വിശ്വാസ സംഗമം നാളെ; ആയിരങ്ങൾ പങ്കെടുക്കും : Deepika.com Kerala News |

Click here for detailed news of all items

വിശ്വാസ സംഗമം നാളെ; ആയിരങ്ങൾ പങ്കെടുക്കും

Friday, December 9, 2022 12:24 AM IST

തിരുവനന്തപുരം: മനുഷ്യാവകാശ ദിനമായ നാളെ കേരളത്തിലെ വിവിധ ക്രൈസ്തവ സഭകളുടെ ആഭിമുഖ്യത്തിൽ വിശ്വാസ സംഗമം സംഘടിപ്പിക്കും.

നാലാഞ്ചിറ ഗിരിദീപം കണ്‍വൻഷൻ സെന്‍ററിൽ അസംബ്ലി ഓഫ് ക്രിസ്റ്റ്യൻ ട്രസ്റ്റ് സർവീസസ് (ആക്ട്സ്) സംഘടിപ്പിക്കുന്ന പരിപാടിയിൽ 120 ക്രൈസ്തവ സംഘടനകൾ പങ്കാളികളാകുമെന്നു ജനറൽ സെക്രട്ടറി ജോർജ് സെബാസ്റ്റ്യൻ പത്രസമ്മേളനത്തിൽ പറഞ്ഞു. സ്വാതന്ത്ര്യത്തിന്‍റെ 75ാം വാർഷികവും ലോകസമാധാനത്തിനു വേണ്ടിയുള്ള പ്രാർഥനയുമാണ് വിശ്വാസ സംഗമത്തിന്‍റെ ഭാഗമായി നടത്തുന്നത്.

ആക്ട്സ് രക്ഷാധികാരിയും കെസിബിസി പ്രസിഡന്‍റുമായ കർദിനാൾ മാർ ബസേലിയോസ് ക്ലീമിസ് കാതോലിക്കാ ബാവയുടെ അധ്യക്ഷതയിൽ ചേരുന്ന സമ്മേളനം ദേശീയ ന്യൂനപക്ഷ കമ്മീഷൻ ചെയർമാൻ ഇക്ബാൽ സിംഗ് ലാൽപുര ഉദ്ഘാടനം ചെയ്യും.

75-ാം സ്വാതന്ത്ര്യ വാർഷികാഘോഷങ്ങളുടെ ഭാഗമായി കൊട്ടാരക്കര വാളകം മേഴ്സി ആശുപത്രിയുടെ ഒരേക്കർ സ്ഥലത്ത് നിർധനരായ 75 പേർക്കു വേണ്ടി ആക്ട്സ് നിർമിക്കുന്ന ഭവന സമുച്ചയമായ ഗ്രേസ് ഹോമിന്‍റെ ഉദ്ഘാടനം പ്രധാനമന്ത്രി നരേന്ദ്ര മോദി ഓണ്‍ലൈനായി നിർവഹിക്കും. എറണാകുളത്ത് ആരംഭിക്കാൻ പോകുന്ന ക്രിസ്റ്റ്യൻ മിഷനറി മ്യൂസിയത്തിന്‍റെ ഉദ്ഘാടനം മുഖ്യമന്ത്രി പിണറായി വിജയൻ ഓണ്‍ലൈനായി ഉദ്ഘാടനം ചെയ്യും.

ആക്ട്സ് നടപ്പാക്കാൻ പോകുന്ന വിവിധ പദ്ധതികളുടെ ഉദ്ഘാടനം പ്രമുഖർ നിർവഹിക്കും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.