നിൽ.
ആതിഥേയരായ തിരുവനന്തപുരം അഞ്ചാം സ്ഥാനത്താണ്. സ്കൂൾ തലത്തിൽ 52 പോയിന്റുമായി വയനാട് മാനന്തവാടി ഗവണ്മെന്റ് വിഎച്ച്എസ്എസ് ആണ് മുന്നിൽ. 50 പോയിന്റുമായി പാലക്കാട് വാണിയംകുളം ടിആർകഐച്ച്എസ്എസും 48 പോയിന്റുമായി ആലപ്പുഴ എംഐഎച്ച്എസ് പൂങ്കാവും രണ്ടും മൂന്നും സ്ഥാനങ്ങളിലുണ്ട്.