തിരുവനന്തപുരം: കേരളത്തിന്റെ സമഗ്ര വികസനം ലക്ഷ്യമിട്ടു ഗാന്ധിജി സ്റ്റഡി സെന്റർ ചെയർമാൻ പി.ജെ. ജോസഫ് എംഎൽഎയുടെ നേതൃത്വത്തിൽ നടത്തിയ വികസന കോണ്ക്ലേവിലെ നിർദേശങ്ങൾ യുഡിഎഫ് പ്രകടനപത്രികയിൽ ഉൾപ്പെടുത്തുന്നതിനായി സമർപ്പിച്ചു.
ഡോ.ശശി തരൂർ എംപി, ബെന്നി ബഹനാൻ എംപി, ഡോ.എം.കെ മുനീർ എംഎൽഎ, സി.പി. ജോണ് എന്നിവർക്ക് വികസന കോണ്ക്ലേവ് റിപ്പോർട്ടിന്റെ കോപ്പി അഡ്വ. കെ. ഫ്രാൻസിസ് ജോർജ് എക്സ് എംപി സമർപ്പിച്ചു. ഐടി, ടൂറിസം, കൃഷി, ധനവിനിയോഗം, ആരോഗ്യം, വിദ്യാഭ്യാസം തുടങ്ങി വിവിധ മേഖലകളിലെ വിദഗ്ധർ പങ്കുവച്ച വികസന കാഴ്ചപ്പാടുകളാണു റിപ്പോർട്ടിൽ ഉൾക്കൊള്ളിച്ചിട്ടുള്ളത്. ടി.കെ. ജോസ് ഐഎഎസ്, ഡോ.ജി. വിജയരാഘവൻ, മുരളി തുമ്മാരുകുടി, ഡോ.എസ്.എസ് ലാൽ, ഡോ.മേരി ജോർജ്, മാത്യു കുഴൽനാടൻ, റോഷൻ കൈനടി, ഡോ.അമൃത് കുമാർ എന്നിവർ ചർച്ചകൾക്കു നേതൃത്വം നൽകി. സ്റ്റഡി സെന്റർ വൈസ് ചെയർമാൻ അപു ജോണ് ജോസഫ് ആമുഖപ്രസംഗം നടത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.