ബദൽ നയങ്ങളെ അടിസ്ഥാനപ്പെടുത്തി: എം.വി. ഗോവിന്ദൻ : Deepika.com Kerala News |

Click here for detailed news of all items

ബദൽ നയങ്ങളെ അടിസ്ഥാനപ്പെടുത്തി: എം.വി. ഗോവിന്ദൻ

Saturday, February 4, 2023 5:57 AM IST

തിരുവനന്തപുരം: സംസ്ഥാന സർക്കാർ മുന്നോട്ടുവയ്ക്കുന്ന ബദൽ നയങ്ങളെ അടിസ്ഥാനപ്പെടുത്തിയിട്ടുള്ളതാണ് സംസ്ഥാന ബജറ്റെന്നു സിപിഎം സംസ്ഥാന സെക്രട്ടറി എം.വി. ഗോവിന്ദൻ. കേരള ജനത അനുഭവിക്കുന്ന പ്രശ്നങ്ങളേയും ഭാവി വികസനത്തെയും മുന്നോട്ടുകൊണ്ടുപോകുന്നതാണു ബജറ്റെന്നും അദ്ദേഹം പറഞ്ഞു.

നവകേരള സൃഷ്ടിക്ക് അടിത്തറയിടുന്നത്: ഇ.പി. ജയരാജൻ

തിരുവനന്തപുരം : നവകേരള സൃഷ്ടിക്ക് അടിത്തറയിടുന്നതാണു സംസ്ഥാന ബജറ്റെന്ന് ഇടതുമുന്നണി കണ്‍വീനർ ഇ.പി. ജയരാജൻ. അടിസ്ഥാനമേഖലയുടെ വികസനത്തിനും പശ്ചാത്തല സൗകര്യ വികസനത്തിനും സാമൂഹ്യ സുരക്ഷയ്ക്കും ഉതകുന്ന ബജറ്റാണ് അവതരിപ്പിക്കപ്പെട്ടതെന്നും അദ്ദേഹം പറഞ്ഞു.

കാർഷികമേഖലയ്ക്കു പ്രതീക്ഷ: യൂത്ത് ഫ്രണ്ട്-എം

കൊച്ചി: സംസ്ഥാന ബജറ്റ് കാർഷിക മേഖലയ്ക്കും യുവജനങ്ങൾക്കും വിദ്യഭ്യാസ മേഖലയ്ക്കും ഗുണകരമാകുന്ന ബജറ്റാണെന്ന് കേരള യൂത്ത് ഫ്രണ്ട്-എം സംസ്ഥാന പ്രസിഡന്‍റ് അഡ്വ. റോണി മാത്യു. വന്യജീവി ആക്രമണം തടയാനും നഷ്ടപരിഹാരം നൽകാനുമുള്ള തുക 50 കോടിയായി ഉയർത്തിയതും റബർ, നെല്ല്, നാളികേരം, പച്ചക്കറി തുടങ്ങിയവയ്ക്ക് താങ്ങുവില പ്രഖ്യാപിച്ചതും കർഷകർക്ക് ആശ്വാസകരമാണ്. വിദ്യാഭാസ-ആരോഗ്യ മേഖലയിൽ ദീർഘവീക്ഷണത്തോടെയുള്ള പ്രഖ്യാപനങ്ങൾ സംസ്ഥാനത്തിന്‍റെ മുഖഛായ മാറ്റുമെന്നും റോണി അഭിപ്രായപ്പെട്ടു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.