Kerala News
ധീരജ് വധം: പ്രതികളുമായി തെളിവെടുപ്പ് ന​ട​ത്തി
ധീരജ് വധം: പ്രതികളുമായി തെളിവെടുപ്പ് ന​ട​ത്തി
Thursday, January 20, 2022 1:42 AM IST
ചെ​റു​തോ​ണി: ധീ​ര​ജ് വ​ധ​ക്കേ​സി​ന്‍റെ തെ​ളി​വെ​ടു​പ്പി​നാ​യി ക​സ്റ്റ​ഡി​യി​ൽ വി​ട്ടു​കി​ട്ടി​യ ഒ​ന്നാം പ്ര​തി​യാ​യ നി​ഖി​ൽ പൈ​ലി​യ​ട​ക്കം ഏ​ഴു പ്ര​തി​ക​ളെ​യും ഇ​ടു​ക്കി ഡി​വൈ​എ​സ്പി ഓ​ഫീ​സി​ലെ​ത്തി​ച്ചു. മു​ഖ്യ​പ്ര​തി നി​ഖി​ൽ പൈ​ലി​യെ രാ​വി​ലെ ത​ന്നെ ഇ​ടു​ക്കി ക​ള​ക്‌​ട്രേ​റ്റി​ന് സ​മീ​പ​മു​ള്ള വ​ന​പ്ര​ദേ​ശ​ത്ത് എ​ത്തി​ച്ച് തെ​ളി​വെ​ടു​പ്പ് ന​ട​ത്തി.

ധീ​ര​ജി​നെ കു​ത്തി​യ​ശേ​ഷം പ്ര​തി സ​ഞ്ച​രി​ച്ച വ​ഴി​ക​ളി​ലൂ​ടെ പോ​ലീ​സ് ഇ​യാ​ളെ വാ​ഹ​ന​ത്തി​ൽ എ​ത്തി​ക്കു​ക​യാ​യി​രു​ന്നു. കൊ​ല​പാ​ത​ക​ത്തി​നു​പ​യോ​ഗി​ച്ച ക​ത്തി ക​ണ്ടെ​ടു​ക്കു​ന്ന​തി​നാ​യാ​ണ് നി​ഖി​ൽ പൈ​ലി​യെ പൈ​നാ​വി​ലെ​ത്തി​ച്ച​ത്. ക​ത്തി​ക​ണ്ടെ​ടു​ക്കാ​നാ​യി കൊ​ണ്ടു​വ​ന്ന ഇ​യാ​ളെ പോ​ലീ​സ് വാ​ഹ​ന​ത്തി​ൽ​നി​ന്നു പു​റ​ത്തി​റ​ക്കി​യി​ല്ല.

ഇ​ന്ന​ലെ ക​സ്റ്റ​ഡി​യി​ൽ വി​ട്ടു​കൊ​ടു​ത്ത മ​റ്റു പ്ര​തി​ക​ളാ​യ ജെ​റി​ൻ, ടോ​ണി, നി​ഥി​ൻ, ജി​ധി​ൻ എ​ന്നി​വ​രെ​യും ഇ​ന്ന​ലെ പു​ല​ർ​ച്ചെ പി​ടി​കൂ​ടി​യ സോ​യി​മോ​ൻ സ​ണ്ണി​യെ​യും അ​മ​ൽ ബേ​ബി​യെ​യും ഇ​ടു​ക്കി മെ​ഡി​ക്ക​ൽ കോ​ള​ജി​ൽ എ​ത്തി​ച്ച് വൈ​ദ്യ​പ​രി​ശോ​ധ​ന​ക്കു വി​ധേ​യ​മാ​ക്കി. വൈ​കു​ന്നേ​രം അ​ഞ്ചോ​ടെ സം​ഘ​ർ​ഷ​മു​ണ്ടാ​യ ഇ​ടു​ക്കി എ​ൻ​ജി​നി​യ​റിം​ഗ് കോ​ള​ജ് കാ​ന്പ​സി​നു പു​റ​ത്തും ജി​ല്ലാ പ​ഞ്ചാ​യ​ത്തി​നു സ​മീ​പ​വും പ്ര​തി​ക​ളെ എ​ത്തി​ച്ച് തെ​ളി​വെ​ടു​പ്പ് ന​ട​ത്തി.


പ്ര​തി​ക​ളി​ലൊ​രാ​ളാ​യ ടോ​ണി തേ​ക്കി​ല​ക്കാ​ട്ട് ഒ​ളി​ച്ചി​രു​ന്ന ജി​ല്ലാ പ​ഞ്ചാ​യ​ത്ത് കോ​ണ്‍ഫ​റ​ൻ​സ് ഹാ​ളി​ൽ പോ​ലീ​സ് സം​ഘം ടോ​ണി​യു​മാ​യി എ​ത്തി തെ​ളി​വെ​ടു​പ്പ് ന​ട​ത്തി. ധീ​ര​ജി​ന്‍റെ കൊ​ല​പാ​ത​ക​ത്തി​നു​പ​യോ​ഗി​ച്ച ക​ത്തി ക​ണ്ടെ​ടു​ക്കു​ന്ന​തി​തി​നാ​യി ക​ള​ക്‌​ട്രേ​റ്റ് പ​രി​സ​ര​ത്തു​ള്ള വ​ന​പ്ര​ദേ​ശ​ങ്ങ​ളി​ലെ കാ​ട് വെ​ട്ടി​ത്തെ​ളി​ച്ച് പ​രി​ശോ​ധി​ക്കാ​നാ​ണ് ഇ​ന്ന് പോ​ലീ​സ് സം​ഘം ത​യാ​റാ​വു​ന്ന​ത്. ഇ​ന്ന​ലെ പ്ര​തി​ക​ളെ ഇ​ടു​ക്കി മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ വൈ​ദ്യ​പ​രി​ശോ​ധ​ന​ക്കെ​ത്തി​ച്ച​പ്പോ​ൾ ഒ​രു സം​ഘം ആ​ളു​ക​ളു​ടെ നേ​തൃ​ത്വ​ത്തി​ൽ പ്ര​തി​ക​ൾ​ക്കു​നേ​രേ ആ​ക്ര​മ​ണ​ത്തി​നു മു​തി​ർ​ന്നി​രു​ന്നു.

പോ​ലീ​സി​ന്‍റെ ക​ന​ത്ത സു​ര​ക്ഷാ​വ​ല​യ​ത്തി​ലാ​ണ് പ്ര​തി​ക​ളെ വൈ​ദ്യ​പ​രി​ശോ​ധ​ന​യ്ക്കും തെ​ളി​വെ​ടു​പ്പി​നും കൊ​ണ്ടു​വ​ന്ന​ത്. ഇ​ടു​ക്കി ഡി​വൈ​എ​സ്പി ഇ​മ്മാ​നു​വ​ൽ പോ​ളി​ന്‍റെ മേ​ൽ​നോ​ട്ട​ത്തി​ൽ ഇ​ടു​ക്കി സ​ർ​ക്കി​ൾ ഇ​ൻ​സ്പെ​ക്ട​ർ ബി. ​ജ​യ​ന്‍റെ നേ​തൃ​ത്വ​ത്തി​ലു​ള്ള അ​ന്വേ​ഷ​ണ സം​ഘ​മാ​ണ് പ്ര​തി​ക​ളു​മാ​യി തെ​ളി​വെ​ടു​പ്പ് ന​ട​ത്തി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.