യുവജനങ്ങള്‍ സഭയിലും സമൂഹത്തിലും നന്മ ചെയ്യുന്നവരാകണം : കര്‍ദിനാള്‍ മാര്‍ ആലഞ്ചേരി : Deepika.com Kerala News |

Click here for detailed news of all items

യുവജനങ്ങള്‍ സഭയിലും സമൂഹത്തിലും നന്മ ചെയ്യുന്നവരാകണം : കര്‍ദിനാള്‍ മാര്‍ ആലഞ്ചേരി

Monday, February 6, 2023 1:16 AM IST

കൊച്ചി: സ്‌നേഹത്തില്‍ പ്രവര്‍ത്തനനിരതമായ വിശ്വാസം മുറുകെ പിടിച്ചുകൊണ്ടു സഭയിലും സമൂഹത്തിലും നന്മ ചെയ്യുന്നവരാകണം യുവജനതയെന്ന് സീറോമലബാര്‍ സഭ മേജര്‍ ആര്‍ച്ച്ബിഷപ് കര്‍ദിനാള്‍ മാര്‍ ജോര്‍ജ് ആലഞ്ചേരി.

സഭാ ആസ്ഥാനമായ കാക്കനാട് മൗണ്ട് സെന്‍റ് തോമസില്‍ സീറോ മലബാര്‍ യൂത്ത് മൂവ്‌മെന്‍റിന്‍റെ (എസ്എംവൈഎം) ഗ്ലോബല്‍ സിന്‍ഡിക്കേറ്റ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ആധുനിക സാമൂഹിക സമ്പര്‍ക്ക മാധ്യമങ്ങളുടെ ഉപയോഗത്തില്‍ ജാഗ്രതയുള്ളവരാകണമെന്നും ഇത്തരം മാധ്യമങ്ങളെ അപരന്‍റെ നന്മയ്ക്കായി ഉപയോഗപ്പെടുത്തണമെന്നും യുവതീയുവാക്കളെ കര്‍ദിനാള്‍ ഓര്‍മിപ്പിച്ചു.

എസ്എംവൈഎം ഗ്ലോബല്‍ പ്രസിഡന്‍റ് അരുണ്‍ ഡേവിസ് കല്ലേലി അധ്യക്ഷത വഹിച്ച ചടങ്ങില്‍ യൂത്ത് കമ്മീഷന്‍ ചെയര്‍മാന്‍ മാര്‍ ജോസഫ് പണ്ടാരശേരില്‍ അനുഗ്രഹപ്രഭാഷണം നടത്തി. ഗ്ലോബല്‍ ഡയറക്ടര്‍ ഫാ. ജേക്കബ് ചക്കാത്ര, ഗ്ലോബല്‍ ആനിമേറ്റര്‍ സിസ്റ്റര്‍ ജിന്‍സി ചാക്കോ, ഗ്ലോബല്‍ സെക്രട്ടറി വിനോദ് റിച്ചാര്‍ഡ്‌സണ്‍, ജോസ്‌മോന്‍ കെ. ഫ്രാന്‍സിസ്, കേരള റീജന്‍ പ്രസിഡന്‍റ് വിശാഖ് തോമസ്, സിജോ അമ്പാട്ട്, കണ്‍വീനര്‍ സാം സണ്ണി എന്നിവര്‍ പ്രസംഗിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.