തിരുവനന്തപുരം: സംസ്ഥാന ജിഎസ്ടി വകുപ്പിന്‍റെ “ലക്കി ബിൽ” ആപ്പിലെ 25 ലക്ഷം രൂപയുടെ ഓണം ബമ്പർ സമ്മാനവും , പ്രതിമാസ നറുക്കെടുപ്പിലെ ഒന്നാം സമ്മാനമായ 10 ലക്ഷം രൂപയും വനിതകൾക്ക് ലഭിച്ചു.
25 ലക്ഷം രൂപയുടെ ഓണം ബമ്പർ സമ്മാനം കോട്ടയം ജില്ലയിലെ മേലുകാവ്മറ്റം കീഴുമൂലയിൽ ഹൗസിൽ ബീന.എം. ജോസഫിനും സെപ്റ്റംബർ മാസത്തെ പ്രതിമാസ നറുക്കെടുപ്പിലെ ഒന്നാം സമ്മാനമായ 10 ലക്ഷം രൂപ ആലപ്പുഴ ജില്ലയിലെ പഴവീട് മന്നം ക്വാർട്ടേഴ്സിൽ സുനിതാ ശേഖറിനുമാണ് ലഭിച്ചത്.
തൊടുപുഴ, ഒമേഗ ഹോം ഡെകോഴ്സിൽ നിന്ന് വാങ്ങിയ സാധനങ്ങളുടെ ബില്ലിനാണ് ഓണം ബമ്പർ സമ്മാനം ലഭിച്ചത്. ആലപ്പുഴ ഏയ്ഞ്ചൽ ഏജൻസീസിൽ നിന്ന് വാങ്ങിയ സാധനത്തിന്‍റെ ബില്ലിനാണ് പ്രതിമാസ നറുക്കെടുപ്പിലെ ഒന്നാം സമ്മാനമായ 10 ലക്ഷം രൂപ ലഭിച്ചത്.
പ്രതിമാസ നറുക്കെടുപ്പിലെ രണ്ടാം സമ്മാനമായ രണ്ടു ലക്ഷം രൂപ വീതം അഞ്ച് പേർക്കും, മൂന്നാം സമ്മാനമായ ഒരു ലക്ഷം രൂപ വീതം അഞ്ച് പേർക്കുമാണ് ലഭിച്ചത്. വിജയികളുടെ വിവരങ്ങൾ ചുവടെ: പേര്, വീട്ട് പേര്, സ്ഥലപ്പേര്, ജില്ല, ബില്ല് നൽകിയ സ്ഥാപനം എന്ന ക്രമത്തിൽ.
രണ്ടാം സമ്മാന വിജയികൾ : അനിൽകുമാർ , പാലോട്ട് , മാവുങ്കൽ , കാസർഗോഡ്, (ചെമ്മണൂർ ഗോൾഡ് പാലസ്, കാഞ്ഞങ്ങാട് ), അക്ഷര എം , മുരളിക , മൺകര, പാലക്കാട്, (മലബാർ ബിസിനസ് സെന്‍റർ, പാലക്കാട് ), ഡൊമിനി മാത്യു, ഡാലിഡോക് , പുതിയങ്ങാടി, കോഴിക്കോട്( മലബാർ ഗോൾഡ് പാലസ്, കോഴിക്കോട് ), അനിൽകുമാർ .ഇ , എലുമ്പൻ ഹൗസ് , കാമ്പല്ലൂർ, കാസർഗോഡ് (പോപ്പുലർ വെഹിക്കിൾസ്, പള്ളിക്കുന്ന് ) , സൂരജ് .യൂ , ഉഴുന്നൻകോട്ടിൽ ഹൗസ് , പാലക്കാട് (മദർ കെയർ ഹെൽത്ത് സെന്‍റർ , മണ്ണാർക്കാട്)
മൂന്നാം സമ്മാന വിജയികൾ: തോമസ് .എൻ. എസ് നെല്ലിക്കാതെരുവിൽ ഹൗസ് , കൂടരഞ്ഞി, കോഴിക്കോട്, (റിച്ചെസ് ജുവൽ ആർക്കേഡ്, മുക്കം, കോഴിക്കോട്) , ബൈജു .എ , അത്തോളി ഹൗസ്, ഉള്ളിയേരി, കോഴിക്കോട്, (ഷോബിക വെഡിങ്സ് , കൊയിലാണ്ടി), അശോകൻ തുളിച്ചേരി, മണലിൽ ഹൗസ് , അജാനൂർ, കാസർഗോഡ്, (മെട്രോ സിൽക്സ്, കാഞ്ഞങ്ങാട്), ഹസൈനാർ ഹസൻ , ഹസൈനാർ ബാദർ മൻസിൽ, വലിയമൂല , കാസർഗോഡ്, (മലബാർ ഗോൾഡ്, കാസർഗോഡ് ), ഗോപിക, ഗോപിക നിവാസ്, കൊല്ലോട്, തിരുവനന്തപുരം (ആർ.വി. ഇലക്ട്രോണിക്സ്, തിരുവനന്തപുരം)