പരിവർത്തിത കോർപറേഷൻ പ്രവർത്തനം ത്വരിതപ്പെടുത്തണം: മാർ ജേക്കബ് മുരിക്കൻ : Deepika.com Kerala News |

Click here for detailed news of all items

പരിവർത്തിത കോർപറേഷൻ പ്രവർത്തനം ത്വരിതപ്പെടുത്തണം: മാർ ജേക്കബ് മുരിക്കൻ

Friday, May 27, 2022 1:23 AM IST

കോട്ടയം: ദളിത് ക്രൈസ്തവരുടെ സാന്പത്തിക പിന്നാക്കാവസ്ഥ പരിഹരിക്കുക എന്ന ലക്ഷ്യത്തോടു കൂടി സർക്കാർ രൂപം കൊടുത്ത പരിവർത്തിത ക്രൈസ്തവ ശിപാർശിത വിഭാഗ കോർപറേഷനെ സഹായിക്കുവാനുള്ള കർമപദ്ധതികൾ നടപ്പാക്കണമെന്നും കോർപ്പറേഷന്‍റെ പ്രവർത്തനത്തിനായി സർക്കാർ ആവശ്യമായ ഫണ്ട് ബജറ്റിൽ വകയിരുത്തണമെന്നും കെസിബിസി എസ്‌സി എസ്ടി /ബിസി കമ്മീഷൻ ചെയർമാൻ ബിഷപ് മാർ ജേക്കബ് മുരിക്കൻ .

വിവിധ ആവശ്യങ്ങളുന്നിയിച്ച് ഡിസിഎംഎസ് സംസ്ഥാന കമ്മിറ്റി കോർപറേഷന്‍റെ കോട്ടയത്തെ ഹെഡ് ഓഫീസിനു മുന്പിൽ നടത്തിയ ധർണ ഉദ്ഘാടനം ചെയ്യുകയായിരുന്നു മാർ ജേക്കബ് മുരിക്കൻ.

സംസ്ഥാന പ്രസിഡന്‍റ് ജയിംസ് ഇലവുങ്കൽ അധ്യക്ഷത വഹിച്ചു. സംസ്ഥാന ഡയറക്ടർ ഫാ. ജോസ് വടക്കേക്കുറ്റ്, മുൻ പ്രസിഡന്‍റുമാരായ പി.ഒ. പീറ്റർ, സി.സി. കുഞ്ഞുകൊച്ച്, വൈസ്പ്രസിഡന്‍റ് വിൻസന്‍റ് ആന്‍റണി, ജനറൽ സെക്രട്ടറി ജസ്റ്റിൻ പി. സ്റ്റീഫൻ, സെക്രട്ടറി ബിജി സാലസ്, സ്കറിയാ ആന്‍റണി, ഡോ. സിജോ ജേക്കബ്, ബിനോയ് ജോണ്‍, ജോയി കൂനാനിക്കൽ എന്നിവർ പ്രസംഗിച്ചു.

നല്ലിടയൻ കോന്പൗണ്ടിൽ നിന്ന് ആരംഭിച്ച റാലി വിജയപുരം രൂപതാ ഡിസിഎംഎസ് ഡയറക്ടർ ഫാ. ജോസഫ് തറയിൽ ഫ്ളാഗ് ഓഫ് ചെയ്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.