കൊച്ചി: കേരള കാത്തലിക് എൻജിനിയറിംഗ് കോളജ് മാനേജ്മെന്റ്സ് അസോസിയേഷന് നേതൃസമിതി യോഗവും വിവിധ എൻജിനിയറിംഗ് വിദ്യാഭ്യാസപദ്ധതികളുടെ ഉദ്ഘാടനവും ഏഴിനു കാഞ്ഞിരപ്പള്ളി അമല്ജ്യോതി എൻജിനിയറിംഗ് കോളജ് ഓഡിറ്റോറിയത്തില് നടക്കും.
രാവിലെ 11 ന് എക്സിക്യൂട്ടീവ് സമിതി യോഗം. തുടർന്നു നടക്കുന്ന സമ്മേളനം കാഞ്ഞിരപ്പള്ളി ബിഷപ് മാര് ജോസ് പുളിക്കല് ഉദ്ഘാടനം ചെയ്യും.
കാത്തലിക് എൻജിനിയറിംഗ് കോളജ് മാനേജ്മെന്റ്സ് അസോസിയേഷന് പ്രസിഡന്റ് റവ.ഡോ. മാത്യു പായിക്കാട്ട് അധ്യക്ഷത വഹിക്കും. സെക്രട്ടറി റവ.ഡോ.ജോസ് കുറിയേടത്ത്, എക്സിക്യൂട്ടീവ് സെക്രട്ടറി ഷെവലിയാര് അഡ്വ.വി.സി. സെബാസ്റ്റ്യന് എന്നിവര് വിഷയാവതരണങ്ങള് നടത്തും.
ഫാ. റോയി വടക്കന്, ഫാ. ഡെന്നി മാത്യു പെരിങ്ങാട്ട്, മോണ് തോമസ് കാക്കശേരി, മോണ്. ഇ. വില്ഫ്രെഡ്, ഫാ. ബോബി മണ്ണംപ്ലാക്കല് , ഫാ. പോള് നെടുമ്പുറം, ഫാ. മാത്യു കോരംകുഴ, ഫാ. ജോര്ജ് പാറമേല്, ഫാ. ജെയിംസ് ചെല്ലങ്കോട്ട്, ഫാ. മാത്യു അറേക്കളം, ഫാ. ജസ്റ്റിന് ആലുങ്കല്, ഫാ. ജോണ് പാലിയക്കര, ഫാ. ജോര്ജ് റബയ്റോ, ഫാ. ജോണ് വര്ഗീസ്, ഫാ. ബിജോയ് റ്റി എന്നിവര് പ്രസംഗിക്കും.
ആധുനിക സാങ്കേതിക മാറ്റങ്ങള്ക്കനുസരിച്ച് കേരളത്തിലെ എൻജിനിയറിംഗ് വിദ്യാഭ്യാസമേഖലയില് സമഗ്രമായ വളര്ച്ച ലക്ഷ്യംവച്ച് ദേശീയ രാജ്യാന്തര വിദ്യാഭ്യാസ ഏജന്സികളുമായി സഹകരിച്ചുള്ള പ്രവര്ത്തനങ്ങള് അസോസിയേഷന് നടപ്പിലാക്കുമെന്ന് സെക്രട്ടറി റവ.ഡോ. ജോസ് കുറിയേടത്ത് അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.