തിരുവനന്തപുരം: കോവിഡ് മഹാമാരിമൂലം ദുരിതമനുഭവിക്കുന്ന പരന്പരാഗത കൈത്തറി തൊഴിലാളികൾക്കു സഹായഹസ്തവുമായി വേൾഡ് മലയാളി കൗണ്സിൽ (ഡബ്ല്യുഎംസി ) ആരംഭിച്ച ‘കൈത്തറിക്ക് ഒരു കൈത്താങ്ങ്’ പദ്ധതി വ്യവസായമന്ത്രി പി. രാജീവ് ഉദ്ഘാടനം ചെയ്തു.
തിരുവനന്തപുരം പ്രസ് ക്ലബ് ഓഡിറ്റോറിയത്തിൽ നടന്ന ചടങ്ങിൽ ഡബ്ല്യുഎംസി ഗ്ലോബൽ ചെയർമാൻ ജോണി കുരുവിള അധ്യക്ഷത വഹിച്ചു. തദ്ദേശീയമായി ഉത്പാദിപ്പിക്കുന്ന ഉത്പന്നങ്ങളുടെ അന്താരാഷ്ട്ര തലത്തിലുള്ള വിപണനത്തിനു സംസ്ഥാന സർക്കാർ പ്രാധാന്യം നൽകുന്നുണ്ടെന്നു മന്ത്രി പറഞ്ഞു.
എം. വിൻസന്റ് എംഎൽഎ, തിരുവനന്തപുരം ജില്ലാ പഞ്ചായത്ത് പ്രസിഡന്റ് അഡ്വ. ഡി. സുരേഷ് കുമാർ, ബാലരാമപുരം പഞ്ചായത്ത് പ്രസിഡന്റ് എം. മോഹൻ എന്നിവർ പ്രസംഗിച്ചു. വിപണനത്തിനായി ക്രമീകരിച്ചിരിക്കുന്ന www.madebymalaya lee.com എന്ന വെബ്സൈറ്റിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് അഡ്വ. ഡി. സുരേഷ് കുമാർ നിർവഹിച്ചു.
വേൾഡ് മലയാളി കൗണ്സിൽ ഗ്ലോബൽ പ്രസിഡന്റ് ടി.പി. വിജയൻ, ഗ്ലോബൽ വൈസ് പ്രസിഡന്റുമാരായ സി.യു. മത്തായി, ബേബി മാത്യു സോമതീരം, ഗ്ലോബൽ പരിസ്ഥിതി മനുഷ്യാവകാശ ഫോറം ചെയർമാൻ അഡ്വ. ശിവൻ മഠത്തിൽ, ഗ്ലോബൽ ബിസിനസ് ഫോറം ചെയർമാൻ ഷാജി ബേബി ജോണ്, ഗ്ലോബൽ യൂത്ത് ഫോറം പ്രസിഡന്റ് ഷിബു ഷാജഹാൻ, ഗ്ലോബൽ വിമെൻസ് ഫോറം ചെയർപേഴ്സണ് തങ്കമണി ദിവാകരൻ, ഇന്ത്യാ റീജണ് സെക്രട്ടറിയും ‘കൈത്തറിക്ക് ഒരു കൈത്താങ്ങ്’ പദ്ധതി ചെയർമാനുമായ തുളസീധരൻ, ട്രാവൻകൂർ പ്രോവിൻസിന്റെ ഭാരവാഹികളായ അഡ്വ. തോമസ് സ്കറിയ, സാബു തോമസ്, പ്രസാദ് എന്നിവർ പ്രസംഗിച്ചു. ഗ്ലോബൽ വൈസ് പ്രസിഡന്റ് ഷാജി എം. മാത്യു സ്വാഗതവും ട്രാവൻകൂർ പ്രോവിൻസ് പ്രസിഡന്റ് സാം ജോസഫ് നന്ദിയും പറഞ്ഞു.
ആഗോളതലത്തിൽ സൂം മീറ്റിംഗിലൂടെ സംപ്രേഷണം ചെയ്ത യോഗത്തിൽ ഗ്ലോബൽ അഡ്വൈസറി ബോർഡ് ചെയർമാൻ ഐസക് ജോണ് പട്ടാണിപ്പറന്പിൽ, ഗ്ലോബൽ സെക്രട്ടറി ജനറൽ പോൾ പറപ്പള്ളി, ഗ്ലോബൽ ട്രഷറർ ജയിംസ് കൂടൽ, ഗ്ലോബൽ വിമെൻസ് ഫോറം പ്രസിഡന്റ് ജാനറ്റ് വർഗീസ് എന്നിവർ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.