പ്രേഷിത പ്രവർത്തനങ്ങളുടെ ഹൃദയമാണ് മിഷൻ ലീഗ്: മാർ ജോർജ് ആലഞ്ചേരി : Deepika.com Kerala News |

Click here for detailed news of all items

പ്രേഷിത പ്രവർത്തനങ്ങളുടെ ഹൃദയമാണ് മിഷൻ ലീഗ്: മാർ ജോർജ് ആലഞ്ചേരി

Sunday, May 29, 2022 12:59 AM IST

കാക്കനാട്: സഭയുടെ പ്രേഷിത പ്രവർത്തനങ്ങളുടെ ഹൃദയമാണ് ചെറുപുഷ്പ മിഷൻ ലീഗ് എന്നു സീറോ മലബാർ സഭ മേജർ ആർച്ച് ബിഷപ് കർദിനാൾ മാർ ജോർജ് ആലഞ്ചേരി. ചെറുപുഷ്പ മിഷൻ ലീഗ് ദേശീയ കൗണ്‍സിൽ യോഗവും 2022-2023 പ്രവർത്തനവർഷത്തിന്‍റെ ഉദ്ഘാടനവും കാക്കനാട് മൗണ്ട് സെന്‍റ് തോമസിൽ നിർവഹിച്ചു പ്രസംഗിക്കുകയായിരുന്നു അദ്ദേഹം.

ദേശീയ പ്രസിഡന്‍റ് ബിനോയി പള്ളിപ്പറന്പിൽ അധ്യക്ഷത വഹിച്ച സമ്മേളനത്തിൽ, ചെറുപുഷ്പ മിഷൻ ലീഗിൽ അംഗത്വം സ്വീകരിച്ചിട്ട് അന്പതു വർഷം പൂർത്തിയാക്കിയ ദേശീയ കൗണ്‍സിൽ അംഗങ്ങളെയും പ്ലാറ്റിനം ജൂബിലി ഗാനം തയാറാക്കിയ ബേബി ജോണ്‍ കലയന്താനിയെയും ആദരിച്ചു.

സീറോ മലബാർ വൊക്കേഷൻ കമ്മീഷൻ സെക്രട്ടറി റവ. ഡോ. സെബാസ്റ്റ്യൻ മുട്ടംതൊട്ടിൽ, അന്തർദേശീയ അഡ്-ഹോക് കമ്മറ്റി പ്രസിഡന്‍റ് ഡേവീസ് വല്ലൂരാൻ, കേരള സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ, ഈ വർഷത്തെ കുഞ്ഞേട്ടൻ പുരസ്കാര ജേതാവ് തോമസ് ഏറനാട്ട്, ദേശീയ വൈസ് ഡയറക്ടർമാരായ ഫാ. ജോസഫ് മറ്റം, സിസ്റ്റർ ആൻ ഗ്രേയ്സ്, ദേശീയ ജനറൽ സെക്രട്ടറി സുജി പുല്ലുകാട്ട്, ദേശീയ ജനറൽ ഓർഗനൈസർ ജോണ്‍ കൊച്ചുചെറുനിലത്ത് എന്നിവർ പ്രസംഗിച്ചു.

കോതമംഗലം രൂപത വികാരി ജനറാളും മിഷൻ ലീഗ് മുൻ ദേശീയ ഡയറക്ടറുമായ റവ.ഡോ. പയസ് മലേക്കണ്ടം ക്ലാസ് നയിച്ചു. ഉച്ചകഴിഞ്ഞ് നടന്ന പൊതു ചർച്ചയിൽ അന്തർദേശീയ അഡ്ഹോക്ക് കമ്മറ്റി വൈസ് ഡയറക്ടർ ഫാ. ആന്‍റണി തെക്കേമുറി മോഡറേറ്ററായിരുന്നു.
സമാപന സമ്മേളനത്തിൽ സുപ്രീം കോടതി മുൻ ജഡ്ജിയും മിഷൻ ലീഗിന്‍റെ ആദ്യത്തെ ദേശീയ പ്രസിഡന്‍റുമായ ജസ്റ്റീസ് കുര്യൻ ജോസഫ് മുഖ്യാതിഥിയായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.