പോ​ലീ​സ് പാ​സി​നാ​യി 1.75 ലക്ഷം അ​പേ​ക്ഷ; നൽകിയത് 15,761
പോ​ലീ​സ് പാ​സി​നാ​യി 1.75 ലക്ഷം അ​പേ​ക്ഷ; നൽകിയത് 15,761
Monday, May 10, 2021 2:09 AM IST
തി​രു​വ​ന​ന്ത​പു​രം: ലോ​ക്ഡൗ​ണി​ൽ അ​ത്യാ​വ​ശ്യ കാ​ര്യ​ങ്ങ​ൾ​ക്കു യാ​ത്ര​ചെ​യ്യാ​നു​ള്ള പോ​ലീ​സ് പാ​സി​നാ​യു​ള്ള അ​പേ​ക്ഷ​ക​രു​ടെ എ​ണ്ണം 1.75 ല​ക്ഷം ക​ട​ന്നു. ഒ​രു ദി​വ​സ​ത്തി​നു​ള്ളി​ലാ​ണ് ഇ​ത്ര​യ​ധി​കം പേ​ർ അ​പേ​ക്ഷ ന​ൽ​കി​യ​ത്. എ​ന്നാ​ൽ 15,761 പേ​ർ​ക്കു മാ​ത്ര​മാ​ണു പാ​സ് ന​ൽ​കി​യ​ത്.

അ​പേ​ക്ഷ​ക​രു​ടെ ബാ​ഹു​ല്യം മൂ​ലം പോ​ലീ​സ് വെ​ബ്സൈ​റ്റ് ത​ക​രാ​റി​ലാ​യ​തി​നാ​ൽ പാ​സ് വേ​ണ്ട പ​ല​ർ​ക്കും അ​പേ​ക്ഷി​ക്കാ​നാ​യി​ല്ലെ​ന്നും പ​രാ​തി​യു​ണ്ട്. ശ​നി​യാ​ഴ്ച വൈ​കു​ന്നേ​രം വെ​ബ്സൈ​റ്റ് ആ​രം​ഭി​ച്ച​തി​നു പി​ന്നാ​ലെ രാ​ത്രി​യോ​ടെ അ​പേ​ക്ഷ​ക​ളു​ടെ എ​ണ്ണം 40,000 ക​വി​ഞ്ഞു. ഇ​തേ​ത്തു​ട​ർ​ന്ന് വെ​ബ്സൈ​റ്റ് ത​ക​രാ​റി​ലാ​യി. ഇ​ന്ന​ലെ രാ​വി​ലെ​യാ​ണ് ത​ക​രാ​ർ പ​രി​ഹ​രി​ച്ച​തെ​ന്നാ​ണു പോ​ലീ​സ് പ​റ​യു​ന്ന​ത്.

ഒ​രേ സ​മ​യം 5,000 പേ​ർ​ക്ക് അ​പേ​ക്ഷ സ​മ​ർ​പ്പി​ക്കാ​വു​ന്ന ത​ര​ത്തി​ലാ​ണ് വെ​ബ്സൈ​റ്റ് സ​ജ്ജ​മാ​ക്കി​യി​രു​ന്ന​ത്. പ​ല​പ്പോ​ഴും ഒ​രേ​സ​മ​യം 10,000-ൽ ​അ​ധി​കം പേ​ർ പാ​സി​ന് അ​പേ​ക്ഷി​ക്കു​ന്ന​താ​ണ് സൈ​റ്റ് ഡൗ​ണ്‍ ആ​കാ​ൻ കാ​ര​ണ​മാ​യി ചൂ​ണ്ടി​ക്കാട്ടുന്ന​ത്.


അ​പേ​ക്ഷ ല​ഭി​ച്ച​തി​ൽ ഭൂ​രി​ഭാ​ഗ​ത്തിലും യാ​ത്ര​യ്ക്കാ​യി പ​റ​യു​ന്ന കാ​ര​ണ​ങ്ങ​ൾ ഗൗ​ര​വ​മ​ല്ലാ​ത്ത​തി​നാ​ലാ​ണ് പാ​സ് അ​നു​വ​ദി​ക്കാ​ത്ത​തെ​ന്നാ​ണു പോ​ലീ​സ് ഭാ​ഷ്യം. ഇ​ന്നു മു​ത​ൽ അ​പേ​ക്ഷ​ക​രു​ടെ എ​ണ്ണം വ​ർ​ധി​ക്കു​മെ​ന്നും പോ​ലീ​സ് ക​ണ​ക്കു​കൂ​ട്ടു​ന്നു​.

തി​രി​ച്ച​റി​യ​ൽ കാ​ർ​ഡു​ള്ള അ​വ​ശ്യസ​ർ​വീ​സ് വി​ഭാ​ഗ​ത്തി​ൽ​ പെ​ട്ട​വ​ർ​ക്ക് പാ​സി​ന്‍റെ ആ​വ​ശ്യ​മി​ല്ല. തി​രി​ച്ച​റി​യ​ൽ കാ​ർ​ഡി​ല്ലാ​ത്ത വീ​ട്ടു​ജോ​ലി​ക്കാ​ർ, കൂ​ലി​പ്പ​ണി​ക്കാ​ർ, തൊ​ഴി​ലാ​ളി​ക​ൾ തു​ട​ങ്ങി​ യാ​ത്രചെ​യ്യേ​ണ്ടി​വ​രു​ന്ന​വ​ർ​ക്കാ​ണ് പാ​സി​ന്‍റെ ആ​വ​ശ്യം. ഈ ​വി​ഭാ​ഗ​ക്കാ​ർ നേ​രി​ട്ടോ അ​ല്ലെ​ങ്കി​ൽ തൊ​ഴി​ൽദാ​താ​ക്ക​ൾ മു​ഖേ​ന​യോ ആ​ണ് പാ​സി​ന് അ​പേ​ക്ഷി​ക്കേ​ണ്ട​ത്. വീ​ടി​ന​ടു​ത്ത ക​ട​യി​ൽ അ​വ​ശ്യസാ​ധ​നം വാ​ങ്ങാ​ൻ പോ​കു​ന്ന​വ​ർ​ക്ക് പോ​ലീ​സ് പാ​സി​ന്‍റെ ആ​വ​ശ്യ​മി​ല്ല. ഇ​വ​ർ​ക്ക് സ​ത്യ​വാ​ങ്മൂ​ലം മാ​ത്രം മ​തി​യാ​കും.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.